§1ἐνόμιζον μέν, ὦ ἄνδρες Αἰγινῆται, οὕτω καλῶς βεβουλεῦσθαι περὶ τῶν αὑτοῦ Θρασύλοχον ὥστε μηδένʼ ἄν ποτʼ ἐλθεῖν ἐναντία πράξοντα ταῖς διαθήκαις αἷς ἐκεῖνος κατέλιπεν·
アイギナの市民の皆さん、私は、トラシュロコスが自分の財産について非常に立派な遺言を遺したので、彼が遺した遺書に反する行動をとるためにやって来る者など誰もいないだろうと思っていました。
ἐπειδὴ δὲ τοῖς ἀντιδίκοις τοιαύτη γνώμη παρέστηκεν ὥστε καὶ πρὸς οὕτως ἐχούσας αὐτὰς ἀμφισβητεῖν, ἀναγκαίως ἔχει παρʼ ὑμῶν πειρᾶσθαι τῶν δικαίων τυγχάνειν.
しかし、対立当事者たちが、これほど明快な遺書に対しても異議を申し立てるほどの考えを持つに至った以上、私はやむを得ず、あなた方の前で正義を勝ち取ろうと努めることになります。
§2τοὐναντίον δὲ πέπονθα τοῖς πλείστοις τῶν ἀνθρώπων.
しかし、私の経験は世の大半の人々とは逆のものです。
τοὺς μὲν γὰρ ἄλλους ὁρῶ χαλεπῶς φέροντας, ὅταν ἀδίκως περί τινος κινδυνεύωσιν, ἐγὼ δʼ ὀλίγου δέω χάριν ἔχειν τούτοις, ὅτι μʼ εἰς τουτονὶ τὸν ἀγῶνα κατέστησαν.
というのも、他の人々が不当に裁判の危機にさらされると憤慨するのを目にしますが、私は彼らが私をこの裁判に引き出してくれたことについて、感謝したいとさえ思うほどだからです。
ἀκρίτου μὲν γὰρ ὄντος τοῦ πράγματος οὐκ ἂν ἠπίστασθʼ ὁποῖός τις γεγενημένος περὶ τὸν τετελευτηκότα κληρονόμος εἰμὶ τῶν ἐκείνου· πυθόμενοι δὲ τὰ πραχθέντα πάντες εἴσεσθʼ ὅτι δικαίως ἂν καὶ μείζονος ἢ τοσαύτης δωρεᾶς ἠξιώθην.
なぜなら、この事態が裁判にかけられないままであったなら、亡くなった人に対して私がどのような人間であったために彼の遺産相続人になったのかを、あなた方は知る由もなかったでしょうが、事の経緯を聞けば、私がこれほど、あるいはこれ以上の贈り物を受けるに十分ふさわしい人間であったことを、誰もが知ることになるからです。
§3χρῆν μέντοι καὶ τὴν ἀμφισβητοῦσαν τῶν χρημάτων μὴ παρʼ ὑμῶν πειρᾶσθαι λαμβάνειν τὴν οὐσίαν, ἣν Θρασύλοχος κατέλιπεν, ἀλλὰ περὶ ἐκεῖνον χρηστὴν οὖσαν οὕτως ἀξιοῦν αὐτῆς ἐπιδικάζεσθαι.
本来ならば、財産をめぐって異議を申し立てているあの女性も、トラシュロコスが遺した財産をあなた方から手に入れようとするのではなく、彼が生きていた頃に親切にし、その上でこの財産の相続を請求すべきでした。
νῦν δʼ αὐτῇ τοσούτου δεῖ μεταμέλειν ὧν εἰς ζῶντʼ ἐξήμαρτεν, ὥστε καὶ τεθνεῶτος αὐτοῦ πειρᾶται τήν τε διαθήκην ἄκυρον ἅμα καὶ τὸν οἶκον ἔρημον ποιῆσαι.
しかし現在、彼女は彼が生きていた時に犯した過ちを後悔するどころか、彼が亡くなった後も、遺言を無効にすると同時に彼の家を絶やそうとさえ企てています。
§4θαυμάζω δὲ καὶ τῶν πραττόντων ὑπὲρ αὐτῆς, εἰ διὰ τοῦτʼ οἴονται καλὸν εἶναι τὸν κίνδυνον, ὅτι μὴ κατορθώσαντες οὐδὲν μέλλουσιν ἀποτείσειν.
