§1τοῦ πατρὸς ἡμῶν, ὦ ἄνδρες δικασταί, διὰ τουτονὶ Θεοκρίνην ἀτυχήσαντος πρὸς τὴν πόλιν καὶ ὀφλόντος δέκα τάλαντα, καὶ τούτου διπλοῦ γεγενημένου ὥστε μηδʼ ἐλπίδα ἡμῖν εἶναι σωτηρίας μηδεμίαν, ἡγησάμην δεῖν ἐπὶ τῷ τιμωρεῖσθαι μεθʼ ὑμῶν τοῦτον μήτε ἡλικίαν μήτε ἄλλο μηδὲν ὑπολογισάμενος δοῦναι τὴν ἔνδειξιν ταύτην.
裁判員の方々、私たちの父は、ここにいるテオクリネスのせいで国に対して不運に見舞われて十タラントンの罰金を科され、しかもこれが倍額になったため、私たちには救済の希望が全くなくなってしまいました。 そこで私は、自分の年齢や他のいかなることも考慮に入れず、あなた方とともにこの男を処罰するために、この告発を提出しなければならないと考えました。
§2καὶ γὰρ ὁ πατήρ, ὦ ἄνδρες δικασταί, ᾧπερ πάντα πειθόμενος πεποίηκα, πρὸς ἅπαντας ὠδύρετο τοὺς γνωρίμους, εἰ παραλιπὼν ἐγὼ τὸν καιρὸν ἐν ᾧ διὰ τὸ τὸν πατέρα ζῆν ἔξεστί μοι τοῦτον ἀμύνασθαι, τὴν ἀπειρίαν καὶ τὴν ἡλικίαν προφασιζόμενος αὐτὸν μὲν περιόψομαι πάντων ἀπεστερημένον, Θεοκρίνην δὲ παρὰ τοὺς νόμους γραφὰς γραφόμενον καὶ συκοφαντοῦντα πολλοὺς τῶν πολιτῶν, οὐκ ἐξὸν αὐτῷ.
というのも、裁判員の方々、私がすべてにおいて従い行動してきた父が、すべての知人にこう言って嘆いていたからです。 「もし、父が生きているおかげで私にこの男に復讐することが許されている好機を、私が経験不足や年齢を言い訳にして逃してしまい、父自身がすべてを奪い取られるのを見過ごす一方で、テオクリネスが、彼にはその権利がないにもかかわらず、法に反して訴状を提出し、多くの市民を中傷するのを見過ごすことになるならば」と。
§3δέομαι οὖν ὑμῶν ἁπάντων, ὦ ἄνδρες Ἀθηναῖοι, καὶ ἱκετεύω μετʼ εὐνοίας ἀκοῦσαί μου, πρῶτον μὲν ὅτι τῷ πατρὶ βοηθῶν καὶ πειθόμενος ἀγωνίζομαι, ἔπειθʼ ὅτι καὶ νέος ὢν καὶ ἄπειρος, ὥστʼ ἀγαπητὸν εἶναί μοι, ἐὰν ὑπαρξάσης τῆς παρʼ ὑμῶν εὐνοίας δυνηθῶ δηλῶσαι τὰ πεπραγμένα τούτῳ·
そこで、アテナイの人々よ、私はあなた方すべてにお願いし、好意を持って私の話を聞いてくださるよう懇願します。 第一に、私が父を助け、その勧めに従ってこの裁判を戦っているからであり、第二に、私が若く未経験であるため、もしあなた方の好意が得られるなら、この男のしでかしたことを明らかにできるだけで、私にとっては十分にありがたいことだからです。
§4πρὸς δὲ τούτοις, ὅτι, ὦ ἄνδρες δικασταί, προδέδομαι (τὰ γὰρ ἀληθῆ πρὸς ὑμᾶς εἰρήσεται) ὑπʼ ἀνθρώπων, οἳ πιστευθέντες ὑφʼ ἡμῶν διὰ τὴν πρὸς τοῦτον ἔχθραν, καὶ πυθόμενοι τὰ πράγματα καὶ φήσαντες ἐμοὶ συναγωνιεῖσθαι, ἐγκαταλελοίπασι νυνί με καὶ διαλέλυνται πρὸς τοῦτον ἐν τοῖς ἐμοῖς πράγμασιν, ὥστε μοι μηδὲ τὸν συνεροῦντʼ εἶναι, ἐὰν μή τις ἄρα τῶν οἰκείων βοηθήσῃ.
