ピュタゴラスの出自と放浪および魂の転生｜『ギリシア哲学者列伝』§8.1.1-8.1.6（ディオゲネス・ラエルティオス）ギリシア語原文・日本語訳

Ἐπειδὴ δὲ τὴν Ἰωνικὴν φιλοσοφίαν τὴν ἀπὸ Θαλοῦ καὶ τοὺς ἐν ταύτῃ διαγενομένους ἄνδρας ἀξιολόγους διεληλύθαμεν, φέρε καὶ περὶ τῆς Ἰταλικῆς διαλάβωμεν, ἧς ἦρξε Πυθαγόρας Μνησάρχου δακτυλιογλύφου, ὥς φησιν Ἕρμιππος, Σάμιος ἤ, ὡς Ἀριστόξενος, Τυρρηνὸς ἀπὸ μιᾶς τῶν νήσων ἃς ἔσχον Ἀθηναῖοι Τυρρηνοὺς ἐκβαλόντες. ἔνιοι δʼ υἱὸν μὲν εἶναι¹ Μαρμάκου τοῦ Ἱππάσου τοῦ Εὐθύφρονος τοῦ Κλεωνύμου φυγάδος ἐκ Φλιοῦντος, οἰκεῖν δʼ ἐν Σάμῳ τὸν Μάρμακον, ὅθεν Σάμιον τὸν Πυθαγόραν λέγεσθαι·

タレスに始まるイオニア学派の哲学と、その学派において現れた名だたる人々について検討し終えたので、さあ、イタリア学派についても論述することにしよう。その創始者は、ヘルミッポスが述べるように、指輪彫刻師ムネサルコスの息子ピュタゴラスであり、サモス人、あるいはアリストクセノスが言うように、アテナイ人がテュッレニア人を追放して領有した島の一つから出たテュッレニア人であった。だが、一部の人々は彼がフリオウスからの亡命者クレオニュモスの息子のエウテュプロンの息子のヒッパソスの息子マルマコスの息子であり、このマルマコスがサモスに住んでいたため、ピュタゴラスがサモス人と呼ばれるのだと述べている。

συστῆναι δʼ εἰς Λέσβον ἐλθόντα Φερεκύδῃ ὑπὸ Ζωίλου τοῦ θείου. καὶ τρία ποτήρια κατασκευασάμενος ἀργυρᾶ δῶρον ἀπήνεγκεν ἑκάστῳ τῶν ἱερέων εἰς Αἴγυπτον. ἔσχε δʼ ἀδελφούς, πρεσβύτερον μὲν Εὔνομον, μέσον δὲ Τυρρηνόν· καὶ δοῦλον Ζάμολξιν, ᾧ Γέται θύουσι, Κρόνον νομίζοντες, ὥς φησιν Ἡρόδοτος. οὗτος ἤκουσε μέν, καθὰ προείρηται, Φερεκύδου τοῦ Συρίου· μετὰ δὲ τὴν ἐκείνου τελευτὴν ἧκεν εἰς Σάμον καὶ ἤκουσεν Ἑρμοδάμαντος τοῦ ἀπογόνου Κρεωφύλου, ἤδη πρεσβυτέρου. νέος δʼ ὢν καὶ φιλομαθὴς ἀπεδήμησε τῆς πατρίδος καὶ πάσας ἐμυήθη τάς θʼ Ἑλληνικὰς καὶ βαρβαρικὰς τελετάς.

また彼はレスボス島に赴き、叔父のゾイロスによってペレキュデスに紹介されたという。そして彼は三つの銀の杯を作らせ、エジプトにおいて神官たちの各人に贈り物として持参した。彼には兄弟がおり、兄はエウノモス、次男はテュッレノスであった。またザモルクシスという奴隷もいたが、ヘロドトスが言うように、ゲタイ人は彼をクロノスとみなして生贄を捧げている。このピュタゴラスは、すでに述べられたように、シロス島のペレキュデスに師事した。だが彼の死後サモスへ行き、すでに高齢であったクレオピュロスの末裔ヘルモダマスに師事した。若くして学問を愛していた彼は祖国を離れ、ギリシア人および異民族のあらゆる密儀に入門した。

ἐγένετʼ οὖν ἐν Αἰγύπτῳ, ὁπηνίκα καὶ Πολυκράτης αὐτὸν Ἀμάσιδι συνέστησε διʼ ἐπιστολῆς· καὶ ἐξέμαθε τὴν φωνὴν αὐτῶν, καθά φησιν Ἀντιφῶν ἐν τῷ Περὶ τῶν ἐν ἀρετῇ πρωτευσάντων, καὶ παρὰ Χαλδαίοις ἐγένετο καὶ Μάγοις. εἶτʼ ἐν Κρήτῃ σὺν Ἐπιμενίδῃ κατῆλθεν εἰς τὸ Ἰδαῖον ἄντρον, ἀλλὰ καὶ ἐν Αἰγύπτῳ εἰς τὰ ἄδυτα· καὶ τὰ περὶ θεῶν ἐν ἀπορρήτοις ἔμαθεν. εἶτʼ ἐπανῆλθεν εἰς Σάμον, καὶ εὑρὼν τὴν πατρίδα τυραννουμένην ὑπὸ Πολυκράτους, ἀπῆρεν εἰς Κρότωνα τῆς Ἰταλίας· κἀκεῖ νόμους θεὶς τοῖς Ἰταλιώταις ἐδοξάσθη σὺν τοῖς μαθηταῖς, οἳ πρὸς τοὺς τριακοσίους ὄντες ᾠκονόμουν ἄριστα τὰ πολιτικά, ὥστε σχεδὸν ἀριστοκρατίαν εἶναι τὴν πολιτείαν.