また、彼女を代理して行動している者たちについても、もし彼らが敗訴したところで何も支払う必要がないという理由で、この裁判闘争を割に合うものと考えているなら、私はあきれるばかりです。
ἐγὼ μὲν γὰρ ἡγοῦμαι μεγάλην εἶναι καὶ ταύτην ζημίαν, ἂν ἐξελεγχθέντες ὡς ἀδίκως ἀμφισβητοῦσιν, ἔπειθʼ ὑμῖν δόξωσι χείρους εἶναι.
というのも、不当な異議申し立てをしていることが立証され、その結果、あなた方の目に彼らが卑劣な者と映ることになるなら、それだけでも大きな不利益であると私は考えるからです。
τὴν μὲν οὖν τούτων κακίαν ἐξ αὐτῶν τῶν ἔργων γνώσεσθʼ, ἐπειδὰν διὰ τέλους ἀκούσητε τῶν πεπραγμένων·
彼らの卑劣さについては、事の経緯を最後までお聞きになれば、彼らの行動そのものからお分かりになるでしょう。
ὅθεν δʼ, οἶμαι, τάχιστʼ ἂν ὑμᾶς μαθεῖν περὶ ὧν ἀμφισβητοῦμεν, ἐντεῦθεν ἄρξομαι διηγεῖσθαι.
そこで、私たちが争っている事柄についてあなた方が最も早く理解できると思われるところから、話を始めたいと思います。
§5Θράσυλλος γὰρ ὁ πατὴρ τοῦ καταλιπόντος τὴν διαθήκην παρὰ μὲν τῶν προγόνων οὐδεμίαν οὐσίαν παρέλαβεν, ξένος δὲ Πολεμαινέτῳ τῷ μάντει γενόμενος οὕτως οἰκείως διετέθη πρὸς αὐτὸν ὥστʼ ἀποθνῄσκων ἐκεῖνος τάς τε βίβλους τὰς περὶ τῆς μαντικῆς αὐτῷ κατέλιπε καὶ τῆς οὐσίας μέρος τι τῆς νῦν οὔσης ἔδωκεν.
さて、遺言を遺して亡くなった人の父であるトラシュロスは、祖先からは何の財産も受け継ぎませんでしたが、預言者ポレマイネトスと固い交誼を結び、彼と非常に親密な関係を維持したため、ポレマイネトスは臨終の際、予言術に関する書物をトラシュロスに遺し、現在ある財産の一部を与えたのです。
§6λαβὼν δὲ Θράσυλλος ταύτας ἀφορμὰς ἐχρῆτο τῇ τέχνῃ·
トラシュロスはこれらの元手を手にすると、預言の技術を仕事にしました。
πλάνης δὲ γενόμενος καὶ διαιτηθεὶς ἐν πολλαῖς πόλεσιν ἄλλαις τε γυναιξὶ συνεγένετο, ὧν ἔνιαι καὶ παιδάριʼ ἀπέδειξαν ἃ ʼκεῖνος οὐδὲ πώποτε γνήσιʼ ἐνόμισε, καὶ δὴ καὶ τὴν ταύτης μητέρʼ ἐν τούτοις τοῖς χρόνοις ἔλαβεν.
彼は諸国を放浪し、多くの都市で暮らす中で、他の様々な女性たちと関係を持ちました。 彼女たちのうち何人かは子供をもうけ、トラシュロスの実子であると主張しましたが、彼は一度もそれらを嫡出子とは認めませんでした。 そして、まさにこの時期に、あの女性の母親をも娶ったのです。
§7ἐπειδὴ δʼ οὐσίαν τε πολλὴν ἐκτήσατο καὶ τὴν πατρίδʼ ἐπόθεσεν, ἐκείνης μὲν καὶ τῶν ἄλλων ἀπηλλάγη, καταπλεύσας δʼ εἰς Σίφνον ἔγημεν ἀδελφὴν τοῦ πατρὸς τοὐμοῦ, πλούτῳ μὲν αὐτὸς πρῶτος ὢν τῶν πολιτῶν, γένει δὲ καὶ τοῖς ἄλλοις ἀξιώμασιν εἰδὼς τὴν ἡμετέραν οἰκίαν προέχουσαν.
