§8.40.1οἱ δὲ Χῖοι καὶ Πεδάριτος κατὰ τὸν αὐτὸν χρόνον οὐδὲν ἧσσον, καίπερ διαμέλλοντα, τὸν Ἀστύοχον πέμποντες ἀγγέλους ἠξίουν σφίσι πολιορκουμένοις βοηθῆσαι ἁπάσαις ταῖς ναυσὶ καὶ μὴ περιιδεῖν τὴν μεγίστην τῶν ἐν Ἰωνίᾳ ξυμμαχίδων πόλεων ἔκ τε θαλάσσης εἰργομένην καὶ κατὰ γῆν λῃστείαις πορθουμένην.
同じ頃、キオス人たちとペダリトスは、アスチュオコスがぐずぐずしているにもかかわらず、やはり彼のもとに使者を送り、包囲されている自分たちを全艦隊で救うこと、そしてイオニアにおける同盟都市のうち最大のものが、海から封鎖され、陸からも略奪によって荒廃させられるのを黙視しないようにと要求した。
§8.40.2οἱ γὰρ οἰκέται τοῖς Χίοις πολλοὶ ὄντες καὶ μιᾷ γε πόλει πλὴν Λακεδαιμονίων πλεῖστοι γενόμενοι καὶ ἅμα διὰ τὸ πλῆθος χαλεπωτέρως ἐν ταῖς ἀδικίαις κολαζόμενοι, ὡς ἡ στρατιὰ τῶν Ἀθηναίων βεβαίως ἔδοξε μετὰ τείχους ἱδρῦσθαι, εὐθὺς αὐτομολίᾳ τε ἐχώρησαν οἱ πολλοὶ πρὸς αὐτοὺς καὶ τὰ πλεῖστα κακὰ ἐπιστάμενοι τὴν χώραν οὗτοι ἔδρασαν.
というのも、キオス人たちの奴隷は数が多く、ラケダイモンを除けば、単一の都市としては最も多数を占めており、同時にその数が多いがゆえに、過ちに対してより厳しく罰せられていたからである。 彼らは、アテナイの軍勢が防壁を築いて確固たる基盤を据えたと見えるやいなや、直ちにその大半が彼らのもとに脱走し、土地をよく知っていた彼らは、その土地に最大の害悪をもたらした。
§8.40.3ἔφασαν οὖν χρῆναι οἱ Χῖοι, ἕως ἔτι ἐλπὶς καὶ δυνατὸν κωλῦσαι, τειχιζομένου τοῦ Δελφινίου καὶ ἀτελοῦς ὄντος καὶ στρατοπέδῳ καὶ ναυσὶν ἐρύματος μείζονος προσπεριβαλλομένου, βοηθῆσαι σφίσιν.
それゆえキオス人たちは、デルフィニオンが要塞化されつつあるもののまだ未完成であり、陸戦隊と艦船のために、より大きな防壁が周囲に追加で築かれつつあるうちに、まだ希望があり阻止することが可能な間に、自分たちを救うべきであると主張した。
ὁ δὲ Ἀστύοχος καίπερ οὐ διανοούμενος διὰ τὴν τότε ἀπειλήν, ὡς ἑώρα καὶ τοὺς ξυμμάχους προθύμους ὄντας, ὥρμητο ἐς τὸ βοηθεῖν.
他方、アスチュオコスは、あの時の脅しのゆえにその気はなかったものの、同盟国の人々も熱心であるのを見るや、救出のために行動を起こそうとした。