§2.125.1ἐποιήθη δὲ ὧδε αὕτη ἡ πυραμίς·
このピラミッドは次のようにして作られた。
ἀναβαθμῶν τρόπον, τὰς μετεξέτεροι κρόσσας οἳ δὲ βωμίδας ὀνομάζουσι,
すなわち階段の形状にであり、これを、ある人々は「クロッサイ（段）」と呼び、他の人々は「ボミデス（小祭壇）」と呼んでいる。
§2.125.2τοιαύτην τὸ πρῶτον ἐπείτε ἐποίησαν αὐτήν, ἤειρον τοὺς ἐπιλοίπους λίθους μηχανῇσι ξύλων βραχέων πεποιημένῃσι, χαμᾶθεν μὲν ἐπὶ τὸν πρῶτον στοῖχον τῶν ἀναβαθμῶν ἀείροντες·
最初にそれをこのような形に作り終えると、彼らは、短い木材で作られた機械を用いて、残りの石を引き上げた。 まず地上から階段の第一段へと引き上げながら。
§2.125.3ὅκως δὲ ἀνίοι ὁ λίθος ἐπʼ αὐτόν, ἐς ἑτέρην μηχανὴν ἐτίθετο ἑστεῶσαν ἐπὶ τοῦ πρώτου στοίχου, ἀπὸ τούτου δὲ ἐπὶ τὸν δεύτερον εἵλκετο στοῖχον ἐπʼ ἄλλης μηχανῆς·
石がその段に上がると、それは第一段の上に据えられた別の機械に置かれ、そこからさらに別の機械によって第二段へと引き上げられた。
§2.125.4ὅσοι γὰρ δὴ στοῖχοι ἦσαν τῶν ἀναβαθμῶν, τοσαῦται καὶ μηχαναὶ ἦσαν, εἴτε καὶ τὴν αὐτὴν μηχανὴν ἐοῦσαν μίαν τε καὶ εὐβάστακτον μετεφόρεον ἐπὶ στοῖχον ἕκαστον, ὅκως τὸν λίθον ἐξέλοιεν·
というのも、階段の段の数だけ機械もあったからである。 あるいは、たった一つで持ち運びの容易な同じ機械を、石を引き上げるたびに各段へと移動させていたのかもしれない。
λελέχθω γὰρ ἡμῖν ἐπʼ ἀμφότερα, κατά περ λέγεται.
いずれの説も言われている通りに、我々によって記述されたことにしておこう。
§2.125.5ἐξεποιήθη δʼ ὦν τὰ ἀνώτατα αὐτῆς πρῶτα, μετὰ δὲ τὰ ἐχόμενα τούτων ἐξεποίευν, τελευταῖα δὲ αὐτῆς τὰ ἐπίγαια καὶ τὰ κατωτάτω ἐξεποίησαν.
ともかくも、ピラミッドの最上部が最初に仕上げられ、その後にこれに続く部分が仕上げられ、最後にその地上に接する最も低い部分が仕上げられた。
§2.125.6σεσήμανται δὲ διὰ γραμμάτων Αἰγυπτίων ἐν τῇ πυραμίδι ὅσα ἔς τε συρμαίην καὶ κρόμμυα καὶ σκόροδα ἀναισιμώθη τοῖσι ἐργαζομένοισι·
また、労働者たちのために、大根、玉ねぎ、にんにくにどれだけの額が費やされたかが、エジプトの文字でピラミッドに記されている。
καὶ ὡς ἐμὲ εὖ μεμνῆσθαι τὰ ὁ ἑρμηνεύς μοι ἐπιλεγόμενος τὰ γράμματα ἔφη, ἑξακόσια καὶ χίλια τάλαντα ἀργυρίου τετελέσθαι.
そして、通訳がその文字を私に読み聞かせながら言ったことを、私がよく覚えている限りでは、銀1600タラントが費やされたということであった。
§2.125.7εἰ δʼ ἔστι οὕτω ἔχοντα ταῦτα, κόσα οἰκὸς ἄλλα δεδαπανῆσθαι ἐστὶ ἔς τε σίδηρον τῷ ἐργάζοντο καὶ σιτία καὶ ἐσθῆτα τοῖσι ἐργαζομένοισι, ὁκότε χρόνον μὲν οἰκοδόμεον τὰ ἔργα τὸν εἰρημένον, ἄλλον δέ, ὡς ἐγὼ δοκέω, ἐν τῷ τοὺς λίθους ἔταμνον καὶ ἦγον καὶ τὸ ὑπὸ γῆν ὄρυγμα ἐργάζοντο, οὐκ ὀλίγον χρόνον.
もしこの通りであるならば、彼らが仕事に用いた鉄や、労働者たちの食料、衣類のために、どれほど多くの他の費用が支出されたことになるであろうか。 彼らは前述の期間にわたって建築工事を行っていただけでなく、私の思うところでは、彼らが石を切り出し、運び、そして地下の掘削作業を行っていた別の、少なからぬ期間もあったのだから。