大王や群衆に対するディオゲネスの辛辣な警句｜『ギリシア哲学者列伝』§6.2.60-6.2.65（ディオゲネス・ラエルティオス）ギリシア語原文・日本語訳

Ἐπανῄει ἀπʼ Ὀλυμπίων· πρὸς οὖν τὸν πυθόμενον εἰ ὄχλος εἴη πολύς, πολὺς μέν, εἶπεν, ὁ ὄχλος, ὀλίγοι δʼ οἱ ἄνθρωποι. τοὺς ἀσώτους εἶπε παραπλησίους εἶναι συκαῖς ἐπὶ κρημνῷ πεφυκυίαις, ὧν τοῦ καρποῦ ἄνθρωπος μὲν οὐκ ἀπογεύεται, κόρακες δὲ καὶ γῦπες ἐσθίουσι. Φρύνης Ἀφροδίτην χρυσῆν ἀναθείσης ἐν Δελφοῖς φασὶ τοῦτον ἐπιγράψαι, ἀπὸ τῆς τῶν Ἑλλήνων ἀκρασίας. Ἀλεξάνδρου ποτὲ ἐπιστάντος αὐτῷ καὶ εἰπόντος, ἐγώ εἰμι Ἀλέξανδρος ὁ μέγας βασιλεύς, κἀγώ, φησί, Διογένης ὁ κύων. ἐρωτηθεὶς τί ποιῶν κύων καλεῖται, ἔφη, τοὺς μὲν διδόντας σαίνων, τοὺς δὲ μὴ διδόντας ὑλακτῶν, τοὺς δὲ πονηροὺς δάκνων.

オリンピア競技会から戻る途中、群衆が大勢いたかと尋ねた者に対し、「群衆は大勢いたが、人間はわずかだった」と言った。放蕩者たちは崖の上に生えた無花果の木のようなもので、その実を人間は味わうことがなく、烏や禿鷹が食べるのだと言った。フリュネがデルポイに黄金のアプロディテ像を奉納したとき、ディオゲネスは「ギリシア人たちの不節制によるもの」と銘文を刻んだと言われる。かつてアレクサンドロスが彼のそばに立って「余は大王アレクサンドロスである」と言ったとき、「そして私は犬のディオゲネスだ」と言った。何をしているゆえに犬と呼ばれるのかと尋ねられると、「施す者には尾を振り、施さない者には吠え立て、悪人たちには噛みつくからだ」と言った。

Ἀπὸ συκῆς ὠπώριζε· τοῦ δὲ φυλάττοντος εἰπόντος, αὐτόθεν πρῴην ἄνθρωπος ἀπήγξατο, ἐγὼ οὖν, φησίν, αὐτὴν καθαρῶ. ἰδὼν Ὀλυμπιονίκην εἰς ἑταίραν πυκνότερον ἀτενίζοντα, ἴδε, ἔφη, κριὸν Ἀρειμάνιον ὡς ὑπὸ τοῦ τυχόντος κορασίου τραχηλίζεται. τὰς εὐπρεπεῖς ἑταίρας ἔλεγε θανασίμῳ μελικράτῳ παραπλησίας εἶναι. ἀριστῶντι αὐτῷ ἐν ἀγορᾷ οἱ περιεστῶτες συνεχὲς ἔλεγον, κύον· ὁ δέ, ὑμεῖς, εἶπεν, ἐστὲ κύνες, οἵ με ἀριστῶντα περιεστήκατε. δύο μαλακῶν περικρυπτομένων αὐτὸν ἔφη, μὴ εὐλαβεῖσθε· κύων τευτλία οὐ τρώγει. περὶ παιδὸς πεπορνευκότος ἐρωτηθεὶς πόθεν εἴη, Τεγεάτης¹, ἔφη.

