§1.14.1τὴν μὲν δὴ τυραννίδα οὕτω ἔσχον οἱ Μερμνάδαι τοὺς Ἡρακλείδας ἀπελόμενοι, Γύγης δὲ τυραννεύσας ἀπέπεμψε ἀναθήματα ἐς Δελφοὺς οὐκ ὀλίγα, ἀλλʼ ὅσα μὲν ἀργύρου ἀναθήματα, ἔστι οἱ πλεῖστα ἐν Δελφοῖσι, πάρεξ δὲ τοῦ ἀργύρου χρυσὸν ἄπλετον ἀνέθηκε ἄλλον τε καὶ τοῦ μάλιστα μνήμην ἄξιον ἔχειν ἐστί, κρητῆρες οἱ ἀριθμὸν ἓξ χρύσεοι ἀνακέαται. §1.14.2ἑστᾶσι δὲ οὗτοι ἐν τῷ Κορινθίων θησαυρῷ, σταθμὸν ἔχοντες τριήκοντα τάλαντα· ἀληθέι δὲ λόγῳ χρεωμένῳ οὐ Κορινθίων τοῦ δημοσίου ἐστὶ ὁ θησαυρός, ἀλλὰ Κυψέλου τοῦ Ἠετίωνος. οὗτος δὲ ὁ Γύγης πρῶτος βαρβάρων τῶν ἡμεῖς ἴδμεν ἐς Δελφοὺς ἀνέθηκε ἀναθήματα μετὰ Μίδην τὸν Γορδίεω Φρυγίης βασιλέα. §1.14.3ἀνέθηκε γὰρ δὴ καὶ Μίδης τὸν βασιλήιον θρόνον ἐς τὸν προκατίζων ἐδίκαζε, ἐόντα ἀξιοθέητον· κεῖται δὲ ὁ θρόνος οὗτος ἔνθα περ οἱ τοῦ Γύγεω κρητῆρες. ὁ δὲ χρυσός οὗτος καὶ ὁ ἄργυρος τὸν ὁ Γύγης ἀνέθηκε, ὑπὸ Δελφῶν καλέεται Γυγάδας ἐπὶ τοῦ ἀναθέντος ἐπωνυμίην.
このようにしてメルムナダイ家は、ヘラクレイダイ家から奪い取って僭主の座を手に入れた。僭主となったギュゲスは、デルポイに少なからぬ奉納品を送った。デルポイにある銀の奉納品のうち、その大部分は彼のものであり、銀のほかに、莫大な量の金も奉納した。その中でも特に記憶に値するものは、そこに安置されている六つの金の混酒器である。これらはコリントス人の宝庫に置かれており、その重さは三十タラントンある。しかし、実を言えば、この宝庫はコリントスの公有財産ではなく、エエティオンの子キュプセロスの所有物である。このギュゲスは、我々の知る異民族の中で、フリュギアの王であるゴルディアスの子ミダスに次いで、デルポイに奉納品を捧げた最初の人であった。というのも、ミダスもまた、かつて自分がその上に座って裁判を執り行っていた、見事な出来栄えの王座を奉納したからである。この王座は、ギュゲスの混酒器があるのとまさに同じ場所に置かれている。ギュゲスが奉納したこれらの金や銀は、デルポイの人々によって、奉納者にちなんで「ギュガダス」と呼ばれている。