§1δίκαια ὑμῶν δεησόμεθα, ὦ ἄνδρες δικασταί, ἀκοῦσαι ἡμῶν μετʼ εὐνοίας ἐν τῷ μέρει λεγόντων, γνόντας ὅτι ἰδιῶται παντελῶς ἐσμέν, καὶ πολὺν χρόνον εἰς τὸ ὑμέτερον ἐμπόριον εἰσαφικνούμενοι καὶ συμβόλαια πολλοῖς συμβάλλοντες οὐδεμίαν πώποτε δίκην πρὸς ὑμᾶς εἰσήλθομεν, οὔτʼ ἐγκαλοῦντες οὔτʼ ἐγκαλούμενοι ὑφʼ ἑτέρων.
裁判員諸官よ、私たちはあなたがたに対し、私たちが順番に話すのを好意を持って聞いてくださるよう、正当な要求をいたします。 私たちが完全に素人であり、長い間あなたがたの通商地にやってきて多くの人々と契約を結んできたものの、他者を告訴することも他者から告訴されることもなく、あなたがたの前で一度も裁判を起こしたことがないということを認めてくださるように。
§2οὐδʼ ἂν νῦν, ἀκριβῶς ἴστε, ὦ ἄνδρες Ἀθηναῖοι, εἰ ὑπελαμβάνομεν ἀπολωλέναι τὰ χρήματα ἐπὶ τῆς νεὼς τῆς διαφθαρείσης, ἃ ἐδανείσαμεν Φορμίωνι, οὐκ ἄν ποτʼ ἐλάχομεν τὴν δίκην αὐτῷ·
アテナイの皆さん、よく知っておいてください。 もし私たちがフォルミオンに貸し付けた資金が、難破した船の上で失われたと信じていたなら、今でも彼に対して裁判を起こすようなことは決してなかったでしょう。
οὐχ οὕτως ἡμεῖς ἀναίσχυντοί ἐσμεν οὐδʼ ἄπειροι τοῦ ζημιοῦσθαι.
私たちはそれほど恥知らずでもなければ、損失を被ることに不慣れなわけでもありません。
πολλῶν δʼ ἡμᾶς κακιζόντων, καὶ μάλιστα τῶν ἐν Βοσπόρῳ ἐπιδημησάντων ἅμα Φορμίωνι, οἵπερ τοῦτον ᾔδεσαν οὐ συναπολέσαντα τὰ χρήματα ἐν τῇ νηί, δεινὸν ἡγούμεθα εἶναι τὸ μὴ βοηθῆσαι ἡμῖν αὐτοῖς ἀδικουμένοις ὑπὸ τούτου.
しかし、多くの人々、とりわけフォルミオンとともにボスポロスに滞在し、彼が船の中で資金を一緒に失ったわけではないことを知っていた人々が私たちを難詰する中で、この男によって不当な扱いを受けている自分自身を助けないことは、耐え難いことだと私たちは考えています。
§3περὶ μὲν οὖν τῆς παραγραφῆς βραχύς ἐστιν ὁ λόγος·
さて、訴訟却下の申立てについては、話は短いものです。
καὶ γὰρ οὗτοι οὐ τὸ παράπαν συμβόλαιον ἐξαρνοῦνται μὴ γενέσθαι ἐν τῷ ἐμπορίῳ τῷ ὑμετέρῳ, ἀλλʼ οὐκέτι εἶναί φασι πρὸς αὑτοὺς οὐδὲν συμβόλαιον·
というのも、彼らもあなたがたの通商地において契約が全く結ばれなかったと完全に否定しているわけではなく、ただ、自分たちに対してはもはやいかなる契約も存在しないと主張しているからです。
πεποιηκέναι γὰρ οὐδὲν ἔξω τῶν ἐν τῇ συγγραφῇ γεγραμμένων.
彼らは、契約書に書かれていること以外には何も行っていないと言うのです。
§4οἱ μὲν οὖν νόμοι, καθʼ οὓς ὑμεῖς δικασταὶ κάθησθε, οὐχ οὕτως λέγουσιν, ἀλλʼ ὑπὲρ μὲν τῶν μὴ γενομένων ὅλως συμβολαίων Ἀθήνησι μηδʼ εἰς τὸ Ἀθηναίων ἐμπόριον παραγράφεσθαι δεδώκασιν, ἐὰν δέ τις γενέσθαι μὲν ὁμολογῇ, ἀμφισβητῇ δὲ ὡς πάντα πεποίηκεν τὰ συγκείμενα, ἀπολογεῖσθαι κελεύουσιν εὐθυδικίαν εἰσιόντα, οὐ κατηγορεῖν τοῦ διώκοντος.
しかし、あなたがたが裁判員として席に着く基準である法律は、そのようには言っていません。 むしろ、アテナイにおいて、またアテナイの通商地に向けて、全く結ばれなかった契約についてのみ訴訟却下の申立てをすることを認めています。 しかし、もしある者が契約の成立自体は認めつつ、合意されたすべてのことを履行したと争うならば、本訴に入って弁明することを命じており、原告を非難することを認めていません。
οὐ μὴν ἀλλʼ ἔγωγε ἐλπίζω καὶ ἐξ αὐτοῦ τοῦ πράγματος δείξειν εἰσαγώγιμον τὴν δίκην οὖσαν.
