§1.211.1Ὑστάσπης μὲν τούτοισι ἀμειψάμενος καὶ διαβὰς τὸν Ἀράξεα ἤιε ἐς Πέρσας φυλάξων Κύρῳ τὸν παῖδα Δαρεῖον, Κῦρος δὲ προελθὼν ἀπὸ τοῦ Ἀράξεω ἡμέρης ὁδὸν ἐποίεε κατὰ τὰς Κροίσου ὑποθήκας.
ヒュスタスペスはこれらの言葉で答え、アラクセス川を渡って、キュロスのために息子のダレイオスを監視するべくペルシアへと去って行った。 一方キュロスは、アラクセス川から前進し、クロイソスの助言に従って一日の道のりを進んだ。
§1.211.2μετὰ δὲ ταῦτα Κύρου τε καὶ Περσέων τοῦ καθαροῦ στρατοῦ ἀπελάσαντος ὀπίσω ἐπὶ τὸν Ἀράξεα, λειφθέντος δὲ τοῦ ἀχρηίου, ἐπελθοῦσα τῶν Μασσαγετέων τριτημορὶς τοῦ στρατοῦ τούς τε λειφθέντας τῆς Κύρου στρατιῆς ἐφόνευε ἀλεξομένους καὶ τὴν προκειμένην ἰδόντες δαῖτα, ὡς ἐχειρώσαντο τοὺς ἐναντίους, κλιθέντες ἐδαίνυντο, πληρωθέντες δὲ φορβῆς καὶ οἴνου ηὗδον.
この後、キュロスとペルシア軍の精鋭がアラクセス川の方へと引き返し、戦闘に適さない者たちが後に残されると、マッサゲタイ軍の三分の一の部隊が襲いかかり、抵抗するキュロス軍の残兵たちを殺害した。 そして、敵を打ち負かした彼らは、そこに用意されていた馳走を目にすると、横になって宴を始め、食べ物とワインで満たされると眠り込んでしまった。
§1.211.3οἱ δὲ Πέρσαι ἐπελθόντες πολλοὺς μὲν σφέων ἐφόνευσαν, πολλῷ δʼ ἔτι πλεῦνας ἐζώγρησαν καὶ ἄλλους καὶ τὸν τῆς βασιλείης Τομύριος παῖδα στρατηγέοντα Μασσαγετέων, τῷ οὔνομα ἦν Σπαργαπίσης.
そこへペルシア軍が襲いかかり、彼らの多くを殺害し、それよりもはるかに多くの者を捕虜にしたが、その中には他の者たちに加えて、マッサゲタイ軍を率いていた女王トミュリスの息子も含まれており、その名はスパルガピセスといった。