§3.86.1τοῦ δ’ αὐτοῦ θέρους τελευτῶντος Ἀθηναῖοι εἴκοσι ναῦς ἔστειλαν ἐς Σικελίαν καὶ Λάχητα τὸν Μελανώπου στρατηγὸν αὐτῶν καὶ Χαροιάδην τὸν Εὐφιλήτου.
같은 해 여름이 끝날 무렵, 아테네인들은 시켈리아에 스무 척의 배를 보냈고, 그들의 장군으로 멜라노포스의 아들 라케스와 에우필레토스의 아들 카로이아데스를 파견했다.
§3.86.2οἱ γὰρ Συρακόσιοι καὶ Λεοντῖνοι ἐς πόλεμον ἀλλήλοις καθέστασαν.
시라쿠사인들과 레온티노이인들이 서로 전쟁 상태에 돌입했기 때문이었다.
ξύμμαχοι δὲ τοῖς μὲν Συρακοσίοις ἦσαν πλὴν Καμαριναίων αἱ ἄλλαι Δωρίδες πόλεις, αἵπερ καὶ πρὸς τὴν τῶν Λακεδαιμονίων τὸ πρῶτον ἀρχομένου τοῦ πολέμου ξυμμαχίαν ἐτάχθησαν, οὐ μέντοι ξυνεπολέμησάν γε, τοῖς δὲ Λεοντίνοις αἱ Χαλκιδικαὶ πόλεις καὶ Καμάρινα·
시라쿠사인들의 동맹국은 카마리나인들을 제외한 다른 모든 도리스인 폴리스들이었으며, 이들은 전쟁이 시작될 무렵에 라케다이몬인들의 동맹에 배치되었으나 함께 참전하지는 않았다. 반면 레온티노이인들의 동맹국은 칼키스인 폴리스들과 카마리나였다.
τῆς δὲ Ἰταλίας Λοκροὶ μὲν Συρακοσίων ἦσαν, Ῥηγῖνοι δὲ κατὰ τὸ ξυγγενὲς Λεοντίνων.
이탈리아에서는 로크로이인들이 시라쿠사인들의 편이었고, 레기온인들은 동족 관계에 따라 레온티노이인들의 편이었다.
§3.86.3ἐς οὖν τὰς Ἀθήνας πέμψαντες οἱ τῶν Λεοντίνων ξύμμαχοι κατά τε παλαιὰν ξυμμαχίαν καὶ ὅτι Ἴωνες ἦσαν πείθουσι τοὺς Ἀθηναίους πέμψαι σφίσι ναῦς·
그리하여 레온티노이인들의 동맹국들은 아테네에 사절을 보내어, 옛 동맹 관계와 자신들이 이오니아인이라는 점을 근거로 자신들에게 배를 보내달라고 아테네인들을 설득했다.
ὑπὸ γὰρ τῶν Συρακοσίων τῆς τε γῆς εἴργοντο καὶ τῆς θαλάσσης.
그들은 시라쿠사인들에 의해 토지와 바다 모두에서 차단되어 있었기 때문이다.
§3.86.4καὶ ἔπεμψαν οἱ Ἀθηναῖοι τῆς μὲν οἰκειότητος προφάσει, βουλόμενοι δὲ μήτε σῖτον ἐς τὴν Πελοπόννησον ἄγεσθαι αὐτόθεν πρόπειράν τε ποιούμενοι εἰ σφίσι δυνατὰ εἴη τὰ ἐν τῇ Σικελίᾳ πράγματα ὑποχείρια γενέσθαι.
아테네인들은 겉으로는 동족 관계를 구실로 내세웠으나, 실제로는 그곳으로부터 펠로폰네소스로 곡물이 수송되지 않기를 바랐고, 또한 시켈리아의 상황을 자신들의 지배하에 두는 것이 가능할지 예비적인 시험을 해보고자 배를 파견했다.
§3.86.5καταστάντες οὖν ἐς Ῥήγιον τῆς Ἰταλίας τὸν πόλεμον ἐποιοῦντο μετὰ τῶν ξυμμάχων.
그리하여 그들은 이탈리아의 레기온에 자리를 잡고 동맹국들과 함께 전쟁을 수행했다.
καὶ τὸ θέρος ἐτελεύτα.
그리고 여름이 끝났다.