§2.121B.1ὡς δὲ τυχεῖν τὸν βασιλέα ἀνοίξαντα τὸ οἴκημα, θωμάσαι ἰδόντα τῶν χρημάτων καταδεᾶ τὰ ἀγγήια, οὐκ ἔχειν δὲ ὅντινα ἐπαιτιᾶται, τῶν τε σημάντρων ἐόντων σόων καὶ τοῦ οἰκήματος κεκληιμένου.
さて、王がその部屋を開けたとき、財宝が入っている器が目減りしているのを見て驚いたが、封印は無事であり、部屋も閉ざされていたので、誰を疑ってよいか分からなかった。
ὡς δὲ αὐτῷ καὶ δὶς καὶ τρὶς ἀνοίξαντι αἰεὶ ἐλάσσω φαίνεσθαι τὰ χρήματα (τοὺς γὰρ κλέπτας οὐκ ἀνιέναι κεραΐζοντας), ποιῆσαί μιν τάδε·
王が二度、三度と開けても、財宝は常に減っているように見えたため（というのも、泥棒たちは略奪するのをやめなかったからである）、王は次のようにした。
πάγας προστάξαι ἐργάσασθαι καὶ ταύτας περὶ τὰ ἀγγήια ἐν τοῖσι τὰ χρήματα ἐνῆν στῆσαι.
すなわち、罠を作らせ、それらを財宝の入っている器の周囲に仕掛けさせたのである。
§2.121B.2τῶν δὲ φωρῶν ὥσπερ ἐν τῷ πρὸ τοῦ χρόνῳ ἐλθόντων καὶ ἐσδύντος τοῦ ἑτέρου αὐτῶν, ἐπεὶ πρὸς τὸ ἄγγος προσῆλθε, ἰθέως τῇ πάγῃ ἐνέχεσθαι.
泥棒たちが以前と同じようにやって来て、彼らのうちの一人が忍び込み、その器に近づいたとき、直ちに罠にかかった。
ὡς δὲ γνῶναι αὐτὸν ἐν οἵῳ κακῷ ἦν, ἰθέως καλέειν τὸν ἀδελφεὸν καὶ δηλοῦν αὐτῷ τὰ παρεόντα, καὶ κελεύειν τὴν ταχίστην ἐσδύντα ἀποταμεῖν αὐτοῦ τὴν κεφαλήν, ὅκως μὴ αὐτὸς ὀφθεὶς καὶ γνωρισθεὶς ὃς εἴη προσαπολέσῃ κἀκεῖνον.
自分がどれほどの窮地に陥っているかを悟ると、彼はすぐに兄弟を呼び寄せて状況を伝え、自分が目撃され、正体が知られることで兄弟までも道連れに破滅してしまわないよう、大急ぎで中に入って自分の首を切り落とすようにと頼んだ。
τῷ δὲ δόξαι εὖ λέγειν, καὶ ποιῆσαί μιν πεισθέντα ταῦτα, καὶ καταρμόσαντα τὸν λίθον ἀπιέναι ἐπʼ οἴκου, φέροντα τὴν κεφαλὴν τοῦ ἀδελφεοῦ.
兄弟にはそれがもっともな言い分だと思われたので、説得されてその通りにし、石を元通りにはめ合わせて、兄弟の首を携えて家路についた。