§1.163.1πρώτῃ δὲ Φωκαίῃ Ἰωνίης ἐπεχείρησε.
彼はイオニアの中で、まずポカイアを攻撃した。
οἱ δὲ Φωκαιέες οὗτοι ναυτιλίῃσι μακρῇσι πρῶτοι Ἑλλήνων ἐχρήσαντο, καὶ τὸν τε Ἀδρίην καὶ τὴν Τυρσηνίην καὶ τὴν Ἰβηρίην καὶ τὸν Ταρτησσὸν οὗτοι εἰσὶ οἱ καταδέξαντες·
このポカイア人たちは、ギリシア人の中で最初に遠洋航海を行った人々であり、アドリア海、テュルセニア、イベリア、そしてタルテッソスを最初に紹介したのも彼らであった。
§1.163.2ἐναυτίλλοντο δὲ οὐ στρογγύλῃσι νηυσὶ ἀλλὰ πεντηκοντέροισι.
彼らは丸胴の商船ではなく、五十橈船で航海を行っていた。
ἀπικόμενοι δὲ ἐς τὸν Ταρτησσὸν προσφιλέες ἐγένοντο τῷ βασιλέι τῶν Ταρτησσίων, τῷ οὔνομα μὲν ἦν, Ἀργανθώνιος, ἐτυράννευσε δὲ Ταρτησσοῦ ὀγδώκοντα ἔτεα, ἐβίωσε δὲ πάντα εἴκοσι καὶ ἑκατόν.
タルテッソスに到着すると、彼らはタルテッソス人の王に大変気に入られた。 王の名はアルガントニオスといい、タルテッソスを八十年間支配し、合計百二十年の生涯を生きた。
§1.163.3τούτῳ δὴ τῷ ἀνδρὶ προσφιλέες οἱ Φωκαιέες οὕτω δή τι ἐγένοντο ὡς τὰ μὲν πρῶτα σφέας ἐκλιπόντας Ἰωνίην ἐκέλευε τῆς ἑωυτοῦ χώρης οἰκῆσαι ὅκου βούλονται·
この人物にポカイア人たちが実に見事に気に入られたため、王は最初、彼らにイオニアを離れて自分の領土内の望むところのどこにでも定住するようにと勧めた。
μετὰ δέ, ὡς τοῦτό γε οὐκ ἔπειθε τοὺς Φωκαιέας, ὁ δὲ πυθόμενος τὸν Μῆδον παρʼ αὐτῶν ὡς αὔξοιτο, ἐδίδου σφι χρήματα τεῖχος περιβαλέσθαι τὴν πόλιν,
しかしその後、この提案がポカイア人たちを説得できないと知ると、王は彼らからメディアの勢力が伸長していることを聞き、彼らの都市の周囲に城壁を巡らせるための資金を与えた。
§1.163.4ἐδίδου δὲ ἀφειδέως·
しかも彼は惜しみなく資金を与えた。
καὶ γὰρ καὶ ἡ περίοδος τοῦ τείχεος οὐκ ὀλίγοι στάδιοι εἰσί, τοῦτο δὲ πᾶν λίθων μεγάλων καὶ εὖ συναρμοσμένων.
というのも、城壁の周囲は少なからぬスタディオンに及び、しかもそのすべてが、巨大でしっかりと組み合わされた石でできていたからである。