§20πρὸς δὲ τούτοις, εἰ μὲν μὴ καὶ πρότερον τοῖς αὐτοῖς τούτοις χρώμενος λόγοις ἐξηπάτησεν ὑμᾶς, ὅτʼ ἠγωνίσατο τὴν προτέραν ἔνδειξιν, ἦν μὲν οὐδʼ οὕτω δίκαιον παρὰ τοὺς ὑπάρχοντας νόμους τι συγχωρεῖν (οὐ δεῖ γὰρ παρανομεῖν δόντας τισὶ τοὺς ἄλλους κατὰ τοὺς νόμους ἀξιοῦν πράττειν), οὐ μὴν ἀλλʼ ἴσως γʼ εὐλογώτερον ἦν τὸ πιστεῦσαι καὶ καταχαρίσασθαι καὶ προέσθαι τι τῶν τοιούτων.
さらに、もし彼が以前にこれらと同じ議論を用いて、最初の告発の際にあなたがたを騙していなかったとしても、既存の法律に反していかなることをも許すのは決して正しいことではありませんでした（というのも、一部の人々に違法行為を許しながら、他の人々には法律に従って行動することを求めるべきではないからです）。 しかしながら、おそらく、そのときであれば、信じることや好意を施すこと、そしてそのような権利のいくらかを譲歩することは、より道理にかなっていたかもしれません。
§21ἐπειδὴ δὲ τότʼ ἀφέντες ἐπὶ ταῖς ὁμολογουμέναις ἐλπίσιν, μικρὸν ὕστερον τὸν αὐτὸν τοῦτον, ὡς πράττοντα καὶ λέγοντα μὴ τὰ ἄριστα τῷ δήμῳ, πάλιν ἐκολάσατε, τίς ὑπολείπεται σκῆψις ὑμῖν ἁρμόττουσα, ἂν νῦν παρακρουσθῆτε;
しかし、あのときにあなたがたが明白な期待に基づいて彼を放免したのに、そのすぐ後に、この同じ男が民衆にとって最善ではないことを行い語っているとして再び処罰したからには、もし今騙されるとしたら、あなたがたにどのようなふさわしい言い訳が残されているでしょうか。
ὧν μὲν γὰρ ἔργῳ πεῖραν εἰλήφατε, τί δεῖ τοῖς λόγοις πιστεύειν;
実際に経験した事柄について、なぜ言葉を信じる必要があるでしょうか。
ὧν δὲ μηδέπω τὴν δοκιμασίαν ἔχετʼ ἀκριβῆ παρʼ ὑμῖν αὐτοῖς, ἐκ τῶν λεγομένων ἴσως ἀναγκαῖόν ἐστι κρίνειν.
しかし、あなたがた自身において未だ正確な検証を経ていない事柄については、おそらく語られることから判断せざるを得ないでしょう。
§22θαυμάζω δʼ ἔγωγε τῶν οὕτως ἐχόντων ὥστε τὰ μὲν ἴδια τοῖς ἐκ τῶν παρεληλυθότων χρόνων οὖσιν ἐπιεικέσι, τούτοις παρακατατίθεσθαι, τὰ δʼ ἐν τῇ πολιτείᾳ κοινὰ τοῖς ὁμολογουμένως ἐξεληλεγμένοις οὖσι φαύλοις ἐπιτρέπειν.
私は、私的な財産については過去において実証された良識ある人々に託す一方で、国家の公共の事柄については誰もが認める形で邪悪であると証明された人々に委ねるような、そのような態度をとる人々を不思議に思います。
καὶ κύνα μὲν ἐπὶ ποίμνην ἀγεννῆ καὶ φαῦλον οὐδʼ ἂν εἷς ἐπιστήσειε φυλάττειν·
血統が悪く役に立たない犬を、羊の群れの番に据える者は一人もいないでしょう。
ἐπὶ δὲ τοὺς τὰ κοινὰ πράττοντας τοὺς τυχόντας ἀνθρώπους φασὶν ἔνιοι φύλακας δεῖν ἐπιπέμπειν, οἳ προσποιούμενοι μηνύειν τοὺς ἁμαρτάνοντας αὐτοὶ τῆς μεγίστης εἰσὶ φυλακῆς δεόμενοι.
