§38ὃ τοίνυν πάντων ἀναιδέστατον μέλλειν αὐτὸν ἀκούω ποιεῖν, βέλτιον νομίζω προειπεῖν ὑμῖν εἶναι.
それゆえ、彼がしようとしていると私が聞いている、あらゆることの中で最も破廉恥な行為について、あらかじめあなた方に話しておく方がよいと私は考えます。
φασὶ γὰρ παραστησάμενον τοὺς παῖδας αὐτὸν κατὰ τούτων ὀμεῖσθαι, καὶ ἀράς τινας δεινὰς καὶ χαλεπὰς ἐπαράσεσθαι καὶ τοιαύτας οἵας ἀκηκοώς γέ τις θαυμάσας ἀπήγγελλεν ἡμῖν.
なぜなら、彼は自分の子供たちを傍らに立たせて、彼らにかけて誓いを立て、また、それを聞いたある者が驚いて私たちに報告したような、恐ろしく苛烈な呪いの数々をかけるだろうと人々が言っているからです。
ἔστι δʼ, ὦ ἄνδρες δικασταί, ἀνυπόστατα μὲν τὰ τοιαῦτα τολμήματα·
裁判員諸君、このような大胆な企ては実に耐え難いものです。
οἱ γὰρ οἶμαι βέλτιστοι καὶ ἥκιστʼ ἂν αὐτοί τι ψευσάμενοι μάλισθʼ ὑπὸ τῶν τοιούτων ἐξαπατῶνται·
というのも、私自身の考えでは、最も優れた人々、かつ自分からは決して嘘をつかないような人々こそ、このようなことによって最も騙されやすいからです。
οὐ μὴν ἀλλὰ δεῖ πρὸς τὸν βίον καὶ τὸν τρόπον ἀποβλέποντας πιστεύειν.
とはいえ、その人生や人柄に目を向けて信頼を寄せるべきなのです。
§39τὴν δὲ τούτου πρὸς τὰ τοιαῦτʼ ὀλιγωρίαν ἐγὼ πρὸς ὑμᾶς ἐρῶ·
しかし、このようなことに対するこの男の軽視について、私はあなた方に話しましょう。
πέπυσμαι γὰρ ἐξ ἀνάγκης.
必要に迫られて知ることになったからです。
ἀκούω γάρ, ὦ ἄνδρες δικασταί, Βάκχιόν τέ τινα, ὃς παρʼ ὑμῖν ἀπέθανε, καὶ Ἀριστοκράτην τὸν τοὺς ὀφθαλμοὺς διεφθαρμένον καὶ τοιούτους ἑτέρους καὶ Κόνωνα τουτονὶ ἑταίρους εἶναι μειράκιʼ ὄντας καὶ Τριβαλλοὺς ἐπωνυμίαν ἔχειν·
というのも裁判員諸君、私が聞くところでは、あなた方の手で死刑に処されたあるバッキオスや、両目を潰されたアリストクラテス、およびその他の同類たちと、こちらのコノンは、若い頃に仲間同士であり、「トリバロイ」というあだ名で呼ばれていたそうです。
τούτους τά θʼ Ἑκαταῖα καὶ τοὺς ὄρχεις τοὺς ἐκ τῶν χοίρων, οἷς καθαίρουσιν ὅταν εἰσιέναι μέλλωσιν, συλλέγοντας ἑκάστοτε συνδειπνεῖν ἀλλήλοις, καὶ ῥᾷον ὀμνύναι καὶ ἐπιορκεῖν ἢ ὁτιοῦν.
そして彼らは、ヘカテへの供え物や、入ろうとするときに清めるために用いる豚の睾丸をその都度集めては、互いにそれらを食し、他の何よりも容易に誓いを立て、また偽証をしていた、ということです。
§40οὐ δὴ Κόνων ὁ τοιοῦτος πιστός ἐστιν ὀμνύων, οὐδὲ πολλοῦ δεῖ, ἀλλʼ ὁ μηδʼ εὔορκον ἑκὼν μηδὲν ἂν ὀμόσας, κατὰ δὲ δὴ παίδων ὧν μὴ νομίζετε μηδʼ ἂν μελλήσας, ἀλλὰ κἂν ὁτιοῦν παθὼν πρότερον, εἰ δʼ ἄρʼ ἀναγκαῖον, ὀμνύων ὡς νόμιμον, κατʼ ἐξωλείας αὑτοῦ καὶ γένους καὶ οἰκίας, ἀξιοπιστότερος τοῦ κατὰ τῶν παίδων ὀμνύοντος καὶ διὰ τοῦ πυρός.
