四百人政権の崩壊と三十人政権の樹立｜『アテナイ人の国制』§32-34（アリストテレス）ギリシア語原文・日本語訳

§32

XXXII. οἱ μὲν οὖν ἑκατὸν οἱ ὑπὸ τῶν πεντακισχιλίων αἱρεθέντες ταύτην ἀνέγραψαν τὴν πολιτείαν. ἐπικυρωθέντων δὲ τούτων ὑπὸ τοῦ πλήθους, ἐπιψηφίσαντος Ἀριστομάχου, ἡ μὲν βουλὴ <ἡ> ἐπὶ Καλλίου πρὶν διαβουλεῦσαι κατελύθη¹ μηνὸς Θαργηλιῶνος τετράδι ἐπὶ δέκα, οἱ δὲ τετρακόσιοι εἰσῄεσαν ἐνάτῃ φθίνοντος Θαργηλιῶνος. ἔδει δὲ τὴν εἰληχυῖαν τῷ κυάμῳ βουλὴν εἰσιέναι δ᾿ ἐπὶ δέκα Σκιροφοριῶνος. ἡ μὲν οὖν ὀλιγαρχία τοῦτον κατέστη τὸν τρόπον ἐπὶ Καλλίου μὲν ἄρχοντος, ἔτεσιν δ’ ὕστερον τῆς τῶν τυράννων ἐκβολῆς μάλιστα ἑκατόν, αἰτίων μάλιστα γενομένων Πεισάνδρου καὶ Ἀντιφῶντος καὶ Θηραμένους, ἀνδρῶν καὶ γεγενημένων εὖ καὶ συνέσει καὶ γνώμῃ δοκούντων διαφέρειν. γενομένης | δὲ ταύτης τῆς πολιτείας οἱ μὲν πεντακισχίλιοι λόγῳ μόνον ᾑρέθησαν, οἱ δὲ τετρακόσιοι μετὰ τῶν δέκα τῶν αὐτοκρατόρων εἰσελθόντες εἰς τὸ βουλευτήριον ἦρχον τῆς πόλεως, καὶ πρὸς Λακεδαιμονίους πρεσβευσάμενοι κατελύοντο τὸν πόλεμον ἐφ’ οἷς ἑκάτεροι τυγχάνουσιν ἔχοντες.² οὐχ ὑπακουόντων δ’ ἐκείνων εἰ μὴ καὶ τὴν ἀρχὴν τῆς θαλάττης ἀφήσουσιν, οὕτως ἀπέστησαν.

XXXII. 五千人によって選出された百人の者たちは、この政体を書き上げた。しかし、これらが民衆によって承認され、アリストマコスが採決に付すと、カリアス（のアーコン期）の評議会は任期を全うすることなくタルゲリオン月14日に解散され、四百人はタルゲリオン月下旬の9日に就任した。本来なら、抽選で選ばれていた評議会がスキロフォリオン月14日に就任すべきであった。こうして寡頭制は、カリアスがアーコンの時に、僭主たちの追放からおよそ百年後に樹立された。主な首謀者となったのはペイサンドロス、アンティポン、テラメネスであり、彼らは家柄も良く、知性と判断力において優れているとみなされていた人々であった。しかし、この政体が成立すると、五千人は名目上選出されただけであり、四百人は十人の全権官とともに評議場に入って国家を支配した。そしてラケダイモン人たちに使節を送って、双方が現在所有している現状を維持する条件で戦争を終結させようとした。しかし、彼らが海上覇権をも放棄するのでなければ和平に従わなかったため、彼らは交渉を断念した。

§33

XXXIII. μῆνας μὲν οὖν ἴσως τέτταρας διέμεινεν ἡ τῶν τετρακοσίων πολιτεία, καὶ ἦρξεν ἐξ αὐτῶν Μνασίλοχος δίμηνον ἐπὶ Θεοπόμπου ἄρχοντος, <ὃς> ἦρξε τοὺς ἐπιλοίπους δέκα μῆνας. ἡττηθέντες δὲ τῇ περὶ Ἐρέτριαν ναυμαχίᾳ καὶ τῆς Εὐβοίας ἀποστάσης ὅλης πλὴν Ὠρεοῦ, χαλεπῶς ἐνεγκόντες ἐπὶ τῇ συμφορᾷ μάλιστα τῶν προγεγενημένων (πλείω γὰρ ἐκ τῆς Εὐβοίας ἢ τῆς Ἀττικῆς ἐτύγχανον ὠφελούμενοι) κατέλυσαν τοὺς τετρακοσίους καὶ τὰ πράγματα παρέδωκαν τοῖς πεντακισχιλίοις τοῖς ἐκ τῶν ὅπλων, ψηφισάμενοι μηδεμίαν ἀρχὴν εἶναι μισθοφόρον. αἰτιώτατοι δ’ ἐγένοντο τῆς καταλύσεως Ἀριστοκράτης καὶ Θηραμένης, οὐ συναρεσκόμενοι τοῖς ὑπὸ τῶν τετρακοσίων γιγνομένοις· ἅπαντα γὰρ δι’ αὑτῶν ἔπραττον, οὐδὲν ἐπαναφέροντες τοῖς πεντακισχιλίοις. δοκοῦσι δὲ καλῶς πολιτευθῆναι κατὰ τούτους τοὺς καιρούς, πολέμου τε καθεστῶτος καὶ ἐκ τῶν ὅπλων τῆς πολιτείας οὔσης.