さらに、裁判員の方々、私は（真実をあなた方に申し上げますが）人々によって裏切られたからです。 彼らはこの男に対する敵意ゆえに私たちに信頼され、事情を聞いて私とともに戦うと言っていながら、今や私を見捨て、私の問題においてこの男と和解してしまいました。 その結果、身内の誰かが助けてくれない限り、私には一緒に弁護してくれる人さえいない状態です。
§5πολλαῖς μὲν οὖν ἐνδείξεσιν ἦν ἔνοχος οὑτοσί, καὶ ἅπαντας τοὺς περὶ ταῦτα νόμους ἐφαίνετο παραβεβηκώς·
この男は確かに多くの告発に該当しており、これらに関するあらゆる法律に違反していることが明らかでした。
καινότατον δὲ τῶν ἔργων τῶν τούτου τὴν περὶ τὸ πλοῖον φάσιν ηὑρίσκομεν γεγονυῖαν, διόπερ ταῦτα γράψας εἰς τὴν ἔνδειξιν ἔδωκεν ὁ πατήρ μοι.
しかし、彼の悪行の中で最も新しいものとして、船に関する告発がなされていたことを私たちは見出しました。 そのため、父はこれらを告発状に書き込んで私に手渡したのです。
πρῶτον μὲν οὖν τὸν νόμον ὑμῖν ἀναγνώσεται τὸν περὶ τῶν φαινόντων καὶ οὐκ ἐπεξιόντων, ἀλλὰ διαλυομένων παρὰ τοὺς νόμους (ἐντεῦθεν γὰρ οἶμαι προσήκειν μοι τὴν ἀρχὴν ποιήσασθαι τοῦ λόγου), εἶτα τὴν φάσιν αὐτὴν ἣν οὗτος ἐποιήσατο κατὰ τοῦ Μίκωνος.
そこでまず、告発を行いながらも裁判を追行せず、法律に反して和解する者に関する法律を、書記があなた方に朗読します（ここから私の弁論を始めるのが適切であると私は考えるからです）。 それから、この男がミコンに対して行った告発自体を。
λέγε.
読みなさい。
ΝΟΜΟΣ. §6ὁ νόμος οὑτοσί, ὦ ἄνδρες δικασταί, τοῖς προαιρουμένοις ἢ γράφεσθαι γραφὰς ἢ φαίνειν ἢ ἄλλο τι ποιεῖν τῶν ἐν τῷ νόμῳ τούτῳ γεγραμμένων προλέγει διαρρήδην, ἐφʼ οἷς ἕκαστόν ἐστιν τούτων ποιητέον.
法律裁判員の方々、この法律は、公訴を提起するか、告発を行うか、あるいはこの法律に書かれているその他のことを行うと決めた者たちに対して、どのような条件でこれらそれぞれを行うべきかを明確に告げています。
ἔστι δὲ ταῦτα, ὥσπερ ἠκούσατε ἐξ αὐτοῦ τοῦ νόμου, ἐὰν ἐπεξιών τις μὴ μεταλάβῃ τὸ πέμπτον μέρος τῶν ψήφων, χιλίας ἀποτίνειν, κἂν μὴ ἐπεξίῃ γʼ, ὦ Θεοκρίνη, χιλίας ἑτέρας, ἵνα μήτε συκοφαντῇ μηδείς, μήτε ἄδειαν ἔχων ἐργολαβῇ καὶ καθυφιῇ τὰ τῆς πόλεως.
それらは、法律自体からお聞きになった通り、もし追行した者が投票の五分の一を得られなかった場合は千ドラクマを支払うこと、そして、テオクリネスよ、もし追行しなかった場合も、さらに別の千ドラクマを支払うことです。 これは、誰もが不当な告訴をせず、また罰せられない安心感から告訴を金儲けの手段にして国家の利益を裏切ることがないようにするためです。
φημὶ δὴ κατὰ ταύτην τὴν ἔνδειξιν ἔνοχον εἶναι Θεοκρίνην τῷ φήναντα Μίκωνα Χολλῄδην μὴ ἐπεξελθεῖν, ἀλλʼ ἀργύριον λαβόντα ἀποδόσθαι τὸ πρᾶγμα.
