アンドキデスの流浪の苦難と政治活動への非難｜『第六弁論アンドキデスの瀆神行為告発』§22-33（リュシアス）ギリシア語原文・日本語訳

§22

ὃς διὰ τοῦτον καὶ τὰ τούτου ἁμαρτήματα ἀπέθανεν, ἵνα μὴ μηνυτὴς γένοιτο. καίτοι πῶς οὐ θεῶν τις τὴν τούτου γνώμην διέφθειρεν,¹ ὃς ῥᾷον ἡγήσατο δεσμοῦ τιμήσασθαι ἢ ἀργυρίου² ἐπʼ ἐλπίδι τῇ αὐτῇ;

彼は、この男とこの男の過ちのゆえに、告発者とならないようにと殺されたのである。それにしても、神々の誰かがこの男の心を狂わせたのではないと、どうして言えようか。同じ期待を抱きながら、罰として金を申し出るよりも監禁を申し出る方が容易であると彼は考えたのだから。

§23

ἐκ δʼ οὖν τούτου τοῦ τιμήματος ἐδέδετο ἐγγὺς ἐνιαυτόν, καὶ ἐμήνυσε δεδεμένος κατὰ τῶν αὑτοῦ συγγενῶν καὶ φίλων, ἀδείας δοθείσης αὐτῷ, εἰ δόξειε³ τἀληθῆ μηνῦσαι. καὶ τίνα αὐτὸν δοκεῖτε ψυχὴν ἔχειν, ὁπότε τὰ μὲν ἔσχατα καὶ τὰ αἴσχιστα ἐποίει μηνύων κατὰ τῶν ἑαυτοῦ φίλων, ἡ δὲ σωτηρία ἀφανὴς αὐτῷ;

こうして、この自己申し出の刑により、彼は一年近く拘束され、縛られたまま、もし真実を告発したと認められれば免責されるという条件で、自らの親族や友人たちを告発した。自らの友人たちを告発するという最も極端で最も不名誉なことを行い、しかも自己の救済が不確かに見えていたとき、彼がどのような心境であったと諸君は思うか。

§24

μετὰ δὲ ταῦτα, ἐπειδὴ ἀπεκτονὼς ἦν οὓς αὐτὸς ἔφη περὶ πλείστου ποιεῖσθαι, ἔδοξε τἀληθῆ μηνῦσαι καὶ ἐλύθη, καὶ προσεψηφίσασθε ὑμεῖς αὐτὸν εἴργεσθαι τῆς ἀγορᾶς καὶ τῶν ἱερῶν, ὥστε μηδʼ ἀδικούμενον ὑπὸ τῶν ἐχθρῶν δύνασθαι δίκην λαβεῖν.⁴

その後、自分が最も重んじていると称していた人々を死に至らしめたとき、彼は真実を告発したと認められて釈放された。そして諸君は、彼が広場や神殿から排除されるよう追加の決議を行った。そのため、彼は敵から害を被っても裁判で正義を求めることさえできなくなったのである。

§25

οὐδεὶς γάρ πω, ἐξ ὅσου Ἀθῆναι ἀείμνηστοί εἰσιν, ἐπὶ τοιαύτῃ αἰτίᾳ ἠτιμώθη. δικαίως· οὐδὲ γὰρ ἔργα τοιαῦτα οὐδείς πω εἰργάσατο. καὶ τούτων πότερα τοὺς θεοὺς χρὴ ἢ τὸ αὐτόματον αἰτιᾶσθαι;

アテナイが記憶されて以来、このような理由で市民権を奪われた者は誰もいない。当然のことである。これほど恐るべき行為をなした者もかつていなかったのだから。そして、これらについて、神々のせいにすべきか、それとも偶然のせいにすべきか。

§26

μετὰ δὲ ταῦτα ἔπλευσεν ὡς τὸν Κιτιῶν βασιλέα, καὶ προδιδοὺς ληφθεὶς ὑπʼ αὐτοῦ ἐδέθη, καὶ οὐ μόνον τὸν θάνατον ἐφοβεῖτο ἀλλὰ καὶ τὰ καθʼ ἡμέραν αἰκίσματα, οἰόμενος τὰ ἀκρωτήρια ζῶντος ἀποτμηθήσεσθαι.

その後、彼はキティオンの王のもとへ航海したが、裏切りを企てているところを王に捕らえられて拘束された。彼は死を恐れただけでなく、毎日拷問されることも恐れ、生きながら手足を切断されるだろうと考えていた。

§27

ἀποδρὰς δὲ ἐκ τούτου τοῦ κινδύνου κατέπλευσεν εἰς τὴν ἑαυτοῦ πόλιν ἐπὶ τῶν τετρακοσίων· τοσαύτην γὰρ ὁ θεὸς λήθην ἔδωκεν, ὥστε εἰς τοὺς ἠδικημένους αὐτοὺς ἐπεθύμησεν ἀφικέσθαι. ἀφικόμενος δὲ ἐδέθη καὶ ᾐκίσθη, ἀπώλετο δὲ οὐχί, ἀλλʼ ἐλύθη.