とはいえ、私は事態そのものからも、この訴訟が受理可能であることを証明できると期待しています。
§5σκέψασθε δέ, ὦ ἄνδρες Ἀθηναῖοι, ὅ τι ὁμολογεῖται παρʼ αὐτῶν τούτων καὶ τί ἀντιλέγεται·
アテナイの皆さん、彼ら自身によって何が認められ、何が反論されているかを見てください。
οὕτω γὰρ ἂν ἄριστα ἐξετάσαιτε.
そうすれば、最もよく吟味することができるでしょう。
οὐκοῦν δανείσασθαι μὲν τὰ χρήματα ὁμολογοῦσι καὶ συνθήκας ποιήσασθαι τοῦ δανείσματος, φασὶν δʼ ἀποδεδωκέναι τὸ χρυσίον Λάμπιδι τῷ Δίωνος οἰκέτῃ ἐν Βοσπόρῳ.
すなわち、彼らは資金を借り入れ、借入れの合意を交わしたことは認めていますが、ボスボロスにおいてディオニオスの使用人であるランピスにその金銭を返済したと主張しています。
ἡμεῖς τοίνυν οὐ μόνον τοῦτο δείξομεν, ὡς οὐκ ἀπέδωκεν, ἀλλʼ ὡς οὐδʼ ἐνῆν αὐτῷ ἀποδοῦναι.
そこで、私たちは彼が返済しなかったことだけでなく、彼に返済することがそもそも不可能であったことも証明するつもりです。
ἀναγκαῖον δʼ ἐστὶν βραχέα τῶν ἐξ ἀρχῆς διηγήσασθαι ὑμῖν.
そのためには、初めからの経緯をかいつまんであなたがたに説明することが必要です。
§6ἐγὼ γάρ, ὦ ἄνδρες Ἀθηναῖοι, ἐδάνεισα Φορμίωνι τουτῳὶ εἴκοσι μνᾶς ἀμφοτερόπλουν εἰς τὸν Πόντον ἐπὶ ἑτέρᾳ ὑποθήκῃ, καὶ συγγραφὴν ἐθέμην παρὰ Κίττῳ τῷ τραπεζίτῃ.
アテナイの皆さん、私はこちらのフォルミオンに、別の追加担保を条件として、ポントスへの往復航海のために20ミナを貸し付け、両替商のキットスのところに契約書を預けました。
κελευούσης δὲ τῆς συγγραφῆς ἐνθέσθαι εἰς τὴν ναῦν τετρακισχιλίων φορτία ἄξια, πρᾶγμα ποιεῖ πάντων δεινότατον·
契約書は、船に4000ドラクマ相当の貨物を積み込むことを命じていましたが、彼は極めて不届きなことを行いました。
εὐθὺς γὰρ ἐν τῷ Πειραιεῖ ἐπιδανείζεται λάθρᾳ ἡμῶν παρὰ μὲν Θεοδώρου τοῦ Φοίνικος τετρακισχιλίας πεντακοσίας δραχμάς, παρὰ δὲ τοῦ ναυκλήρου Λάμπιδος χιλίας δραχμάς.
というのも、ピライエウスにおいて直ちに、私たちが知らないうちに追加の借入れを行ったのです。 フェニキア人テオドロスから4500ドラクマを、船主のランピスから1000ドラクマを。
§7δέον δʼ αὐτὸν καταγοράσαι φορτία Ἀθήνηθεν μνῶν ἑκατὸν δέκα πέντε, εἰ ἔμελλεν τοῖς δανεισταῖς πᾶσι ποιήσειν τὰ ἐν ταῖς συγγραφαῖς γεγραμμένα, οὐ κατηγόρασεν ἀλλʼ ἢ πεντακισχιλίων καὶ πεντακοσίων δραχμῶν, σὺν τῷ ἐπισιτισμῷ·
もし彼がすべての貸し手に対して契約書に書かれていることを履行するつもりであったなら、アテナイから115ミナ相当の貨物を買い入れる必要があったのに、食糧を含めてもわずか5500ドラクマ分しか買い入れませんでした。
ὀφείλει δὲ ἑβδομήκοντα μνᾶς καὶ πέντε.
そして、彼は75ミナ分不足しています。
ἀρχὴ μὲν οὖν αὕτη ἐγένετο τοῦ ἀδικήματος, ὦ ἄνδρες Ἀθηναῖοι·
アテナイの皆さん、これが不正行為の始まりでした。
οὔτε γὰρ τὴν ὑποθήκην παρέσχεν οὔτε τὰ χρήματʼ ἐνέθετʼ εἰς τὴν ναῦν, κελευούσης τῆς συγγραφῆς ἐπάναγκες ἐντίθεσθαι.
彼は担保を提供せず、契約書が積み込むことを義務づけていたにもかかわらず、資金を船に積み込みもしなかったからです。
καί μοι λαβὲ τὴν συγγραφήν.
どうぞ、私に契約書を取ってください。
ΣΥΓΓΡΑΦΗ.
λαβὲ δὴ καὶ τὴν τῶν πεντηκοστολόγων ἀπογραφὴν καὶ τὰς μαρτυρίας.
契約書。 さらに、50分の一税徴収官の申告書と証言も取ってください。
ΑΠΟΓΡΑΦΗ. ΜΑΡΤΥΡΙΑΙ.
申告書。 証言。