§7.53.1ὁ δὲ Γύλιππος ὁρῶν τὰς ναῦς τῶν πολεμίων νικωμένας καὶ ἔξω τῶν σταυρωμάτων καὶ τοῦ ἑαυτῶν στρατοπέδου καταφερομένας, βουλόμενος διαφθείρειν τοὺς ἐκβαίνοντας καὶ τὰς ναῦς ῥᾷον τοὺς Συρακοσίους ἀφέλκειν τῆς γῆς φιλίας οὔσης, παρεβοήθει ἐπὶ τὴν χηλὴν μέρος τι ἔχων τῆς στρατιᾶς.
一方、ギュリッポスは、敵の船が敗れ、彼らの杭垣や陣営の外へと押し流されているのを見て、上陸してくる者たちを殺戮し、また土地が自軍にとって好意的であるために、シラクサ人がより容易にそれらの船を陸地から曳き船できるようにすることを望んで、軍勢の一部を率いて突堤に向かって救援に赴いた。
§7.53.2καὶ αὐτοὺς οἱ Τυρσηνοί (οὗτοι γὰρ ἐφύλασσον τοῖς Ἀθηναίοις ταύτῃ) ὁρῶντες ἀτάκτως προσφερομένους, ἐπεκβοηθήσαντες καὶ προσπεσόντες τοῖς πρώτοις τρέπουσι καὶ ἐσβάλλουσιν ἐς τὴν λίμνην τὴν Λυσιμέλειαν καλουμένην.
そしてテュルセニア人たちは（彼らがこの場所でアテナイ人のために守備をしていたのであるが）、ギュリッポスらが秩序なく近づいてくるのを見て、打って出てその先頭部隊に襲いかかり、彼らを敗走させてリュシメレイアと呼ばれる湿地へと追い落とした。
§7.53.3ὕστερον δὲ πλέονος ἤδη τοῦ στρατεύματος παρόντος τῶν Συρακοσίων καὶ ξυμμάχων καὶ οἱ Ἀθηναῖοι ἐπιβοηθήσαντες καὶ δείσαντες περὶ ταῖς ναυσὶν ἐς μάχην τε κατέστησαν πρὸς αὐτοὺς καὶ νικήσαντες ἐπεδίωξαν καὶ ὁπλίτας τε οὐ πολλοὺς ἀπέκτειναν καὶ τὰς ναῦς τὰς μὲν πολλὰς διέσωσάν τε καὶ ξυνήγαγον κατὰ τὸ στρατόπεδον, δυοῖν δὲ δεούσας εἴκοσιν οἱ Συρακόσιοι καὶ οἱ ξύμμαχοι ἔλαβον αὐτῶν καὶ τοὺς ἄνδρας πάντας ἀπέκτειναν.
しかしその後、シラクサ人と同盟軍のより多くの軍勢がすでに現れると、アテナイ人も救援に駆けつけ、船のことを心配して彼らとの戦闘に入り、勝利を収めて追撃した。 彼らは重装歩兵を多くはないが殺害し、船の大半を救い出して陣営のもとに集めた。 しかし、シラクサ人と同盟軍はそれらのうちの18隻を拿捕し、その乗組員を全員殺害した。
§7.53.4καὶ ἐπὶ τὰς λοιπὰς ἐμπρῆσαι βουλόμενοι ὁλκάδα παλαιὰν κληματίδων καὶ δᾳδὸς γεμίσαντες (ἦν γὰρ ἐπὶ τοὺς Ἀθηναίους ὁ ἄνεμος οὔριος) ἀφεῖσαν [τὴν ναῦν] πῦρ ἐμβαλόντες.
さらに彼らは、残りの船を焼き払おうと望んで、古い商船に薪の枝や松脂を詰め込み（風がアテナイ人の方向へと順風に吹いていたためである）、火を放ってこれを流した。
καὶ οἱ Ἀθηναῖοι δείσαντες περὶ ταῖς ναυσὶν ἀντεμηχανήσαντό τε σβεστήρια κωλύματα καὶ παύσαντες τήν τε φλόγα καὶ τὸ μὴ προσελθεῖν ἐγγὺς τὴν ὁλκάδα τοῦ κινδύνου ἀπηλλάγησαν.
アテナイ人は自分たちの船を心配して、消火用・阻止用の手段を考案し、炎を消し止め、また商船が間近に迫るのを阻んで、危機を脱した。