§4.195.1κατὰ τούτους δὲ λέγουσι Καρχηδόνιοι κεῖσθαι νῆσον τῇ οὔνομα εἶναι Κύραυιν, μῆκος μὲν διηκοσίων σταδίων, πλάτος δὲ στεινήν, διαβατὸν ἐκ τῆς ἠπείρου, ἐλαιέων τε μεστὴν καὶ ἀμπέλων.
カルタゴ人たちが言うには、これらの人々の近くに、名をキュラウイスという島が横たわっており、長さは二百スタディオンで、幅は狭く、大陸から歩いて渡ることができ、オリーブと葡萄が豊かに実っているという。
§4.195.2λίμνην δὲ ἐν αὐτῇ εἶναι, ἐκ τῆς αἱ παρθένοι τῶν ἐπιχωρίων πτεροῖσι ὀρνίθων κεχριμένοισι πίσσῃ ἐκ τῆς ἰλύος ψῆγμα ἀναφέρουσι χρυσοῦ.
また彼らの言うには、その島には湖があり、そこから地元の乙女たちが、ピッチを塗った鳥の羽を用いて、泥の中から砂金を引き上げるのだという。
ταῦτα εἰ μὲν ἔστι ἀληθέως οὐκ οἶδα, τὰ δὲ λέγεται γράφω·
これらのことが本当に事実であるかどうかは私は知らないが、言われていることを私は記す。
εἴη δʼ ἂν πᾶν, ὅκου καὶ ἐν Ζακύνθῳ ἐκ λίμνης καὶ ὕδατος πίσσαν ἀναφερομένην αὐτὸς ἐγὼ ὥρων.
しかし、何事もあり得ることであろう、私自身がザキュントス島においてさえ、湖と水からピッチが引き上げられるのを目撃したのだから。
§4.195.3εἰσὶ μὲν καὶ πλεῦνες αἱ λίμναι αὐτόθι, ἡ δʼ ὦν μεγίστη αὐτέων ἑβδομήκοντα ποδῶν πάντῃ, βάθος δὲ διόργυιος ἐστί·
そこには他にも多くの湖があるが、ともかくそれらのうち最大のものは、四方が七十フィートで、深さは二尋ある。
ἐς ταύτην κοντὸν κατιεῖσι ἐπʼ ἄκρῳ μυρσίνην προσδήσαντες καὶ ἔπειτα ἀναφέρουσι τῇ μυρσίνῃ πίσσαν, ὀδμὴν μὲν ἔχουσαν ἀσφάλτου, τὰ δʼ ἄλλα τῆς Πιερικῆς πίσσης ἀμείνω.
この湖に彼らは先端にミルトスを縛り付けた竿を降ろし、そしてそのミルトスによって、アスファルトの匂いがするものの、その他の点ではピエリア産のピッチよりも優れたピッチを引き上げる。
ἐσχέουσι δὲ ἐς λάκκον ὀρωρυγμένον ἀγχοῦ τῆς λίμνης.
そして彼らはそれを、湖の近くに掘られた貯蔵槽に流し込む。
ἐπεὰν δὲ ἀθροίσωσι συχνήν, οὕτω ἐς τοὺς ἀμφορέας ἐκ τοῦ λάκκου καταχέουσι.
十分な量を集めたとき、そのようにして、彼らはその貯蔵槽からアンフォラへと注ぎ入れるのである。
§4.195.4ὁ τι δʼ ἂν ἐσπέσῃ ἐς τὴν λίμνην, ὑπὸ γῆν ἰὸν ἀναφαίνεται ἐν τῇ θαλάσσῃ·
この湖に落ちたものは何であれ、地面の下を通って海に現れる。
ἣ δὲ ἀπέχει ὡς τέσσερα στάδια ἀπὸ τῆς λίμνης.
なお、海は湖から約四スタディオン離れている。
οὕτω ὦν καὶ τὰ ἀπὸ τῆς νήσου τῆς ἐπὶ Λιβύῃ κειμένης οἰκότα ἐστὶ ἀληθείῃ.
したがって、リビアの近くに位置するその島について語られることも、真実らしく思われるのである。