それゆえ、このようなコノンという男は、誓いを立てるにあたって信頼に値する者では全くありません。 むしろ、正しい誓いであっても自ら進んで誓おうとはせず、とりわけ子供たちにかけて誓うことなど思い描きもしなかったであろう、いやそれよりも前にいかなる酷い目にも遭うことを選び、それでもどうしても必要となれば、自分自身とその一族と家門の破滅をかけて慣習通りに誓う者の方が、子供たちや火にかけて誓い立てる者よりも、はるかに信頼に値するのです。
ἐγὼ τοίνυν ὁ δικαιότερόν σου πιστευθεὶς ἂν κατὰ πάντʼ, ὦ Κόνων, ἠθέλησʼ ὀμόσαι ταυτί, οὐχ ὑπὲρ τοῦ μὴ δοῦναι δίκην ὧν ἠδίκηκα, καὶ ὁτιοῦν ποιῶν, ὥσπερ σύ, ἀλλʼ ὑπὲρ τῆς ἀληθείας καὶ ὑπὲρ τοῦ μὴ προσυβρισθῆναι, ὡς οὐ κατεπιορκησόμενος τὸ πρᾶγμα.
それゆえ、コノンよ、あらゆる点において君よりも正当に信頼されるべきである私は、このように誓うことを望みました。 それは君のように、あらゆる手段を弄して自分の犯した悪事の罰を免れるためではなく、真実のためであり、さらに侮辱を受けることのないためであり、この件において決して偽誓をすることがないようにするためです。
λέγε τὴν πρόκλησιν.
要求書を読んでください。
ΠΡΟΚΛΗΣΙΣ. §41ταῦτʼ ἐγὼ καὶ τότʼ ἠθέλησʼ ὀμόσαι, καὶ νῦν ὀμνύω τοὺς θεοὺς καὶ τὰς θεὰς ἅπαντας καὶ πάσας ὑμῶν ἕνεκʼ, ὦ ἄνδρες δικασταί, καὶ τῶν περιεστηκότων, ἦ μὴν παθὼν ὑπὸ Κόνωνος ταῦθʼ ὧν δικάζομαι, καὶ λαβὼν πληγάς, καὶ τὸ χεῖλος διακοπεὶς οὕτως ὥστε καὶ ῥαφῆναι, καὶ ὑβρισθεὶς τὴν δίκην διώκειν.
ΠΡΟΚΛΗΣΙΣ. これらのことを私はあの時も誓うことを望みましたし、今また、裁判員諸君、あなた方のため、そして周囲に立つ人々のために、すべての神々と女神にかけて誓います。 すなわち、私が訴えているこれらの被害をまさにコノンから被り、殴打され、唇を縫わなければならないほどに切り裂かれ、侮辱を受けたがゆえに、この裁判を起こしているのだと。
καὶ εἰ μὲν εὐορκῶ, πολλά μοι ἀγαθὰ γένοιτο καὶ μηδέποτʼ αὖθις τοιοῦτο μηδὲν πάθοιμι, εἰ δʼ ἐπιορκῶ, ἐξώλης ἀπολοίμην αὐτὸς καὶ εἴ τί μοι ἔστιν ἢ μέλλει ἔσεσθαι.
そして、もし私の誓いが真実であるなら、多くの善きことが私に訪れ、二度とこのような目に遭うことがありませんように。 しかし、もし偽誓であるなら、私自身も、私の所有するもの、あるいは将来所有することになるものも、悉く根絶やしに滅びますように。
§42ἀλλʼ οὐκ ἐπιορκῶ, οὐδʼ ἂν Κόνων διαρραγῇ.
だが私は偽誓などしていない。 コノンが破裂しようとも。
ἀξιῶ τοίνυν ὑμᾶς, ὦ ἄνδρες δικασταί, πάνθʼ ὅσʼ ἐστὶν δίκαιʼ ἐπιδείξαντος ἐμοῦ καὶ πίστιν προσθέντος ὑμῖν, ὥσπερ ἂν αὐτὸς ἕκαστος παθὼν τὸν πεποιηκότʼ ἐμίσει, οὕτως ὑπὲρ ἐμοῦ πρὸς Κόνωνα τουτονὶ τὴν ὀργὴν ἔχειν, καὶ μὴ νομίζειν ἴδιον τῶν τοιούτων μηδὲν ὃ κἂν ἄλλῳ τυχὸν συμβαίη, ἀλλʼ ἐφʼ ὅτου ποτʼ ἂν συμβῇ, βοηθεῖν καὶ τὰ δίκαιʼ ἀποδιδόναι, καὶ μισεῖν τοὺς πρὸ μὲν τῶν ἁμαρτημάτων θρασεῖς καὶ προπετεῖς, ἐν δὲ τῷ δίκην ὑπέχειν ἀναισχύντους καὶ πονηροὺς καὶ μήτε δόξης μήτʼ ἔθους μήτʼ ἄλλου μηδενὸς φροντίζοντας πρὸς τὸ μὴ δοῦναι δίκην.
