§17ὡς γὰρ τὰς δίκας ταύτας ἔμελλον εἰσιέναι κατʼ αὐτῶν, ἀντίδοσιν ἐπʼ ἐμὲ παρεσκεύασαν, ἵνʼ εἰ μὲν ἀντιδοίην, μὴ ἐξείη μοι πρὸς αὐτοὺς ἀντιδικεῖν, ὡς καὶ τῶν δικῶν τούτων τοῦ ἀντιδόντος γιγνομένων, εἰ δὲ μηδὲν τούτων ποιοίην, ἵνʼ ἐκ βραχείας οὐσίας λῃτουργῶν παντάπασιν ἀναιρεθείην.
私が彼らに対してこれらの訴訟を提起しようとしたとき、彼らは私に対して財産交換を仕組んだ。 それは、もし私が財産を交換するならば、私に彼らと訴訟で争うことが許されなくなる（これらの訴訟も財産交換の相手方のものになってしまうという理由で）ようにするため、また、もし私がこれらのいずれもしないなら、わずかな財産から公共奉仕を行って完全に破滅するようにするためであった。
καὶ τοῦτʼ αὐτοῖς ὑπηρέτησε Θρασύλοχος ὁ Ἀναγυράσιος·
そして彼らのためにこの件で奉仕したのが、アナギュルス区のスラシュロコスであった。
ᾧ τούτων οὐδὲν ἐνθυμηθεὶς ἀντέδωκα μέν, ἀπέκλεισα δʼ ὡς διαδικασίας τευξόμενος·
私はこれらの陰謀を何ら考慮することなく、彼に対して財産交換に同意したものの、査定訴訟を得るつもりで財産の引き渡しを拒んだ。
οὐ τυχὼν δὲ ταύτης, τῶν χρόνων ὑπογύων ὄντων, ἵνα μὴ στερηθῶ τῶν δικῶν, ἀπέτεισα τὴν λῃτουργίαν ὑποθεὶς τὴν οἰκίαν καὶ τἀμαυτοῦ πάντα, βουλόμενος εἰς ὑμᾶς εἰσελθεῖν τὰς πρὸς τουτουσὶ δίκας.
しかし、この査定訴訟を得ることができず、期日も迫っていたため、訴訟の権利を失わないように、私は家と自分の全財産を抵当に入れて公共奉仕の費用を支払い、あなた方の前でこの者たちに対する訴訟に入ることを望んだのである。
§18ἆρʼ οὐ μεγάλα μὲν ἐξ ἀρχῆς ἠδίκημαι, μεγάλα δʼ, ὅτι δίκην ζητῶ λαβεῖν, νῦν ὑπʼ αὐτῶν βλάπτομαι;
私は最初から大きな不義を被ってきたのではないか。 そして、正義を求めようとしているがゆえに、今また彼らによって大きな害を被っているのではないか。
τίς δʼ οὐκ ἂν ὑμῶν τούτῳ μὲν φθονήσειε δικαίως, ἡμᾶς δʼ ἐλεήσειεν, ὁρῶν τῷ μὲν πρὸς τῇ οὐσίᾳ τῇ παραδοθείσῃ πλεῖν ἢ δέκα ταλάντων τὴν ἐμὴν τοσαύτην οὖσαν προσγεγενημένην, ἡμᾶς δὲ μὴ μόνον τῶν πατρῴων διημαρτηκότας, ἀλλὰ καὶ τῶν νῦν παραδοθέντων διὰ τὴν τούτων πονηρίαν ἀπεστερημένους;
この男に対しては当然憤り、私たちには同情を寄せない者があなた方のうちにいるだろうか。 この男には、引き渡された10タラントン以上の財産に加えて、これほど巨額の私の財産が付け加わったのを見る一方で、私たちが父の遺産を失っただけでなく、彼らの邪悪さのために、今引き渡されたものさえも奪われているのを見るとき。
ποῖ δʼ ἂν τραποίμεθα, εἴ τι ἄλλο ψηφίσαισθʼ ὑμεῖς περὶ αὐτῶν;
もしあなた方が彼らについてこれ以外の決定を下すなら、私たちはどこへ赴けばよいのか。
εἰς τὰ ὑποκείμενα τοῖς δανείσασιν;
貸し手に抵当に入っている財産へか。
ἀλλὰ τῶν ὑποθεμένων ἐστίν.