その後、多くの財産を築き、祖国を懐かしむようになると、彼はその女性や他の女たちと縁を切り、シプノス島に船で帰還し、私の父の姉妹を妻に迎えました。 彼は富においては市民の中で第一の者でしたが、家柄やその他の格調においては、私たちの家が優れていることを知っていたからです。
§8οὕτω δὲ σφόδρʼ ἠγάπησε τὴν τοῦ πατρὸς φιλίαν, ὥστʼ ἀποθανούσης ἐκείνης ἄπαιδος αὖθις ἠγάγετʼ ἀνεψιὰν τοῦ πατρός, οὐ βουλόμενος διαλύσασθαι τὴν πρὸς ἡμᾶς οἰκειότητα.
彼は私の父との友情を非常に重んじたため、彼女が子供を残さずに亡くなったとき、私たちとの親戚関係が途絶えるのを好まず、再び私の父の従姉妹を妻に迎えました。
οὐ πολὺν δὲ χρόνον συνοικήσας ταῖς αὐταῖς τύχαις ἐχρήσατο καὶ περὶ ταύτην, αἷσπερ καὶ περὶ τὴν προτέραν.
しかし、彼女との結婚生活も長くは続かず、先妻の場合とまったく同じ不幸に見舞われました。
§9μετὰ δὲ ταῦτʼ ἔγημεν ἐκ Σερίφου παρʼ ἀνθρώπων πολὺ πλείονος ἀξίων ἢ κατὰ τὴν αὑτῶν πόλιν, ἐξ ἧς ἐγένετο Σώπολις καὶ Θρασύλοχος καὶ θυγάτηρ ἡ νῦν ἐμοὶ συνοικοῦσα.
その後、彼はセリポス島から、その都市の平均的な人々よりもはるかに名望のある家柄の女性を妻に迎え、彼女との間にソポリス、トラシュロコス、および現在私の妻である娘が生まれました。
Θράσυλλος μὲν οὖν τούτους μόνους παῖδας γνησίους καταλιπὼν καὶ κληρονόμους τῶν αὑτοῦ καταστήσας τὸν βίον ἐτελεύτησεν.
こうしてトラシュロスは、彼らだけを嫡出の子として残し、自分の財産の相続人として定めて生涯を終えました。
§10ἐγὼ δὲ καὶ Θρασύλοχος τοσαύτην φιλίαν παρὰ τῶν πατέρων παραλαβόντες ὅσην ὀλίγῳ πρότερον διηγησάμην, ἔτι μείζω τῆς ὑπαρχούσης αὐτὴν ἐποιήσαμεν.
私とトラシュロコスは、父親たちから今しがた説明したほどの強い友情を受け継ぎ、それをすでにあるものよりさらに大きく深めました。
ἕως μὲν γὰρ παῖδες ἦμεν, περὶ πλείονος ἡμᾶς αὐτοὺς ἡγούμεθα ἢ τοὺς ἀδελφούς, καὶ οὔτε θυσίαν οὔτε θεωρίαν οὔτʼ ἄλλην ἑορτὴν οὐδεμίαν χωρὶς ἀλλήλων ἤγομεν·
というのも、子供の頃、私たちは兄弟たち以上にお互いを大切に思い、犠牲式も、祝祭の見物も、その他のいかなる祭りも互いになしで執り行うことはなかったからです。
ἐπειδὴ δʼ ἄνδρες ἐγενόμεθα, οὐδὲν πώποτʼ ἐναντίον ἡμῖν αὐτοῖς ἐπράξαμεν, ἀλλὰ καὶ τῶν ἰδίων ἐκοινωνοῦμεν καὶ πρὸς τὰ τῆς πόλεως ὁμοίως διεκείμεθα καὶ φίλοις καὶ ξένοις τοῖς αὐτοῖς ἐχρώμεθα.
そして大人になってからも、私たちは決して対立する行動をせず、私有財産を共有し、ポリスの公務に対しても同じ態度で臨み、同じ友人と客人を共有しました。