しかし、国政を司る者たちに対して、そこらあたりの人間を監視者として差し向けるべきだと主張する者が一部にいます。 彼らは過ちを犯す者を告発すると称しながら、自分たち自身が最大の監視を必要としているのです。
§23ὧν, ἐὰν ἔχητε νοῦν, ἐνθυμούμενοι τοὺς μὲν φάσκοντας τούτους τῷ λόγῳ φιλεῖν ὑμᾶς χαίρειν ἐάσετε, αὐτοὶ δὲ τοῦτʼ ἐκ παντὸς τρόπου παραφυλάξετε, ὅπως μηδενὶ δῶτʼ ἐξουσίαν ἀκύρους τοὺς νόμους ποιεῖν, ἄλλως τε καὶ τῶν ὑπὲρ τοῦ πλήθους καὶ λέγειν καὶ γράφειν δύνασθαι προσποιουμένων.
もしあなたがたに分別があるなら、これらのことを考慮して、口先だけであなたがたを愛していると主張するこれらの一々を放っておき、あなたがた自身は、誰にも法律を無効にする権限を与えないよう、あらゆる手段を尽くして警戒するでしょう。 とりわけ、大衆のために語り、決議案を書くことができると称している者たちに対しては。
ὡς πάνδεινόν ἐστιν τοὺς μὲν προγόνους ὑπὲρ τοῦ μὴ καταλυθῆναι τοὺς νόμους ἀποθνῄσκειν τολμᾶν, ὑμᾶς δὲ μηδὲ τοὺς ἐξαμαρτάνοντας εἰς αὐτοὺς τιμωρεῖσθαι, καὶ τὸν μὲν γράψαντα τοὺς νόμους Σόλωνα χαλκοῦν ἐν ἀγορᾷ στῆσαι, αὐτῶν δὲ τῶν νόμων ὀλιγωροῦντας φαίνεσθαι, διʼ οὓς κἀκεῖνον ὑπερβαλλόντως συμβέβηκε τιμᾶσθαι.
なぜなら、先祖たちは法律が廃止されないために進んで死の危険を冒したというのに、あなたがたは法律に対して罪を犯す者たちを罰することすらしないというのは、きわめて恐るべきことだからです。 また、法律を制定したソロンの青銅像を広場に立てながら、彼がそれによって過分に名誉を受けることになった法律そのものを、あなたがたが軽視しているように見えることも。
§24πῶς δʼ οὐκ ἂν εἴη τὸ συμβαῖνον ἄλογον, εἰ νομοθετοῦντες μὲν ὀργίζεσθε τοῖς πονηροῖς, ἐπʼ αὐτοφώρῳ δέ τινας εἰληφότες ἀθῴους ἐάσετε;
もし、立法する際には邪悪な者たちに対して怒りを示しながら、現場で捕らえた者を無罪放免するならば、その結果はどうして不条理ではないと言えましょうか。
καὶ τὸν μὲν νομοθέτην ἕνʼ ὄντα πᾶσιν ὑπὲρ ὑμῶν ἀπεχθάνεσθαι τοῖς φαύλοις, ὑμᾶς δὲ μηδʼ ὑπὲρ ὑμῶν αὐτῶν κοινῇ συλλεγέντας ἐπιδείξασθαι μισοῦντας τοὺς πονηρούς, ἀλλʼ ὑφʼ ἑνὸς ἀνδρὸς πονηρίας ἡττηθῆναι;
また、立法者は一人でありながら、あなたがたのためにすべての邪悪な者たちから憎まれているのに、あなたがたは自分たち自身のために共同で集まりながら、邪悪な者たちへの憎しみを示すことすらできず、一人の男の邪悪さに屈服するならば。
καὶ θάνατον μὲν ὡρικέναι τὴν ζημίαν, ἐάν τις οὐκ ὄντα νόμον παράσχηται, τοὺς δὲ τοὺς ὄντας εἰς τὴν τῶν οὐκ ὄντων νόμων τάξιν ἄγοντας, τούτους ἀτιμωρήτους περιορᾶν;
そして、存在しない法律を提示した者には死刑を罰として規定しておきながら、存在する法律を存在しない法律の地位に追いやる者たちを、罰することなく見過ごすならば。
§25οὕτω δʼ ἂν ἀκριβέστατα συνθεωρήσαιτε τὸ τοῖς κειμένοις νόμοις πείθεσθαι ἡλίκον ἀγαθόν ἐστιν, καὶ τὸ καταφρονεῖν καὶ τὸ μὴ πειθαρχεῖν αὐτοῖς ἡλίκον κακόν, εἰ τά τʼ ἐκ τῶν νόμων ἀγαθὰ χωρὶς καὶ τὰ διὰ τῆς παρανομίας συμβαίνοντα πρὸ ὀφθαλμῶν ὑμῖν αὐτοῖς ποιησάμενοι θεωρήσαιτε.