無花果の木から実をもぎ取っていたところ、番人が「先刻そこで人が首を吊ったのだ」と言うと、「では私がこの木を清めよう」と言った。あるオリンピア勝者が遊女のほうをしきりに見つめているのを目にして、「見よ、武神のように猛々しい雄羊が、居合わせた小娘にいとも容易く首根っこを押さえつけられているのを」と言った。美しい遊女たちは猛毒の蜜酒のようなものだと言っていた。彼が広場で昼食をとっているとき、周りを取り囲んだ人々がしきりに「犬め」と言った。すると彼は、「昼食をとっている私の周りを取り囲んでいるお前たちこそ犬だ」と言った。男色家の軟弱者二人が彼を避けて隠れようとしたとき、「恐れるな、犬はビート（甜菜）など食わん」と言った。男娼であった少年についてどこから来たのかと尋ねられると、「テゲアの者（売春宿の屋根の下の者）だ」と言った。

ἀφυῆ παλαιστὴν θεασάμενος ἰατρεύοντα ἔφη, τί τοῦτο; ἢ ἵνα τούς ποτέ σε νικήσαντας νῦν καταβάλῃς; θεασάμενος υἱὸν ἑταίρας λίθον εἰς ὄχλον βάλλοντα, πρόσεχε, ἔφη, μὴ τὸν πατέρα πλήξῃς. Δείξαντος αὐτῷ παιδαρίου μάχαιραν ἣν εἰλήφει παρʼ ἐραστοῦ, ἡ μὲν μάχαιρα, ἔφη, καλή, ἡ δὲ λαβὴ² αἰσχρά· ἐπαινούντων τινῶν τὸν ἐπιδόντα αὐτῷ ἔφη, ἐμὲ δʼ οὐκ ἐπαινεῖτε τὸν ἄξιον λαβεῖν. ἀπαιτούμενος ὑπό τινος τρίβωνα ἔφη, εἰ μὲν ἐχαρίσω, ἔχω· εἰ δʼ ἔχρησας, χρῶμαι. ὑποβολιμαίου τινὸς εἰπόντος αὐτῷ ὅτι χρυσὸν ἔχοι ἐν τῷ ἱματίῳ, ναί, ἔφη, διὰ τοῦτο αὐτὸ ὑποβεβλημένος κοιμᾷ³.

不器用なレスラーが医者をやっているのを目にして、「どういうことだ。かつてお前を倒した者たちを、今度は（病床に）打ち倒すためか」と言った。遊女の息子が群衆に向かって石を投げているのを目にして、「気をつけろ、父親に当てないようにな」と言った。ある少年が愛人から貰った短剣を彼に見せたとき、「短剣は美しいが、握り（受け取り方）は見苦しい」と言った。ある者たちが彼に施しを与えた者を褒め称えていると、「受け取るに値する私をなぜ褒めないのか」と言った。ある者から外套の返却を要求されて、「もし恵んでくれたのなら私のものだし、貸してくれたのなら使っているところだ」と言った。ある私生児が、彼が着物の中に金を隠し持っていると言ったのに対し、「そうだ、まさにそのために、お前のように（親の下へ潜り込ませるように）敷いて寝ているのだ」と言った。

ἐρωτηθεὶς τί αὐτῷ περιγέγονεν ἐκ φιλοσοφίας, ἔφη, εἰ καὶ μηδὲν ἄλλο, τὸ γοῦν πρὸς πᾶσαν τύχην παρεσκευάσθαι. ἐρωτηθεὶς πόθεν εἴη, κοσμοπολίτης, ἔφη. θυόντων τινῶν τοῖς θεοῖς ἐπὶ τῷ υἱὸν γενέσθαι, ἔφη, περὶ δὲ τοῦ ποδαπὸς ἐκβῇ οὐ θύετε; ἔρανόν ποτʼ ἀπαιτούμενος πρὸς τὸν ἐρανάρχην ἔφη, "τοὺς ἄλλους ἐράνιζʼ⁴, ἀπὸ δʼ Ἕκτορος ἴσχεο χεῖρας." Τὰς ἑταίρας ἔφη βασιλέων εἶναι βασιλίσσας· πράττειν γὰρ ὅ τι ἂν δόξῃ αὐταῖς. ψηφισαμένων Ἀθηναίων Ἀλέξανδρον Διόνυσον, κἀμέ, ἔφη, Σάραπιν ποιήσατε. πρὸς τὸν ὀνειδίζοντα ὅτι εἰς τόπους ἀκαθάρτους εἰσίοι, καὶ γὰρ ὁ ἥλιος, ἔφη, εἰς τοὺς ἀποπάτους, ἀλλʼ οὐ μιαίνεται.