この危険から逃れると、彼は四百人政治の時代に自らの都市へと入港した。神がそれほど大きな忘却を与えたので、彼は害をなした当事者たちのもとに自ら戻ることを望んだのである。しかし、到着すると彼は拘束され、虐待された。死にはしなかったものの、釈放された。

§28

ἔνθεν δὲ ἔπλευσεν ὡς Εὐαγόραν τὸν Κύπρου βασιλεύοντα, καὶ ἀδικήσας εἵρχθη. ἀποδρὰς δὲ καὶ τοῦτον ἔφευγε μὲν τοὺς ἐνθάδε θεούς, ἔφευγε δὲ τὴν ἑαυτοῦ πόλιν, ἔφευγε δὲ εἰς οὓς τὸ πρῶτον ἀφίκοιτο τόπους. καίτοι τίς χάρις τῷ βίω, κακοπαθεῖν μὲν πολλάκις, ἀναπαύσασθαι δὲ μηδέποτε;

そこから、彼はキプロスを支配していたエウアゴラスのもとへ航海したが、そこでも不正を行って投獄された。この者からも逃亡すると、彼はこの地の神々から逃れ、自らの都市から逃れ、かつて最初に到着した場所へと逃れて行った。しかし、しばしば苦難を被り、決して休息を得ることがない人生に、何の喜びがあろうか。

§29

καταπλεύσας δὲ ἐκεῖθεν δεῦρο εἰς δημοκρατίαν τοῖς μὲν πρυτάνεσιν ἔδωκε χρήματα, ἵνα αὐτὸν προσαγάγοιεν ἐνθάδε, ὑμεῖς δʼ αὐτὸν ἐξηλάσατε ἐκ τῆς πόλεως, τοῖς θεοῖς βεβαιοῦντες τοὺς νόμους οὓς ἐψηφίσασθε.

そこから民主政下のアテナイに船で戻ると、彼は民衆の前に自分を連れて行ってもらうために、プリュタネイスに金を与えたが、諸君は彼を都市から追放し、神々のために諸君が議決した法律を確固たるものとした。

§30

καὶ τὸν ἄνδρα οὐ δῆμος, οὐκ ὀλιγαρχία, οὐ τύραννος, οὐ πόλις ἐθέλει δέξασθαι διὰ τέλους, ἀλλὰ πάντα τὸν χρόνον, ἐξ ὅσου ἠσέβησεν, ἀλώμενος διάγει, πιστεύων ἀεὶ μᾶλλον τοῖς ἀγνῶσι τῶν γνωρίμων διὰ τὸ ἠδικηκέναι οὓς γιγνώσκει.⁵ τὸ δὲ τελευταῖον νῦν ἀφικόμενος εἰς τὴν πόλιν δὶς ἐν τῷ αὐτῷ ἐνδέδεικται.

そして、この男を民主政も、寡頭政も、僭主も、いかなる都市も最後まで受け入れようとはせず、不敬を働いて以来、彼は常に放浪して過ごしている。自分が知っている人々に対して不正を行ったために、知人よりも見知らぬ者を常に信頼しているのである。そして最後には、今、都市に到着して、同じ罪で二度も告発された。

§31

καὶ τὸ μὲν σῶμα ἀεὶ ἐν δεσμοῖς ἔχει, ἡ δὲ οὐσία αὐτοῦ ἐλάττων ἐκ τῶν κινδύνων γίγνεται. καίτοι ὅταν τις τὸν αὑτοῦ βίον τοῖς ἐχθροῖς καὶ τοῖς συκοφάνταις διανέμῃ, τοῦτʼ ἔστι τὸ ζῆν βίον ἀβίωτον. ἃ τούτῳ ὁ θεὸς οὐκ ἐπὶ σωτηρία ἐπινοεῖν δίδωσιν, ἀλλὰ τιμωρούμενος τῶν γεγενημένων ἀσεβημάτων.

そして、彼の身体は常に拘束され、彼の財産は危険のゆえに減少している。それにしても、自らの資産を敵や密告者たちに分け与えねばならないとき、それこそが生きるに値しない人生を生きることである。神がこれらのことを彼に思いつかせているのは、彼の救済のためではなく、かつてなされた不敬罪を処罰するためである。

§32

τὸ δὲ τελευταῖον νυνὶ παραδέδωκεν αὑτὸν ὑμῖν χρῆσθαι ὅ τι ἂν βούλησθε, οὐ τῷ μὴ ἀδικεῖν πιστεύων, ἀλλʼ ὑπὸ δαιμονίου τινὸς ἀγόμενος ἀνάγκης. οὔκουν χρὴ μὰ τὸν Δία οὔτε πρεσβύτερον ὄντα οὔτε νεώτερον, ὁρῶντας Ἀνδοκίδην ἐκ τῶν κινδύνων σῳζόμενον, συνειδότας αὐτῷ ἔργα ἀνόσια εἰργασμένῳ, ἀθεωτέρους γίγνεσθαι, ἐνθυμουμένους ὅτι ἥμισυς ὁ βίος βιῶναι κρείττων ἀλύπως ἐστὶν ἢ διπλάσιος λυπουμένῳ,⁶ ὥσπερ οὗτος.

