§1.189.1ἐπείτε δὲ ὁ Κῦρος πορευόμενος ἐπὶ τὴν Βαβυλῶνα ἐγίνετο ἐπὶ Γύνδῃ ποταμῷ, τοῦ αἱ μὲν πηγαὶ ἐν Ματιηνοῖσι ὄρεσι, ῥέει δὲ διὰ Δαρδανέων, ἐκδιδοῖ δὲ ἐς ἕτερον ποταμὸν Τίγρην, ὁ δὲ παρὰ Ὦπιν πόλιν ῥέων ἐς τὴν Ἐρυθρὴν θάλασσαν ἐκδιδοῖ, τοῦτον δὴ τὸν Γύνδην ποταμὸν ὡς διαβαίνειν ἐπειρᾶτο ὁ Κῦρος ἐόντα νηυσιπέρητον, ἐνθαῦτά οἱ τῶν τις ἱρῶν ἵππων τῶν λευκῶν ὑπὸ ὕβριος ἐσβὰς ἐς τὸν ποταμὸν διαβαίνειν ἐπειρᾶτο, ὁ δέ μιν συμψήσας ὑποβρύχιον οἰχώκεε φέρων.
キュロスがバビロンに向けて進軍する途上でギュンデス川に達したときのことである。 この川はマティエノイの山々に源を発し、ダルダネオンの地を流れ、別の川であるティグリス川に合流しているが、このティグリス川はオピス市の傍らを流れて紅海へと注いでいる。 キュロスが、舟で渡らねばならぬこのギュンデス川を渡ろうと試みたとき、そのとき、彼の飼う聖なる白馬のうちの一頭が、血気にはやって川に入り、渡ろうと試みた。 しかし、川は馬を押し流し、水中に沈めて連れ去ってしまった。
§1.189.2κάρτα τε δὴ ἐχαλέπαινε τῷ ποταμῷ ὁ Κῦρος τοῦτο ὑβρίσαντι, καί οἱ ἐπηπείλησε οὕτω δή μιν ἀσθενέα ποιήσειν ὥστε τοῦ λοιποῦ καὶ γυναῖκας μιν εὐπετέως τὸ γόνυ οὐ βρεχούσας διαβήσεσθαι.
キュロスは、川がこのような不遜な振る舞いをしたことに激怒し、今後は女性であっても膝を濡らすことすらなく容易に渡れるほどに、その川の勢いを弱くしてやると脅しをかけた。
§1.189.3μετὰ δὲ τὴν ἀπειλὴν μετεὶς τὴν ἐπὶ Βαβυλῶνα στράτευσιν διαίρεε τὴν στρατιὴν δίχα, διελὼν δὲ κατέτεινε σχοινοτενέας ὑποδέξας διώρυχας ὀγδώκοντα καὶ ἑκατὸν παρʼ ἑκάτερον τὸ χεῖλος τοῦ Γύνδεω τετραμμένας πάντα τρόπον, διατάξας δὲ τὸν στρατὸν ὀρύσσειν ἐκέλευε.
この脅しの後、彼はバビロンへの遠征を中断し、軍勢を二つに分けた。 そして軍を分けると、ギュンデス川の両岸それぞれに、あらゆる方向に向けて、縄を張ってまっすぐに引いた百八十本の運河の計画線を示し、軍勢を配置して穴を掘るよう命じた。
§1.189.4οἷα δὲ ὁμίλου πολλοῦ ἐργαζομένου ἤνετο μὲν τὸ ἔργον, ὅμως μέντοι τὴν θερείην πᾶσαν αὐτοῦ ταύτῃ διέτριψαν ἐργαζόμενοι.
大軍が作業に当たったため、工事は進捗したものの、それでも彼らは夏の間ずっとその場所に留まり、作業をして過ごした。