哲学から何を得たのかと尋ねられると、「たとえ他には何も得られなくとも、いかなる運命に対しても備えができていることだ」と言った。どこの出身かと尋ねられると、「世界市民（コスモポリテス）だ」と言った。息子が生まれたことで神々に生贄を捧げている者たちを見て、「どのような人物に育つかについては生贄を捧げないのか」と言った。あるとき会費の取り立て役から醵金を要求された際、「他の者たちから取り立てよ（殺せ）、ヘクトルからは手を引け」と言った。遊女たちは王たちの女王であると言っていた。なぜなら彼女たちの思い通りにさせるからである。アテナイ人たちがアレクサンドロスをディオニュソスと議決したとき、「私をもセラピスにしてくれ」と言った。不潔な場所へ出入りしていると非難する者に対し、「太陽も便所に入るが、汚されはしない」と言った。

Ἐν ἱερῷ δειπνῶν, μεταξὺ ῥυπαρῶν ἄρτων παρατεθέντων, ἄρας αὐτοὺς ἔρριψεν, εἰπὼν εἰς ἱερὸν μηδὲν δεῖν ῥυπαρὸν εἰσιέναι. πρὸς τὸν εἰπόντα, οὐδὲν εἰδὼς φιλοσοφεῖς, ἔφη, εἰ καὶ προσποιοῦμαι σοφίαν, καὶ τοῦτο φιλοσοφεῖν ἐστι. πρὸς τὸν συνιστάντα τὸν παῖδα καὶ λέγοντα ὡς εὐφυέστατός ἐστι καὶ τὰ ἤθη κράτιστος, τί οὖν, εἶπεν, ἐμοῦ χρῄζει; τοὺς λέγοντας μὲν τὰ σπουδαῖα, μὴ ποιοῦντας δέ, ἔλεγε μηδὲν διαφέρειν κιθάρας· καὶ γὰρ ταύτην μήτʼ ἀκούειν μήτʼ αἰσθάνεσθαι. εἰς θέατρον εἰσῄει ἐναντίος τοῖς ἐξιοῦσιν· ἐρωτηθεὶς δὲ διὰ τί, τοῦτο, ἔφη, ἐν παντὶ τῷ βίῳ ἐπιτηδεύω ποιεῖν.

神殿で食事をしている最中に汚れたパンが出されると、それを取り上げて投げ捨て、神殿には不潔なものが入ってはならないと言った。「何も知らぬくせに哲学をしている」と言った者に対して、「たとえ知恵を気取っているだけだとしても、それもまた哲学することなのだ」と言った。ある父親が息子を推薦して、非常に素質があり人柄も極めて立派だと言ったのに対し、「それならなぜ私を必要とするのか」と言った。立派なことを語りながら行わない者たちはキタラと何ら変わらないと言っていた。なぜならそれも聞くことも感じることもしないからである。人々が出てくるのと逆向きに劇場に入っていったが、なぜかと尋ねられると、「これを私は全生涯を通じて行うよう心がけているのだ」と言った。

