§1.186.1ταῦτα μὲν δὴ ἐκ βάθεος περιεβάλετο, τοιήνδε δὲ ἐξ αὐτῶν παρενθήκην ἐποιήσατο.
このようにして彼女は深遠な防備を固めたが、それに伴って次のような追加の工事を行った。
τῆς πόλιος ἐούσης δύο φαρσέων, τοῦ δὲ ποταμοῦ μέσον ἔχοντος, ἐπὶ τῶν πρότερον βασιλέων ὅκως τις ἐθέλοι ἐκ τοῦ ἑτέρου φάρσεος ἐς τοὔτερον διαβῆναι, χρῆν πλοίῳ διαβαίνειν, καὶ ἦν, ὡς ἐγὼ δοκέω, ὀχληρὸν τοῦτο.
この街は二つの部分に分かれており、川がその中央を流れていたので、先代の王たちの時代には、一方の部分から他方の部分へと渡ろうとする者は、舟で渡らねばならず、私の思うにこれは不便なことであった。
αὕτη δὲ καὶ τοῦτο προεῖδε.
そこで彼女はこの点をも見越していた。
ἐπείτε γὰρ ὤρυσσε τὸ ἔλυτρον τῇ λίμνῃ, μνημόσυνον τόδε ἄλλο ἀπὸ τοῦ αὐτοῦ ἔργου ἐλίπετο·
彼女は湖のために盆地を掘った際、この同じ工事から派生した、次のようなもう一つの記念すべき遺構を残したのである。
§1.186.2ἐτάμνετο λίθους περιμήκεας, ὡς δέ οἱ ἦσαν οἱ λίθοι ἕτοιμοι καὶ τὸ χωρίον ὀρώρυκτο, ἐκτρέψασα τοῦ ποταμοῦ τὸ ῥέεθρον πᾶν ἐς τὸ ὤρυσσε χωρίον, ἐν ᾧ ἐπίμπλατο τοῦτο, ἐν τούτω ἀπεξηρασμένου τοῦ ἀρχαίου ῥεέθρου τοῦτο μὲν τὰ χείλεα τοῦ ποταμοῦ κατὰ τὴν πόλιν καὶ τὰς καταβάσιας τὰς ἐκ τῶν πυλίδων ἐς τὸν ποταμὸν φερούσας ἀνοικοδόμησε πλίνθοισι ὀπτῇσι κατὰ τὸν αὐτὸν λόγον τῷ τείχεϊ, τοῦτο δὲ κατὰ μέσην κου μάλιστα τὴν πόλιν τοῖσι λίθοισι τοὺς ὠρύξατο οἰκοδόμεε γέφυραν, δέουσα τοὺς λίθους σιδήρῳ τε καὶ μολύβδῳ.
彼女は非常に長い石を切り出させた。 それらの石が準備でき、掘削地が掘り終わると、彼女は川の流れをすべて自分が掘ったその場所に迂回させ、そこが水で満たされるようにした。 その間、干上がった古い川床において、彼女は一方では、街の中の川岸と、小門から川へと通じる降り口のすべてを、外壁と同じ方法で、焼成煉瓦を用いて築き直し、他方では、ほぼ街の中央にあたる場所に、自分が切り出させたそれらの石を用いて橋を架け、それらの石を鉄と鉛で繋ぎ合わせた。
§1.186.3ἐπιτείνεσκε δὲ ἐπʼ αὐτήν, ὅκως μὲν ἡμέρη γίνοιτο, ξύλα τετράγωνα, ἐπʼ ὧν τὴν διάβασιν ἐποιεῦντο οἱ Βαβυλώνιοι·
そして彼女は、夜が明けて昼になるたびに、その上に四角い木材を渡し、その上をバビロンの人々は渡っていた。
τὰς δὲ νύκτας τὰ ξύλα ταῦτα ἀπαιρέεσκον τοῦδε εἵνεκα, ἵνα μὴ διαφοιτέοντες τὰς νύκτας κλέπτοιεν παρʼ ἀλλήλων.
しかし、夜間にはこれらの木材を取り除いていた。 それは、人々が夜間に往来して、お互いから盗みを働かないようにするためであった。
§1.186.4ὡς δὲ τό τε ὀρυχθὲν λίμνη πλήρης ἐγεγόνεε ὑπὸ τοῦ ποταμοῦ καὶ τὰ περὶ τὴν γέφυραν ἐκεκόσμητο, τὸν Εὐφρήτην ποταμὸν ἐς τὰ ἀρχαῖα ῥέεθρα ἐκ τῆς λίμνης ἐξήγαγε, καὶ οὕτω τὸ ὀρυχθὲν ἕλος γενόμενον ἐς δέον ἐδόκεε γεγονέναι καὶ τοῖσι πολιήτῃσι γέφυρα ἦν κατεσκευασμένη.
掘削された場所が川の水で満たされて湖となり、橋の周囲の工事も整うと、彼女はユーフラテス川を湖から元の古い川床へと戻した。 こうして、掘削によって生じた湿地は必要な目的にかなうものとなり、市民たちには橋が用意されたのである。