§3.86.1τοῦ δ’ αὐτοῦ θέρους τελευτῶντος Ἀθηναῖοι εἴκοσι ναῦς ἔστειλαν ἐς Σικελίαν καὶ Λάχητα τὸν Μελανώπου στρατηγὸν αὐτῶν καὶ Χαροιάδην τὸν Εὐφιλήτου.
同じ夏の終わりに、アテナイ人は二十隻の船をシケリアに派遣し、彼らの将軍としてメラノポスの子ラケスとエウピレトスの子カロイアデスを派遣した。
§3.86.2οἱ γὰρ Συρακόσιοι καὶ Λεοντῖνοι ἐς πόλεμον ἀλλήλοις καθέστασαν.
というのも、シュラコサイ人とレオンティノイ人が互いに戦争状態に陥っていたからである。
ξύμμαχοι δὲ τοῖς μὲν Συρακοσίοις ἦσαν πλὴν Καμαριναίων αἱ ἄλλαι Δωρίδες πόλεις, αἵπερ καὶ πρὸς τὴν τῶν Λακεδαιμονίων τὸ πρῶτον ἀρχομένου τοῦ πολέμου ξυμμαχίαν ἐτάχθησαν, οὐ μέντοι ξυνεπολέμησάν γε, τοῖς δὲ Λεοντίνοις αἱ Χαλκιδικαὶ πόλεις καὶ Καμάρινα·
シュラコサイ人の同盟者としては、カマリナ人を除く他のすべてのドーリス人の都市国家があり、これらは戦争の当初、始まった時に、ラケダイモン人の同盟に配属されたものであったが、ただし、ともには戦わなかった。 他方、レオンティノイ人には、カルキス人の都市国家群とカマリナが同盟していた。
τῆς δὲ Ἰταλίας Λοκροὶ μὲν Συρακοσίων ἦσαν, Ῥηγῖνοι δὲ κατὰ τὸ ξυγγενὲς Λεοντίνων.
またイタリアのうちでは、ロクロイ人がシュラコサイ人の同盟者であり、レギオン人は血縁関係に基づいてレオンティノイ人の同盟者であった。
§3.86.3ἐς οὖν τὰς Ἀθήνας πέμψαντες οἱ τῶν Λεοντίνων ξύμμαχοι κατά τε παλαιὰν ξυμμαχίαν καὶ ὅτι Ἴωνες ἦσαν πείθουσι τοὺς Ἀθηναίους πέμψαι σφίσι ναῦς·
そこで、レオンティノイ人の同盟者たちはアテナイに使節を送り、古い同盟関係に基づき、また自分たちがイオン人であるということから、自分たちに船を派遣するようアテナイ人を説得した。
ὑπὸ γὰρ τῶν Συρακοσίων τῆς τε γῆς εἴργοντο καὶ τῆς θαλάσσης.
というのも、彼らはシュラコサイ人によって土地からも海からも締め出されていたからである。
§3.86.4καὶ ἔπεμψαν οἱ Ἀθηναῖοι τῆς μὲν οἰκειότητος προφάσει, βουλόμενοι δὲ μήτε σῖτον ἐς τὴν Πελοπόννησον ἄγεσθαι αὐτόθεν πρόπειράν τε ποιούμενοι εἰ σφίσι δυνατὰ εἴη τὰ ἐν τῇ Σικελίᾳ πράγματα ὑποχείρια γενέσθαι.
そしてアテナイ人は、表向きは同族関係を口実としつつも、本音では、そこからペロポネソスに穀物が運ばれないようにすることを望み、またシケリアの情勢を自分たちの支配下に置くことが可能であるかどうか、予備的な試みをすることを目論んで、船を派遣した。
§3.86.5καταστάντες οὖν ἐς Ῥήγιον τῆς Ἰταλίας τὸν πόλεμον ἐποιοῦντο μετὰ τῶν ξυμμάχων.
こうして彼らはイタリアのレギオンに基地を構え、同盟者たちとともに戦争を遂行した。
καὶ τὸ θέρος ἐτελεύτα.
そして夏が終わった。