ビオンの出自と機知に富んだ言行｜『ギリシア哲学者列伝』§4.7.46-4.7.51（ディオゲネス・ラエルティオス）ギリシア語原文・日本語訳

Βίων τὸ μὲν γένος ἦν Βορυσθενίτης, ὧντινων δὲ γονέων καὶ ἀφʼ οἵων πραγμάτων ἧξεν ἐπὶ φιλοσοφίαν, αὐτὸς Ἀντιγόνῳ διασαφεῖ. ἐρομένου γὰρ αὐτὸν "τίς πόθεν εἶς ἀνδρῶν; πόθι τοι πόλις ἠδὲ τοκῆες;" αἰσθόμενος ὅτι προδιαβέβληται, φησὶ πρὸς αὐτόν· ἐμοὶ ὁ πατὴρ μὲν ἦν ἀπελεύθερος, τῷ ἀγκῶνι ἀπομυσσόμενος¹—διεδήλου δὲ τὸν ταριχέμπορον—γένος Βορυσθενίτης, ἔχων οὐ πρόσωπον, ἀλλὰ συγγραφὴν ἐπὶ τοῦ προσώπου, τῆς τοῦ δεσπότου πικρίας σύμβολον· μήτηρ δὲ οἵαν ὁ τοιοῦτος ἂν γήμαι, ἀπʼ οἰκήματος. ἔπειτα ὁ πατὴρ παρατελωνησάμενός τι πανοίκιος ