§3.33.1ἀπὸ δὲ τῆς Ἐφέσου ὁ Ἀλκίδας ἔπλει κατὰ τάχος καὶ φυγὴν ἐποιεῖτο·
アルキダスはエペソスから急いで出帆し、逃走を図った。
ὤφθη γὰρ ὑπὸ τῆς Σαλαμινίας καὶ Παράλου ἔτι περὶ Κλάρον ὁρμῶν (αἱ δ’ ἀπ’ Ἀθηνῶν ἔτυχον πλέουσαι), καὶ δεδιὼς τὴν δίωξιν ἔπλει διὰ τοῦ πελάγους ὡς γῇ ἑκούσιος οὐ σχήσων ἄλλῃ ἢ Πελοποννήσῳ.
というのも、彼がいまだクラロス付近に停泊しているところを、サラミニア号とパラロス号（これらはちょうどアテナイから航海してきたところであった）に目撃されたからであり、追跡を恐れた彼は、ペロポネソス以外の土地には自発的に寄港しないつもりで、外洋を通って航行した。
§3.33.2τῷ δὲ Πάχητι καὶ τοῖς Ἀθηναίοις ἦλθε μὲν καὶ ἀπὸ τῆς Ἐρυθραίας ἀγγελία, ἀφικνεῖτο δὲ καὶ πανταχόθεν·
一方、パケスとアテナイ人のもとには、エリュトリア地方からも報せが届き、またあちこちからも届いていた。
ἀτειχίστου γὰρ οὔσης τῆς Ἰωνίας μέγα τὸ δέος ἐγένετο μὴ παραπλέοντες οἱ Πελοποννήσιοι, εἰ καὶ ὣς μὴ διενοοῦντο μένειν, πορθῶσιν ἅμα προσπίπτοντες τὰς πόλεις.
というのも、イオニアには城壁がなかったため、ペロポネソス人が沿岸を航行する際、たとえ留まるつもりがなかったとしても、襲撃と同時に都市を略奪するのではないかという大きな恐怖が生じたからである。
αὐτάγγελοι δ’ αὐτὸν ἰδοῦσαι ἐν τῇ Κλάρῳ ἥ τε Πάραλος καὶ ἡ Σαλαμινία ἔφρασαν.
そして、クラロスで彼を目撃したパラロス号とサラミニア号が、自ら第一報をもたらしてそのことを知らせた。
§3.33.3ὁ δὲ ὑπὸ σπουδῆς ἐποιεῖτο τὴν δίωξιν·
そこでパケスは急いで追跡を行った。
καὶ μέχρι μὲν Πάτμου τῆς νήσου ἐπεδίωξεν, ὡς δ᾽ οὐκέτι ἐν καταλήψει ἐφαίνετο, ἐπανεχώρει.
そしてパトモス島までは追跡したものの、もはや追いつけそうにないことが明らかになると、引き返した。
κέρδος δὲ ἐνόμισεν, ἐπειδὴ οὐ μετεώροις περιέτυχεν, ὅτι οὐδαμοῦ ἐγκαταληφθεῖσαι ἠναγκάσθησαν στρατόπεδόν τε ποιεῖσθαι καὶ φυλακὴν σφίσι καὶ ἐφόρμησιν παρασχεῖν.
しかし、パケスは彼らに外洋で遭遇しなかったものの、彼らの船がどこかで追い詰められて陣地を築くことを余儀なくされ、自分たちに警戒と監視の労を強いる事態にならなかったことを、幸運であると考えた。