私はまさに、この告発に基づき、コリュトス区のミコンを告発しておきながら、裁判を追行せず、金を受け取って事件を取引し引き下がったことで、テオクリネスが有罪であると主張します。
§7καὶ τοῦτο ἀποδείξω σαφῶς, ὡς ἐγὼ νομίζω.
そして、私が思うに、このことをはっきりと証明してみせます。
καίτοι Θεοκρίνης γε, ὦ ἄνδρες δικασταί, καὶ οἱ μετὰ τούτου οὐδὲν ὅ τι οὐ πεποιήκασι προσιόντες τοῖς μάρτυσι καὶ τὰ μὲν ἀπειλοῦντες αὐτοῖς, τὰ δὲ πείθοντες μὴ μαρτυρεῖν.
しかし、裁判員の方々、テオクリネスとその仲間たちは、証人たちに近づいて、ある時は脅し、ある時は説得して証言させまいとするなど、あらゆる手段を講じてきました。
ἀλλʼ ὅμως ἐὰν ὑμεῖς βούλησθε τὰ δίκαια βοηθεῖν μοι, καὶ κελεύητε αὐτούς, μᾶλλον δὲ ἀναγκάζοντος ἐμοῦ συναναγκάζητε, ἤτοι μαρτυρεῖν ἢ ἐξόμνυσθαι, καὶ μὴ ἐᾶτε λόγους λέγειν, εὑρεθήσεται τἀληθές.
しかしながら、もしあなた方が私を正義に従って助け、彼らに命じ、むしろ私が強制するところをあなた方も一緒に、証言するか、あるいは宣誓して拒否するかを迫り、言い訳を語るのを許さないようにするなら、真実は明らかになるでしょう。
λέγε οὖν πρῶτον μὲν τὴν φάσιν, εἶτα τὰς μαρτυρίας.
では、まず告発状を、次に証言を読みなさい。
ΦΑΣΙΣ. §8ταύτην τὴν φάσιν, ὦ ἄνδρες δικασταί, ἔδωκεν μὲν οὑτοσὶ προσκαλεσάμενος τὸν Μίκωνα, ἔλαβεν δὲ ὁ γραμματεὺς ὁ τῶν τοῦ ἐμπορίου ἐπιμελητῶν, Εὐθύφημος.
告発裁判員の方々、この告発は、この男がミコンを召喚して提出したものであり、交易管理官の書記であるエウテュペモスがこれを受け取りました。
ἐξέκειτο δὲ πολὺν χρόνον ἔμπροσθεν τοῦ συνεδρίου ἡ φάσις, ἕως λαβὼν ἀργύριον οὗτος εἴασε διαγραφῆναι καλούντων αὐτὸν εἰς τὴν ἀνάκρισιν τῶν ἀρχόντων.
そして、この告発状は長い間、役所の前に掲示されていましたが、この男が金を受け取り、役人たちが彼を予備審問に呼び出している間に、訴訟を取り下げるのを容認するまで続きました。
ὅτι δὲ ταῦτʼ ἀληθῆ λέγω, πρῶτον μὲν κάλει ὃς ἐγραμμάτευε τῇ ἀρχῇ, Εὐθύφημον.
私がこれらを真実言っていることを示すために、まず役所の書記であったエウテュペモスを呼びなさい。
ΜΑΡΤΥΡΙΑ. §9λέγε δὴ καὶ τὴν τῶν ἰδόντων ἐκκειμένην τὴν φάσιν μαρτυρίαν.
証言告発状が掲示されているのを見た人々の証言も読みなさい。
λέγε.
読みなさい。
ΜΑΡΤΥΡΙΑ.
κάλει δὲ καὶ τοὺς τοῦ ἐμπορίου ἐπιμελητάς, καὶ αὐτὸν τὸν Μίκωνʼ οὗ ἔφηνε τὸ πλοῖον·
証言交易管理官たち、そして彼が船を告発した相手であるミコン自身も呼びなさい。
καὶ τὰς μαρτυρίας ἀναγίγνωσκε.
そして証言を朗読しなさい。
ΜΑΡΤΥΡΙΑΙ.
証言（複数）