§3.88.1Δαρεῖός τε δὴ ὁ Ὑστάσπεος βασιλεὺς ἀπεδέδεκτο, καί οἱ ἦσαν ἐν τῇ Ἀσίῃ πάντες κατήκοοι πλὴν Ἀραβίων, Κύρου τε καταστρεψαμένου καὶ ὕστερον αὖτις Καμβύσεω.
ヒュスタスペスの子ダレイオスが王として立てられ、アジアにおいてはアラビア人を除くすべての者が彼の配下となった。 これは、キュロスが彼らを征服し、さらにその後、カンビュセスが再び征服したからである。
Ἀράβιοι δὲ οὐδαμὰ κατήκουσαν ἐπὶ δουλοσύνῃ Πέρσῃσι, ἀλλὰ ξεῖνοι ἐγένοντο παρέντες Καμβύσεα ἐπʼ Αἴγυπτον·
しかし、アラビア人はペルシア人に隷属して服従することは決してなく、カンビュセスがエジプトへ向かうために国内を通過することを認めて、彼らの同盟者となった。
ἀεκόντων γὰρ Ἀραβίων οὐκ ἂν ἐσβάλοιεν Πέρσαι ἐς Αἴγυπτον.
というのも、アラビア人の意に反しては、ペルシア人はエジプトに侵入できなかったであろうからである。
§3.88.2γάμους τε τοὺς πρώτους ἐγάμεε Πέρσῃσι ὁ Δαρεῖος, Κύρου μὲν δύο θυγατέρας Ἄτοσσάν τε καὶ Ἀρτυστώνην, τὴν μὲν Ἄτοσσαν προσυνοικήσασαν Καμβύσῃ τε τῷ ἀδελφεῷ καὶ αὖτις τῷ Μάγῳ, τὴν δὲ Ἀρτυστώνην παρθένον·
ダレイオスは、ペルシア人の中で最も高貴な結婚をした。 すなわち、キュロスの二人の娘、アトッサとアルテュストネである。 アトッサは以前、自身の兄弟であるカンビュセスと同居し、その後再びマゴスと同居したことがあったが、アルテュストネは処女であった。
§3.88.3ἑτέρην δὲ Σμέρδιος τοῦ Κύρου θυγατέρα ἔγημε, τῇ οὔνομα ἦν Πάρμυς·
彼はまた、キュロスの子スメルディスの別の娘、名はパルミュスという女性を娶った。
ἔσχε δὲ καὶ τὴν τοῦ Ὀτάνεω θυγατέρα, ἣ τὸν Μάγον κατάδηλον ἐποίησε·
さらに、あのマゴスの正体を暴いたオタネスの娘も妻とした。
δυνάμιός τε πάντα οἱ ἐπιμπλέατο.
こうして、彼の万事は権勢で満たされた。
πρῶτον μέν νυν τύπον ποιησάμενος λίθινον ἔστησε·
そこで彼はまず、石の記念碑を作らせてそれを建てた。
ζῷον δέ οἱ ἐνῆν ἀνὴρ ἱππεύς, ἐπέγραψε δὲ γράμματα λέγοντα τάδε·
そこには馬に乗った男の浮彫があり、次のように語る文字を刻んだ。
Δαρεῖος ὁ Ὑστάσπεος σύν τε τοῦ ἵππου τῇ ἀρετῇ
τὸ οὔνομα λέγων
καὶ Οἰβάρεος τοῦ ἱπποκόμου ἐκτήσατο τὴν Περσέων βασιληίην.
「ヒュスタスペスの子ダレイオスは、その馬の優秀さと、 ――馬の名を記して―― 馬丁オイバレスの功績によって、ペルシア人の王権を手に入れた。 」