かくして彼はエジプトに赴いたが、このときポリクラテスも書簡によって彼をアマシスに紹介した。そして彼は、『徳において卓越した人々について』のなかでアンティポンが述べるように、彼らの言語を学び尽くし、またカルデア人やマゴスたちのところにも赴いた。それからクレタ島でエピメニデスとともにイダイオン洞窟へ降り、さらにエジプトでは至聖所へと降り、神々に関する事柄を秘儀のうちに学んだ。それからサモスへ戻ったが、祖国がポリクラテスによって僭主支配されているのを知ると、イタリアのクロトンへと去った。そして現地で南イタリア諸都市の住民たちのために法律を制定して名声を博し、弟子たちとともに崇敬された。約三百名いた弟子たちは国政を実に見事に治めたので、その国制はほとんど貴族政であった。

Τοῦτόν φησιν Ἡρακλείδης ὁ Ποντικὸς περὶ αὑτοῦ τάδε λέγειν, ὡς εἴη ποτὲ γεγονὼς Αἰθαλίδης καὶ Ἑρμοῦ υἱὸς νομισθείη· τὸν δὲ Ἑρμῆν εἰπεῖν αὐτῷ² ἑλέσθαι ὅ τι ἂν βούληται πλὴν ἀθανασίας. αἰτήσασθαι οὖν ζῶντα καὶ τελευτῶντα μνήμην ἔχειν τῶν συμβαινόντων. ἐν μὲν οὖν τῇ ζωῇ πάντων διαμνημονεῦσαι· ἐπεὶ δὲ ἀποθάνοι, τηρῆσαι τὴν αὐτὴν μνήμην. χρόνῳ δʼ ὕστερον εἰς Εὔφορβον ἐλθεῖν καὶ ὑπὸ Μενέλεω τρωθῆναι. ὁ δʼ Εὔφορβος ἔλεγεν ὡς Αἰθαλίδης ποτὲ γεγόνοι καὶ ὅτι παρʼ Ἑρμοῦ τὸ δῶρον λάβοι καὶ τὴν τῆς ψυχῆς περιπόλησιν, ὡς περιεπολήθη καὶ εἰς ὅσα φυτὰ καὶ ζῷα παρεγένετο καὶ ὅσα ἡ ψυχὴ ἐν Ἅιδῃ ἔπαθε καὶ αἱ λοιπαὶ τίνα ὑπομένουσιν.

ポントスのヘラクレイデスが言うには、ピュタゴラスは自身について次のように語っていたという。すなわち、かつて彼はアイタリデスとして生まれ、ヘルメスの息子と見なされていた。ヘルメスは彼に、不死を除いて欲するものは何でも選ぶようにと言った。そこで彼は、生きているときも死ぬときも起こる出来事の記憶を保持し続けることを求めた。かくして彼は生きている間はあらゆることを完全に記憶し、死んでからも同一の記憶を保持したという。それから後のあるとき、彼はエウポルボスとなって現れ、メネラオスによって傷を負わされた。エウポルボスは自分がかつてアイタリデスであったこと、ヘルメスからその贈り物を受けたこと、そして魂の周回、すなわち魂がどのように巡り、いかに多くの植物や動物に入り込んだか、魂が冥府で何を経験し、残りの魂がいかなる苦難に耐えているかを語っていたという。

ἐπειδὴ δὲ Εὔφορβος ἀποθάνοι, μεταβῆναι τὴν ψυχὴν αὐτοῦ εἰς Ἑρμότιμον, ὃς καὶ αὐτὸς πίστιν θέλων δοῦναι εἶτʼ ἀνῆλθεν εἰς Βραγχίδας καὶ εἰσελθὼν εἰς τὸ τοῦ Ἀπόλλωνος ἱερὸν ἐπέδειξεν ἣν Μενέλαος ἀνέθηκεν ἀσπίδα, (ἔφη γὰρ αὐτόν, ὅτʼ ἀπέπλει ἐκ Τροίας, ἀναθεῖναι τῷ Ἀπόλλωνι τὴν ἀσπίδα,) διασεσηπυῖαν ἤδη, μόνον δὲ διαμένον τὸ ἐλεφάντινον πρόσωπον³. ἐπειδὴ δʼ Ἑρμότιμος ἀπέθανε, γενέσθαι Πύρρον τὸν Δήλιον ἁλιέα· καὶ πάντα πάλιν μνημονεύειν, πῶς πρόσθεν Αἰθαλίδης, εἶτʼ Εὔφορβος, εἶτα Ἑρμότιμος, εἶτα Πύρρος γένοιτο. ἐπειδὴ δὲ Πύρρος ἀπέθανε, γενέσθαι Πυθαγόραν καὶ πάντων τῶν εἰρημένων μεμνῆσθαι.