しかしそれは抵当権者のものである。
ἀλλʼ εἰς τὰ περιόντʼ αὐτῶν;
それとも、その残余の財産へか。
ἀλλὰ τούτου γίγνεται, τὴν ἐπωβελίαν ἐὰν ὄφλωμεν.
しかし、もし私たちが訴訟費用罰金を科されるなら、それはこの男のものになってしまうのだ。
§19μηδαμῶς, ὦ ἄνδρες δικασταί, γένησθʼ ἡμῖν τοσούτων αἴτιοι κακῶν·
裁判員の方々、決して私たちにこれほど多くの災いをもたらす原因とならないでください。
μηδὲ τὴν μητέρα κἀμὲ καὶ τὴν ἀδελφὴν ἀνάξια παθόντας περιίδητε, οὓς ὁ πατὴρ οὐκ ἐπὶ ταύταις ταῖς ἐλπίσιν κατέλιπεν, ἀλλὰ τὴν μὲν ὡς Δημοφῶντι συνοικήσουσαν ἐπὶ δυοῖν ταλάντοιν προικί, τὴν δʼ ἐπʼ ὀγδοήκοντα μναῖς τούτῳ τῷ σχετλιωτάτῳ πάντων ἀνθρώπων, ἐμὲ δʼ ὑμῖν διάδοχον ἀνθʼ αὑτοῦ τῶν λῃτουργιῶν ἐσόμενον.
また、母と私と姉妹が不当な苦しみを受けるのを黙って見ていないでください。 父は、私たちをこのような望みのもとに遺したのではなく、姉妹は2タラントンの持参金とともにデモポンと結婚するため、母は80ミナとともに、あらゆる人間の中で最も無情なこの男と結婚するため、そして私は、自分の代わりにあなた方に対して公共奉仕を継承する者となるために遺したのです。
§20βοηθήσατʼ οὖν ἡμῖν, βοηθήσατε, καὶ τοῦ δικαίου καὶ ὑμῶν αὐτῶν ἕνεκα καὶ ἡμῶν καὶ τοῦ πατρὸς τοῦ τετελευτηκότος.
ですから、私たちを助けてください、助けてください、正義のため、あなた方自身のため、そして私たちと亡き父のために。
σῴσατε, ἐλεήσατε, ἐπειδή μʼ οὗτοι συγγενεῖς ὄντες οὐκ ἠλέησαν.
救ってください、同情してください。 親族であるこの者たちが私を同情しなかったのですから。
εἰς ὑμᾶς καταπεφεύγαμεν.
私たちはあなた方に逃れてきました。
ἱκετεύω, ἀντιβολῶ πρὸς παίδων, πρὸς γυναικῶν, πρὸς τῶν ὄντων ἀγαθῶν ὑμῖν.
私は、あなた方のお子たち、妻たち、そしてあなた方にあるすべての善いものにかけて嘆願し、懇願します。
οὕτως ὄναισθε τούτων, μὴ περιίδητέ με, μηδὲ ποιήσητε τὴν μητέρα καὶ τῶν ἐπιλοίπων ἐλπίδων εἰς τὸν βίον στερηθεῖσαν ἀνάξιον αὑτῆς τι παθεῖν·
あなた方がそれらの恩恵を被ることができるように、私を黙って見捨てないでください。 また、母が人生に対する残された最後の希望さえ奪われ、彼女にふさわしくない不当な目に遭うことがないようにしてください。
§21ἣ νῦν μὲν οἴεται τυχόντα με τῶν δικαίων παρʼ ὑμῖν ὑποδέξεσθαι καὶ τὴν ἀδελφὴν ἐκδώσειν·
母は今、私があなた方の前で正義を勝ち取って戻ってきて、姉妹を嫁がせることができると思っています。
εἰ δʼ ὑμεῖς ἄλλο τι γνώσεσθε, ὃ μὴ γένοιτο, τίνʼ οἴεσθʼ αὐτὴν ψυχὴν ἕξειν, ὅταν ἐμὲ μὲν ἴδῃ μὴ μόνον τῶν πατρῴων ἀπεστερημένον, ἀλλὰ καὶ πρὸς ἠτιμωμένον, περὶ δὲ τῆς ἀδελφῆς μηδʼ ἐλπίδʼ ἔχουσαν ὡς τεύξεταί τινος τῶν προσηκόντων διὰ τὴν ἐσομένην ἀπορίαν;
しかし、もしあなた方がこれと異なる判決を下すなら――そのようなことが起こりませんように――私が父の遺産を奪われただけでなく、さらに市民権をも奪われ、姉妹についても、将来の貧困のために、ふさわしい結婚相手を何ら得られる見込みがないのを見るとき、母がどのような心境になると思われるでしょうか。
§22οὐκ ἄξιος, ὦ ἄνδρες δικασταί, οὔτʼ ἐγὼ δίκης ἐν ὑμῖν μὴ τυχεῖν, οὔθʼ οὗτος τοσαῦτα χρήματʼ ἀδίκως κατασχεῖν.