あなたがたは、法律から生じる善と、違法行為によって生じる出来事とを別々に、目の前に描き出して観察するならば、制定された法律に従うことがどれほど大きな善であるか、また法律を軽視し、それに従わないことがどれほど大きな悪であるかを、最も正確に理解することができるでしょう。
εὑρήσετε γὰρ τὴν μὲν τὰ τῆς μανίας καὶ ἀκρασίας καὶ πλεονεξίας, τοὺς δὲ τὰ τῆς φρονήσεως καὶ σωφροσύνης καὶ δικαιοσύνης ἔργα διαπραττομένους.
なぜなら、前者は狂気と無節制と貪欲の業をもたらし、後者は思慮と自制と正義の業を成し遂げているのを見出すだろうからです。
§26δῆλον δέ·
それは明らかです。
τῶν γὰρ πόλεων ταύτας ἄριστʼ οἰκουμένας ἴδοιμεν ἂν ἐν αἷς ἄριστοι νομοθέται γεγόνασιν·
というのも、諸国家の中で最もよく統治されているのを目にするのは、最良の立法者たちが現れた国家だからです。
τὰ μὲν γὰρ ἐν τοῖς σώμασιν ἀρρωστήματα τοῖς τῶν ἰατρῶν εὑρήμασι καταπαύεται, τὰς δʼ ἐν ταῖς ψυχαῖς ἀγριότητας αἱ τῶν νομοθετῶν ἐξορίζουσι διάνοιαι.
身体の病は医師たちの発見によって鎮められるのに対し、魂の中の粗野な野蛮さは立法者たちの知恵が追い払うからです。
ὅλως δʼ οὐδὲν οὔτε σεμνὸν οὔτε σπουδαῖον εὑρήσομεν ὃ μὴ νόμου κεκοινώνηκεν,
全体として、厳かで真剣な事柄で、法律にあずかっていないものは一つも見出せないでしょう。
§27ἐπεὶ καὶ τὸν ὅλον κόσμον καὶ τὰ θεῖα καὶ τὰς καλουμένας ὥρας νόμος καὶ τάξις, εἰ χρὴ τοῖς ὁρωμένοις πιστεύειν, διοικεῖν φαίνεται.
なぜなら、全世界も、神的な事柄も、いわゆる季節も、もし目に映るものを信じるべきであるなら、法律と秩序が支配しているように見えるからです。
παρακαλέσαντες οὖν ὑμᾶς αὐτούς, ἄνδρες Ἀθηναῖοι, βοηθήσατε μὲν τοῖς νόμοις, καταψηφίσασθε δὲ τῶν εἰς τὸ θεῖον ἀσεβεῖν προῃρημένων.
それゆえ、アテナイの皆さん、ご自身を奮い立たせて、法律を擁護し、神的なものを不敬にも侵す道を選んだ者に有罪の票を投じてください。
καὶ ταῦτʼ ἐὰν πράξητε, τὰ δέοντα ποιήσετε καὶ τὰ κράτιστα ψηφιεῖσθε.
そして、もしこれを実行するならば、あなたがたは義務を果たし、最善の決議をすることになるでしょう。