そしてエウポルボスが死ぬと、その魂はヘルモティモスへと移った。このヘルモティモス自身も確証を与えようと欲し、ブランキダイへと赴き、アポロンの神殿に入って、メネラオスが奉納した盾を指し示した（彼が言うには、メネラオスがトロイアから出航する際にアポロンにこの盾を奉納したとのことである）。その盾はすでに腐食していたが、象牙の面だけが残っていた。そしてヘルモティモスが死ぬと、デロスの漁師ピュロスとなった。そして彼は再びすべてを、かつて自分がどのようにアイタリデスとなり、次いでエウポルボス、次いでヘルモティモス、次いでピュロスとなったかを記憶していた。そしてピュロスが死ぬと、ピュタゴラスとなり、述べられたこれらすべてのことを記憶していたという。

Ἔνιοι μὲν οὖν Πυθαγόραν μηδὲ ἓν καταλιπεῖν σύγγραμμά φασιν παίζοντες. Ἡράκλειτος γοῦν ὁ φυσικὸς μονονουχὶ κέκραγε καί φησι· Πυθαγόρης Μνησάρχου ἱστορίην ἤσκησεν ἀνθρώπων μάλιστα πάντων καὶ ἐκλεξάμενος ταύτας τὰς συγγραφὰς ἐποιήσατο ἑαυτοῦ σοφίην, πολυμαθείην, κακοτεχνίην. οὕτω δʼ εἶπεν, ἐπειδήπερ ἐναρχόμενος ὁ Πυθαγόρας τοῦ Φυσικοῦ συγγράμματος λέγει ὧδε· οὐ μὰ τὸν ἀέρα, τὸν ἀναπνέω, οὐ μὰ τὸ ὕδωρ, τὸ πίνω, οὔ κοτʼ οἴσω ψόγον περὶ τοῦ λόγου τοῦδε. γέγραπται δὲ τῷ Πυθαγόρᾳ συγγράμματα τρία, Παιδευτικόν, Πολιτικόν, Φυσικόν·

そこで一部の人々は、ピュタゴラスは著作を一篇も残さなかったと冗談めかして言っている。事実、自然哲学者ヘラクレイトスはほとんど叫ばんばかりにしてこう述べている。「ムネサルコスの息子ピュタゴラスは、あらゆる人間の中で最も探究を重ね、これらの著作を選び出して、自らの知恵、すなわち博識と悪徳の技を作り上げた。」彼がこのように言ったのは、ピュタゴラスが『自然論』の書き出しにおいて次のように述べているからである。「否、私が吸い込む空気に懸けて、私が飲む水に懸けて、私は決してこの論説について非難を受けることはないであろう。」ピュタゴラスには三つの著作が記されており、『教育論』、『国家論』、『自然論』である。

構文注3 件

8.1.1ἔνιοι δʼ υἱὸν μὲν εἶναι
間接話法の対格不定詞構文（Accusative with Infinitive）であるが、伝聞を表す主動詞（φασί 等）が省略されており、文脈上の「人々は言う」という陳述動詞を補って解釈する。続く 8.1.2 の συστῆναι も同様の伝聞不定詞である。
8.1.4ὡς εἴη ποτὲ γεγονὼς Αἰθαλίδης καὶ Ἑρμοῦ υἱὸς νομισθείη· τὸν δὲ Ἑρμῆν εἰπεῖν αὐτῷ
間接話法の中で、従属節の動詞として伝聞の希求法（εἴη γεγονώς, νομισθείη）が用いられた後、主文の叙述へと戻る際に不定詞（εἰπεῖν）へと構文が交替している。間接話法の重層構造において、引用節から主節的叙述への接続を示す典型的な転換である。
8.1.5διασεσηπυῖαν ἤδη, μόνον δὲ διαμένον τὸ ἐλεφάντινον πρόσωπον
διασεσηπυῖαν は関係代名詞 ἣν および先行詞 ἀσπίδα に一致する対格の完了分詞で、述語的に「すでに腐朽してしまっていた［盾］」の意。続く διαμένον τὸ ἐλεφάντινον πρόσωπον は対格絶対（accusative absolute）ないし対格分詞句の並置として取られ、「象牙の表面のみが保たれたまま」という付帯状況を表す。

モデル：gemini-3.8-flashurn:cts:greekLit:tlg0004.tlg001.humanitext-grc2:8.1.1-8.1.6