XXXIII. こうして、四百人の政体はおよそ四ヶ月間存続した。彼らのうちムナシロコスが、テオポンポスがアーコンであった年に二ヶ月間アーコンを務め、テオポンポスが残りの十ヶ月間を務めた。しかし彼らはエレトリア近海の海戦で敗北し、オレオスを除くエウボイア全体が離反したため、これまでのあらゆる災難の中でもとりわけこの災難を重く受け止め（なぜなら彼らはアッティカからよりもエウボイアからのほうが、より多くの便益を得ていたからである）、四百人を解体して実権を武装した五千人に引き渡した。その際、いかなる官職も有給としてはならないと議決した。この解体の最大の原因となったのはアリストクラテスとテラメネスであり、彼らは四百人によって行われていることに不満を抱いていた。というのも、彼らはすべてを自分たちだけで行い、五千人には何も諮らなかったからである。また、彼らはこの時期、戦争が継続中であり、政体が武装した者たちに基づいていたため、優れた国政を行ったと考えられている。

§34

XXXIV. τούτους μὲν οὖν ἀφείλετο τὴν πολιτείαν ὁ δῆμος διὰ τάχους· ἔτει δ’ ἑβδόμῳ μετὰ τὴν τῶν τετρακοσίων κατάλυσιν, ἐπὶ Καλλίου τοῦ Ἀγγελῆθεν ἄρχοντος, γενομένης τῆς ἐν Ἀργινούσσαις ναυμαχίας, πρῶτον μὲν τοὺς δέκα στρατηγοὺς τοὺς τῇ ναυμαχίᾳ νικῶντας συνέβη κριθῆναι μιᾷ χειροτονίᾳ πάντας, τοὺς μὲν οὐδὲ συνναυμαχήσαντας, τοὺς δ’ ἐπ’ ἀλλοτρίας νεὼς σωθέντας, ἐξαπατηθέντος τοῦ δήμου διὰ τοὺς παροργίσαντας· ἔπειτα βουλομένων Λακεδαιμονίων ἐκ Δεκελείας ἀπιέναι καὶ ἐφ’ οἷς ἔχουσιν ἑκάτεροι εἰρήνην ἄγειν ἔνιοι μὲν ἐσπούδαζον, τὸ δὲ πλῆθος | οὐχ ὑπήκουσεν ἐξαπατηθέντες ὑπὸ Κλεοφῶντος, ὃς ἐκώλυσε γενέσθαι τὴν εἰρήνην ἐλθὼν εἰς τὴν ἐκκλησίαν μεθύων καὶ θώρακα ἐνδεδυκώς, οὐ φάσκων ἐπιτρέψειν, ἐὰν μὴ πάσας ἀφιῶσι Λακεδαιμόνιοι τὰς πόλεις. οὐ χρησάμενοι δὲ καλῶς τότε τοῖς πράγμασι μετ’ οὐ πολὺν χρόνον ἔγνωσαν τὴν ἁμαρτίαν. τῷ γὰρ ὕστερον ἔτει ἐπ’ Ἀλεξίου ἄρχοντος ἠτύχησαν τὴν ἐν Αἰγὸς ποταμοῖς ναυμαχίαν, ἐξ ἧς συνέβη κύριον γενόμενον τῆς πόλεως Λύσανδρον καταστῆσαι τοὺς τριάκοντα τρόπῳ τοιῷδε. τῆς εἰρήνης γενομένης αὐτοῖς ἐφ’ ᾧ τε πολιτεύσονται³ τὴν πάτριον πολιτείαν, οἱ μὲν δημοτικοὶ διασῴζειν ἐπειρῶντο τὸν δῆμον, τῶν δὲ γνωρίμων οἱ μὲν ἐν ταῖς ἑταιρείαις ὄντες καὶ τῶν φυγάδων οἱ μετὰ τὴν εἰρήνην κατελθόντες ὀλιγαρχίας ἐπεθύμουν, οἱ δ’ ἐν ἑταιρείᾳ μὲν οὐδεμιᾷ συγκαθεστῶτες [ἄ]λλως δὲ δοκοῦντες οὐδενὸς ἐπιλείπεσθαι τῶν πολιτῶν τὴν πάτριον πολιτείαν ἐζήτουν· ὧν ἦν μὲν καὶ Ἀρχῖνος καὶ Ἄνυτος καὶ Κλειτοφῶν καὶ Φορμίσιος καὶ ἕτεροι πολλοί, προειστήκει δὲ μάλιστα Θηραμένης. Λυσάνδρου δὲ προσθεμένου τοῖς ὀλιγαρχικοῖς καταπλαγεὶς ὁ δῆμος ἠναγκάσθη χειροτονεῖν τὴν ὀλιγαρχίαν. ἔγραψε δὲ τὸ ψήφισμα Δρακοντίδης Ἀφιδναῖος.

