§2.120.1ταῦτα μὲν Αἰγυπτίων οἱ ἱρέες ἔλεγον·
エジプト人の神官たちはこのように語っていた。
ἐγὼ δὲ τῷ λόγῳ τῷ περὶ Ἑλένης λεχθέντι καὶ αὐτὸς προστίθεμαι, τάδε ἐπιλεγόμενος, εἰ ἦν Ἑλένη ἐν Ἰλίῳ, ἀποδοθῆναι ἂν αὐτὴν τοῖσι Ἕλλησι ἤτοι ἑκόντος γε ἢ ἀέκοντος Ἀλεξάνδρου.
そして私自身も、ヘレネに関して語られたその話に同意するものである。 次のように推論するからである。 もしヘレネがイリオスにいたならば、アレクサンドロスが望もうと望むまいと、彼女はギリシア人たちに返還されたであろうということだ。
§2.120.2οὐ γὰρ δὴ οὕτω γε φρενοβλαβὴς ἦν ὁ Πρίαμος οὐδὲ οἱ ἄλλοι οἱ προσήκοντες αὐτῷ, ὥστε τοῖσι σφετέροισι σώμασι καὶ τοῖσι τέκνοισι καὶ τῇ πόλι κινδυνεύειν ἐβούλοντο, ὅκως Ἀλέξανδρος Ἑλένῃ συνοικέῃ.
というのも、プリアモスやその親族たちがそれほどまでに正気を失っており、アレクサンドロスがヘレネと暮らすことができるようにと、自分たちの命や子供たち、さらには都市までも危険にさらすことを望むはずがなかったからである。
§2.120.3εἰ δέ τοι καὶ ἐν τοῖσι πρώτοισι χρόνοισι ταῦτα ἐγίνωσκον, ἐπεὶ πολλοὶ μὲν τῶν ἄλλων Τρώων, ὁκότε συμμίσγοιεν τοῖσι Ἕλλησι, ἀπώλλυντο, αὐτοῦ δὲ Πριάμου οὐκ ἔστι ὅτε οὐ δύο ἢ τρεῖς ἢ καὶ ἔτι πλέους τῶν παίδων μάχης γινομένης ἀπέθνησκον, εἰ χρή τι τοῖσι ἐποποιοῖσι χρεώμενον λέγειν, τούτων δὲ τοιούτων συμβαινόντων ἐγὼ μὲν ἔλπομαι, εἰ καὶ αὐτὸς Πρίαμος συνοίκεε Ἑλένῃ, ἀποδοῦναι ἂν αὐτὴν τοῖσι Ἀχαιοῖσι, μέλλοντά γε δὴ τῶν παρεόντων κακῶν ἀπαλλαγήσεσθαι.
たとえ彼らが最初のうちはそのように考えていたとしても、ギリシア軍と交戦するたびに、他のトロイア人の多くが命を落とし、プリアモス自身にとっても、戦闘が起こるたびに息子たちのうち二人、三人、あるいはそれ以上が戦死しなかったことは一度もなかったのであるから（もし叙事詩人たちをいくらか信頼して語る必要があるとするならば）、このような事態が持ち上がっていた以上、もしプリアモス自身がヘレネと暮らしていたとしても、差し迫った災厄から逃れるために、彼は彼女をアカイア人たちに返還したであろうと私は確信する。
§2.120.4οὐ μὲν οὐδὲ ἡ βασιληίη ἐς Ἀλέξανδρον περιήιε, ὥστε γέροντος Πριάμου ἐόντος ἐπʼ ἐκείνῳ τὰ πρήγματα εἶναι, ἀλλὰ Ἕκτωρ καὶ πρεσβύτερος καὶ ἀνὴρ ἐκείνου μᾶλλον ἐὼν ἔμελλε αὐτὴν Πριάμου ἀποθανόντος παραλάμψεσθαι, τὸν οὐ προσῆκε ἀδικέοντι τῷ ἀδελφεῷ ἐπιτρέπειν, καὶ ταῦτα μεγάλων κακῶν διʼ αὐτὸν συμβαινόντων ἰδίῃ τε αὐτῷ καὶ τοῖσι ἄλλοισι πᾶσι Τρωσί.
さらに、王位がアレクサンドロスに継承される手はずになっていたわけでもなく、それゆえに老いたプリアモスの下で国政が彼の意のままになっていたわけでもない。 むしろ、彼よりも年長であり、男としても優れていたヘクトルが、プリアモスの死後にそれを受け継ぐことになっていたのである。 そのヘクトルが、不正を働く弟に妥協することは到底ふさわしくないことであった。 しかも、彼のせいで、ヘクトル自身にとっても個人的に、また他のすべてのトロイア人にとっても、重大な災厄が降りかかっていたのだからなおさらである。
§2.120.5ἀλλʼ οὐ γὰρ εἶχον Ἑλένην ἀποδοῦναι, οὐδὲ λέγουσι αὐτοῖσι τὴν ἀληθείην ἐπίστευον οἱ Ἕλληνες, ὡς μὲν ἐγὼ γνώμην ἀποφαίνομαι, τοῦ δαιμονίου παρασκευάζοντος, ὅκως πανωλεθρίῃ ἀπολόμενοι καταφανὲς τοῦτο τοῖσι ἀνθρώποισι ποιήσωσι, ὡς τῶν μεγάλων ἀδικημάτων μεγάλαι εἰσὶ καὶ αἱ τιμωρίαι παρὰ τῶν θεῶν.
しかし、実際のところ彼らは返還すべきヘレネを連れておらず、ギリシア人たちは彼らが真実を語っているのを信じなかったのである。 私が意見を表明するならば、それは神的な力が次のように仕組んだからである。 すなわち、彼らが根こそぎ滅びることで、人間たちに対して、大いなる不義に対しては神々からの罰もまた大いなるものであるということを明白に示すためである。
καὶ ταῦτα μὲν τῇ ἐμοὶ δοκέει εἴρηται.
そしてこれらの事柄は、私が考えるところに従って語られたものである。