そして最後には、今、彼は諸君が望むように処分させるべく身を委ねたが、それは自分が不正を行っていないと信じているからではなく、何か神的な必然性によって導かれているからである。それゆえ、ゼウスにかけて、年長者であれ年少者であれ、アンドキデスが危険から救われるのを見たり、彼が不敬な行為を働いたことを知りながら、神々を信じなくなるようなことがあってはならない。悲しみなしに人生の半分を生きる方が、彼のように苦しみながら二倍の長さを生きるよりも優れているということを、心に留めるべきである。

§33

εἰς τοσοῦτον δὲ ἀναισχυντίας ἀφῖκται, ὥστε καὶ παρασκευάζεται τὰ πολιτικὰ πράττειν καὶ ἤδη δημηγορεῖ καὶ ἐπιτιμᾷ καὶ ἀποδοκιμάζει τῶν ἀρχόντων τισί. καὶ συμβουλεύει τὴν βουλὴν εἰσιὼν περὶ θυσιῶν καὶ προσόδων καὶ εὐχῶν καὶ μαντειῶν. καίτοι τούτῳ πειθόμενοι ποίοις θεοῖς ἡγήσεσθε κεχαρισμένα ποιεῖν; μὴ γὰρ οἴεσθε, ὦ ἄνδρες δικασταί, εἰ ὑμεῖς βούλεσθε τὰ τούτῳ πεποιημένα ἐπιλαθέσθαι, καὶ τοὺς θεοὺς ἐπιλήσεσθαι.

彼はこれほどまでに無恥であり、政治活動を行う準備をし、すでに民衆の前で演説し、非難し、役人の一部を不適格と判定している。また、評議会に入って犠牲式や収入、祈りや神託について助言している。それにしても、この男に従うことで、諸君はいったいどの神々に喜ばれることを行っていると思うのだろうか。裁判員の皆さん、もし諸君が彼の行ったことを忘れたいと望むとしても、神々までもが忘れるだろうなどと考えてはならない。

構文注6 件

22πῶς οὐ θεῶν τις τὴν τούτου γνώμην διέφθειρεν
疑問詞 πῶς と否定辞 οὐ が組み合わさることで、「神々の誰かが彼の心を狂わせたのではないと、どうして言えようか（＝いや、神々の誰かが彼の心を狂わせたに違いない）」という、反語による強い肯定の意を表す。
22δεσμοῦ τιμήσασθαι ἢ ἀργυρίου
動詞 τιμάομαι が属格（δεσμοῦ, ἀργυρίου）を伴って、「自己の刑罰として〜を申し出る」という法廷の専門的意味で用いられている。ἢ（〜よりも）が比較級の副詞 ῥᾷον（より容易に）を受けて比較の基準を示している。
23ἀδείας δοθείσης αὐτῷ, εἰ δόξειε
独立属格 ἀδείας δοθείσης（免責が与えられた上で）に、条件節 εἰ δόξειε（もし〜と認められれば、希求法過去）が伴っている。これは、過去の時点における未来の仮定条件「もし真実を告発したと判定されるならば、免責が与えられる」という関係を表している。
24ὥστε μηδʼ ἀδικούμενον ὑπὸ τῶν ἐχθρῶν δύνασθαι δίκην λαβεῖν
ὥστε に導かれる結果節であり、不定詞 δύνασθαι の意味上の主語は αὐτόν（アンドキデス）。分詞 ἀδικούμενον はここでは譲歩（たとえ〜を被ったとしても）または条件の意味で不定詞を修飾している。
30διὰ τὸ ἠδικηκέναι οὓς γιγνώσκει
原因を表す前置詞 διὰ に名詞化された完了不定詞 τὸ ἠδικηκέναι が続いている。関係詞 οὓς（〜な人々）の先行詞である τούτους は省略されている。
32ἥμισυς ὁ βίος βιῶναι κρείττων ἀλύπως ἐστὶν ἢ διπλάσιος λυπουμένῳ
βιῶναι（生きること）は、比較級の形容詞 κρείττων を意味的に修飾・限定する説明的不定詞（epexegetic infinitive）。διπλάσιος には βίος が省略されており、λυπουμένῳ は彼（アンドキデス）に同調する与格の現在分詞。

翻訳：Gemini 3.5 Flash（2026-05-22 公開）・修正履歴（1 件・最終 2026-09-21）

2026-09-21 AI校閲 — 訳文 1 件

urn:cts:greekLit:tlg0540.tlg006.humanitext-grc2:22-33

第六弁論 アンドキデスの瀆神行為告発

第六弁論アンドキデスの瀆神行為告発