それゆえ裁判員諸君、私はすべての正当な事柄を示し、あなた方に誓言を付け加えたのですから、あなた方の各々が自ら被害を被ったときに行為者を入れるのと同様に、私のために、こちらのコノンに対して怒りを抱いてくださるよう求めます。 そして、他者にも偶然起こりうるこのような出来事を、誰か他人の事柄と考えず、それが誰に起ころうとも、助力を与え、正義を回復すること、そして、悪事を働く前は不遜で無謀でありながら、裁きを受ける段になると、罰を免れるために評判も慣習もその他の何ものも顧みない、恥知らずで邪悪な者たちを憎むことを求めます。
§43ἀλλὰ δεήσεται Κόνων καὶ κλαήσει.
しかし、コノンは懇願し、涙を流すことでしょう。
σκοπεῖτε δὴ πότερός ἐστιν ἐλεινότερος, ὁ πεπονθὼς οἷʼ ἐγὼ πέπονθʼ ὑπὸ τούτου, εἰ προσυβρισθεὶς ἄπειμι καὶ δίκης μὴ τυχών, ἢ Κόνων, εἰ δώσει δίκην;
では、どちらがより憐れむべきか、よく考えてみてください。 この男から私が被ったような被害を被り、その上さらに侮辱を受けて裁判に負けたまま立ち去る私でしょうか。 それとも、罰を受けるコノンでしょうか。
πότερον δʼ ὑμῶν ἑκάστῳ συμφέρει ἐξεῖναι τύπτειν καὶ ὑβρίζειν ἢ μή;
また、殴打し侮辱することが許されることと、許されないこと、あなた方の各々にとってどちらが有益でしょうか。
ἐγὼ μὲν οἴομαι μή.
私は許されないことだと思います。
οὐκοῦν, ἂν μὲν ἀφιῆτε, ἔσονται πολλοί, ἐὰν δὲ κολάζητε, ἐλάττους.
したがって、もしあなた方が放免するなら暴行を働く者は多くなるでしょうが、処罰するなら少なくなるでしょう。
§44πόλλʼ ἂν εἰπεῖν ἔχοιμʼ, ὦ ἄνδρες δικασταί, καὶ ὡς ἡμεῖς χρήσιμοι, καὶ αὐτοὶ καὶ ὁ πατήρ, ἕως ἔζη, καὶ τριηραρχοῦντες καὶ στρατευόμενοι καὶ τὸ προσταττόμενον ποιοῦντες, καὶ ὡς οὐδὲν οὔθʼ οὗτος οὔτε τῶν τούτου οὐδείς·
裁判員諸君、私たち自身も、そして父も生きていた限り、三段橈船の建造維持費を負担し、従軍し、命令された務めを果たし、いかに私たちが有用であるか、またこの男やその身内の誰もいかに何一つ貢献していないかについて、多くのことを語ることができます。
ἀλλʼ οὔτε τὸ ὕδωρ ἱκανὸν οὔτε νῦν περὶ τούτων ὁ λόγος ἐστίν.
しかし、水時計の水も足りませんし、今はこれらについて論じる時ではありません。
εἰ γὰρ δὴ ὁμολογουμένως ἔτι τούτων καὶ ἀχρηστοτέροις καὶ πονηροτέροις ἡμῖν εἶναι συνέβαινεν, οὐ τυπτητέοι, οὐδʼ ὑβριστέοι δήπου ἐσμέν.
というのも、たとえ私たちが彼らよりもいっそう無用で邪悪な者であったと誰もが認めざるを得なかったとしても、私たちが殴られたり、侮辱されたりしてよいはずがないからです。
οὐκ οἶδʼ ὅ τι δεῖ πλείω λέγειν·
これ以上何を言うべきかわかりません。
οἶμαι γὰρ ὑμᾶς οὐδὲν ἀγνοεῖν τῶν εἰρημένων.
あなた方は述べられたことの何一つとして、理解していないことはないと思うからです。