§4.68.1ἔπειτα δὲ καὶ τῶν Ἀθηναίων ἤδη ὁ αἰεὶ ἐντὸς γιγνόμενος ἐχώρει ἐπὶ τὸ τεῖχος.
その後、アテナイ人のうち、次々と中に入った者が順次城壁へと進んだ。
§4.68.2καὶ οἱ Πελοποννήσιοι φρουροὶ τὸ μὲν πρῶτον ἀντίσχοντες ἠμύνοντο ὀλίγοι, καὶ ἀπέθανόν τινες αὐτῶν, οἱ δὲ πλείους ἐς φυγὴν κατέστησαν, φοβηθέντες ἐν νυκτί τε πολεμίων προσπεπτωκότων καὶ τῶν προδιδόντων Μεγαρέων ἀντιμαχομένων, νομίσαντες τοὺς ἅπαντας σφᾶς Μεγαρέας προδεδωκέναι.
一方、ペロポネソス人の番兵たちは、最初は少数で抵抗して防戦し、彼らの何人かは戦死したが、大半は敗走した。 夜間に敵が襲撃してきたこと、そして内通者のメガラ人が敵対して戦ってきたことに恐怖を抱き、メガラ人全員が自分たちを裏切ったのだと思い込んだからである。
§4.68.3ξυνέπεσε γὰρ καὶ τὸν τῶν Ἀθηναίων κήρυκα ἀφ’ ἑαυτοῦ γνώμης κηρύξαι τὸν βουλόμενον ἰέναι Μεγαρέων μετὰ Ἀθηναίων θησόμενον τὰ ὅπλα.
というのも、アテナイ人の伝令が自らの判断で、メガラ人のうち望む者はアテナイ人と共に武器を置く（アテナイ側に味方する）べし、と告げ知らせるという偶然も重なったからである。
οἱ δ’ ὡς ἤκουσαν, οὐκέτι ἀνέμενον, ἀλλὰ τῷ ὄντι νομίσαντες κοινῇ πολεμεῖσθαι κατέφυγον ἐς τὴν Νίσαιαν.
ペロポネソス人たちはこれを聞くと、もはや踏みとどまらず、本当に全体から敵対されていると思い込んでニサイアへと逃げ込んだ。
§4.68.4ἅμα δὲ ἕῳ ἑαλωκότων ἤδη τῶν τειχῶν καὶ τῶν ἐν τῇ πόλει Μεγαρέων θορυβουμένων οἱ πρὸς τοὺς Ἀθηναίους πράξαντες καὶ ἄλλο μετ’ αὐτῶν πλῆθος, ὃ ξυνῄδει, ἔφασαν χρῆναι ἀνοίγειν τὰς πύλας καὶ ἐπεξιέναι ἐς μάχην.
夜が明けると、すでに城壁は占領され、市内のメガラ人たちが大混乱に陥る中、アテナイ人と交渉を進めていた者たちと、彼らと気脈を通じていたその他の群衆は、門を開けて戦闘のために出撃すべきだと主張した。
§4.68.5ξυνέκειτο δὲ αὐτοῖς τῶν πυλῶν ἀνοιχθεισῶν ἐσπίπτειν τοὺς Ἀθηναίους, αὐτοὶ δὲ διάδηλοι ἔμελλον ἔσεσθαι (λίπα γὰρ ἀλείψεσθαι), ὅπως μὴ ἀδικῶνται.
彼らの間では、門が開けられたらアテナイ人がなだれ込み、自分たちは危害を加えられないように目印をつける（油を体に塗る）ことがあらかじめ合意されていた。
ἀσφάλεια δὲ αὐτοῖς μᾶλλον ἐγίγνετο τῆς ἀνοίξεως·
門を開けることの安全性は彼らにとってより確実なものとなっていた。
καὶ γὰρ οἱ ἀπὸ τῆς Ἐλευσῖνος κατὰ τὸ ξυγκείμενον τετρακισχίλιοι ὁπλῖται τῶν Ἀθηναίων καὶ ἱππῆς ἑξακόσιοι [οἱ] τὴν νύκτα πορευόμενοι παρῆσαν.
というのも、合意に従ってエレウシスから夜間に進軍してきた、アテナイの重装歩兵四千人と騎兵六百人が、すでに到着していたからである。
§4.68.6ἀληλιμμένων δὲ αὐτῶν καὶ ὄντων ἤδη περὶ τὰς πύλας καταγορεύει τις ξυνειδὼς τοῖς ἑτέροις τὸ ἐπιβούλευμα.
しかし、彼らが油を塗り、すでに門のところに集まっていた時、彼らの企てを知る者が、もう一方の者たちにその陰謀を密告した。
καὶ οἳ ξυστραφέντες ἁθρόοι ἦλθον καὶ οὐκ ἔφασαν χρῆναι οὔτε ἐπεξιέναι (οὐδὲ γὰρ πρότερόν πω τοῦτο ἰσχύοντες μᾶλλον τολμῆσαι) οὔτε ἐς κίνδυνον φανερὸν τὴν πόλιν καταγαγεῖν·
そこで、彼らは集団で結束してやって来て、出撃すべきではないし（かつてこれより強力であった時でさえ、そのような大胆なことを敢えてしたことはないのだから）、街を明白な危機にさらすべきではないと主張した。
εἴ τε μὴ πείσεταί τις, αὐτοῦ τὴν μάχην ἔσεσθαι.
そして、もし従わない者がいれば、その場で戦闘が起こるだろうとした。
ἐδήλουν δὲ οὐδὲν ὅτι ἴσασι τὰ πρασσόμενα, ἀλλὰ ὡς τὰ βέλτιστα βουλεύοντες ἰσχυρίζοντο, καὶ ἅμα περὶ τὰς πύλας παρέμενον φυλάσσοντες, ὥστε οὐκ ἐγένετο τοῖς ἐπιβουλεύουσι πρᾶξαι ὃ ἔμελλον.
彼らは、事の真相を知っていることを全く顔に出さず、ただ最善の策を提案しているのだと言い張り、同時に門の周辺に留まって警備を続けた。 そのため、陰謀を企てていた者たちは予定していた計画を実行することができなかった。