Ἰδών ποτε νεανίσκον θηλυνόμενον, οὐκ αἰσχύνῃ, ἔφη, χείρονα τῆς φύσεως περὶ σεαυτοῦ βουλευόμενος⁵; ἡ μὲν γάρ σε ἄνδρα ἐποίησε, σὺ δὲ σεαυτὸν βιάζῃ γυναῖκα εἶναι. ἰδὼν ἄφρονα ψαλτήριον ἁρμοζόμενον οὐκ αἰσχύνῃ, ἔφη, τοὺς μὲν φθόγγους τῷ ξύλῳ προσαρμόττων, τὴν δὲ ψυχὴν εἰς τὸν βίον μὴ ἁρμόττων; πρὸς τὸν εἰπόντα, ἀνεπιτήδειός εἰμι πρὸς φιλοσοφίαν, τί οὖν, ἔφη, ζῇς, εἰ τοῦ καλῶς ζῆν μὴ μέλει σοι; πρὸς τὸν καταφρονοῦντα τοῦ πατρός, οὐκ αἰσχύνῃ, ἔφη, καταφρονῶν τούτου διʼ ὃν μέγα φρονεῖς; ἰδὼν εὐπρεπῆ νεανίσκον ἀπρεπῶς λαλοῦντα, οὐκ αἰσχύνῃ, ἔφη, ἐξ ἐλεφαντίνου κολεοῦ μολυβδίνην ἕλκων μάχαιραν;

かつて女めいた振る舞いをする若者を見て、「自然よりも劣悪なことを自分について決意して恥ずかしくないのか。自然はお前を男にしたのに、お前は自分を女にしようと強いているのだ」と言った。分別を欠いた男がプサルテリオンの調弦をしているのを見て、「木材には楽音を合わせながら、自らの魂を人生に調和させないのを恥ずかしく思わないのか」と言った。「私は哲学に向いていません」と言った者に対して、「よく生きることに意を用いないなら、なぜ生きているのか」と言った。父親を軽蔑している男に対して、「そなたが威張っていられるのはこの父親のおかげなのに、その人を軽蔑して恥ずかしくないのか」と言った。端正な顔立ちの若者が下品な口を利いているのを見て、「象牙の鞘から鉛の剣を抜いて恥ずかしくないのか」と言った。

構文注5 件

6.2.61Τεγεάτης
アルカディア地方の都市テゲアの住民（Τεγεάτης）を名乗る形をとりつつ、売春宿を意味する「屋根・密室」（τέγος）のもとにいた者という語呂合わせによる地口・二重の掛け言葉。
6.2.62λαβὴ
「剣の柄・握り」と、男娼としての「受け取り／手に入れる機会・口実」の双方を指す掛詞。前半の「短剣（μάχαιρα）は美しい」に対して「柄（λαβή）は見苦しい」と受けることで、短剣そのものとそれを情夫から受け取った経緯・姿勢の卑しさを同時に批判している。
6.2.62ὑποβεβλημένος κοιμᾷ
「私生児・拾い子」（ὑποβολιμαῖος）という身分に対し、同じ動詞語幹を持つ ὑποβάλλω（下に敷く、他人の子をすり替えて下に置く）の受動完了分詞を用いて「（金を外衣の下に）敷き入れて眠る」と返す言葉遊び。自らの実入りの防衛と相手の出自の低さへの皮肉が重ねられている。
6.2.63τοὺς ἄλλους ἐράνιζʼ
ホメロス『イリアス』などの詩行（τοὺς ἄλλους ἐνάριζʼ, ἀπὸ δʼ Ἕκτορος ἴσχεο χεῖρας「他の者どもを討ち取れ、ヘクトルからは手を引け」）における動詞 ἐνάριζε（戦利品を剥ぎ取る／殺す）を、同音に近い「寄付金を取り立てる」動詞 ἐράνιζε に差し替えたパロディ。
6.2.65χείρονα τῆς φύσεως περὶ σεαυτοῦ βουλευόμενος
中性複数対格 χείρονα が動詞 βουλευόμενος の内面・結果の対格（「より劣悪な事柄を決意する」）として機能し、比較の属格 τῆς φύσεως（「自然よりも」）がこれに掛かる。「自然が与えたあり方よりも劣った生き方を自らに課す」という意味。

モデル：gemini-3.8-flashurn:cts:greekLit:tlg0004.tlg001.humanitext-grc2:6.2.60-6.2.65