XXXIV. しかし、民衆は彼らからすぐに政体を奪い返した。四百人の解体から7年目、アンゲレ出身のカリアスがアーコンの時に、アルギヌサイの海戦が起こると、まず、海戦で勝利した十人の将軍全員が、一括の挙手投票によって裁かれる事態となった。その中には、海戦に実際には参加さえしていなかった者もいれば、他の船によって救助された者もいたが、怒りを煽り立てた者たちによって民衆が欺かれたためであった。その後、ラケダイモン人たちがデケレイアから撤退し、双方が現状維持の条件で和平を結ぶことを望んだとき、一部の人々は熱心にそれを求めたが、民衆は従わなかった。彼らはクレオポンによって欺かれたのである。彼は、酔っ払って胸当てを着けた姿で民会に現れ、ラケダイモン人がすべての都市を手放さない限りは容認しないと言い張って、和平が成立するのを妨げた。当時、状況を適切に扱わなかったため、彼らは間もなく自分たちの過ちを思い知ることになった。すなわち、翌年、アレクシアスがアーコンの時に、彼らはアイゴス・ポタモイの海戦で敗北を喫し、その結果、都市の支配権を握ったリュサンドロスが、次のような方法で「三十人」を樹立するに至ったのである。祖宗の政体に従って統治を行うという条件で和平が結ばれると、民主派は民主政を維持しようと努めたが、名士たちのうち、秘密結社に属していた者たちや、和平後に帰国した亡命者たちは、寡頭政を望んだ。しかし、いかなる結社にも加わっておらず、しかも他の市民に劣らないとみなされていた者たちは、祖宗の政体を求めた。これらの人々の中には、アルキノス、アニュトス、クレイトポン、ポルミシオス、その他多くの人々がいたが、とりわけテラメネスがその指導的立場にあった。しかし、リュサンドロスが寡頭派に味方したため、民衆は畏怖し、寡頭政に賛成挙手することを余儀なくされた。この民会決議を起草したのはアピドナイ出身のドラコンティデスであった。

構文注3 件

32.1διαβουλεῦσαι κατελύθη
不定詞 διαβουλεῦσαι（アオリスト）は、ここでは「最後まで（任期を）審議し終えること」を意味し、受動態動詞 κατελύθη（解散された）と組み合わさることで、「任期を満了することなく解散された」という否定的なニュアンスを表す。
32.3ἐφ’ οἷς ἐκάτεροι τυγχάνουσιν ἔχοντες
前置詞句 ἐφ' οἷς（〜の条件で）に、τυγχάνω ＋分詞（実際〜している）の慣用表現が結びついた構文。「双方が現在実際に所有している（現状維持の）条件で」という和平交渉の条件を示す。
34.3ἐφ’ ᾧ τε πολιτεύσονται
ἐφ' ᾧ（または ἐφ' ᾧ τε）に未来直説法（πολιτεύσονται）が続くことで、「〜という条件で」という強い条件を表す古典期の標準的な慣用句表現である。

翻訳：Gemini 3.5 Flash（2026-05-22 公開）・修正履歴（71 件・最終 2026-10-12）

2026-10-12 AI校閲 — 訳文 1 件
2026-10-12 底本との照合 — 原文 1 件
2026-10-11 底本との照合 — 原文 66 件
2026-09-21 AI校閲 — 原文 3 件

urn:cts:greekLit:tlg0086.tlg003.humanitext-grc1:32-34