裁判員の方々、私があなた方の前で正義を得られないことも、この男がこれほど多額の金を不当に保持し続けることも、ふさわしくありません。
ἐμοῦ μὲν γὰρ εἰ καὶ μήπω πεῖραν εἰλήφατε, ποῖός τις ἂν εἰς ὑμᾶς εἴην, ἐλπίζειν προσήκει μὴ χείρω τοῦ πατρὸς ἔσεσθαι.
私については、私があなた方に対してどのような人間であるか、まだ経験していないとしても、父より劣る者にはならないと期待するのが当然です。
τούτου δὲ πεῖραν ἔχετε, καὶ σαφῶς ἴσθʼ ὅτι πολλὴν οὐσίαν παραλαβὼν οὐ μόνον οὐδὲν πεφιλοτίμηται πρὸς ὑμᾶς, ἀλλὰ καὶ τἀλλότριʼ ἀποστερῶν ἀποδέδεικται.
しかし、この男についてはあなた方は経験しており、彼が多額の財産を受け取りながら、あなた方に対して公共の奉仕を何ら熱心に行わなかっただけでなく、他人の財産を奪っていることが明白に示されているのをよく知っています。
§23ταῦτʼ οὖν σκοποῦντες καὶ τἄλλα μνησθέντες, ᾗ δίκαιόν ἐστι, ταύτῃ ψηφίσασθε.
ですから、これらのことを考慮し、他のことも思い出して、正義にかなうように投票してください。
πίστεις δʼ ἔχεθʼ ἱκανὰς ἐκ μαρτύρων, ἐκ τεκμηρίων, ἐκ τῶν εἰκότων, ἐξ ὧν οὗτοι λαβεῖν ὁμολογοῦντες ἁθρόα τἀμά, ταῦτʼ ἀνηλωκέναι φασὶν οὐκ ἀνηλωκότες, ἀλλʼ αὐτοὶ πάντʼ ἔχοντες.
あなた方は証人から、確証から、確からしさから、十分な確信を得ています。 これらに基づき、彼らは私の財産をすべて一括して受け取ったと認めながら、それを使い果たしたと主張しているものの、実際には使い果たしておらず、自分たち自身がすべてを所有しているのです。
§24ὧν ἐνθυμουμένους χρὴ ποιήσασθαί τινʼ ἡμῶν πρόνοιαν, εἰδότας ὅτι ἐγὼ μὲν τἀμαυτοῦ διʼ ὑμῶν κομισάμενος εἰκότως λῃτουργεῖν ἐθελήσω, χάριτας ὀφείλων ὅτι μοι δικαίως ἀπέδοτε τὴν οὐσίαν, οὗτος δʼ, ἐὰν αὐτὸν ποιήσητε τῶν ἐμῶν κύριον, οὐδὲν ποιήσει τοιοῦτον.
これらを考慮して、あなた方は私たちに配慮を払うべきです。 私があなた方の助けによって自分の財産を取り戻したなら、当然、私に公正に財産を返してくれたことに対する感謝の念を抱き、喜んで公共奉仕を行うでしょうが、この男は、もしあなた方が彼を私の財産の所有者にしてしまうなら、そのようなことは一切行わないということを知っているからです。
μὴ γὰρ οἴεσθʼ αὐτόν, ὑπὲρ ὧν ἤρνηται μὴ λαβεῖν, ὑπὲρ τούτων ὑμῖν λῃτουργεῖν ἐθελήσειν, ἀλλʼ ἀποκρύψεσθαι μᾶλλον, ἵνα δικαίως ἀποπεφευγέναι δοκῇ.
というのも、彼が受け取っていないと否定している財産を使って、あなた方のために公共奉仕を行おうなどとは決して思わないはずであり、むしろ自分が正当に勝訴したかのように見せるために、それをさらに隠すに違いないからです。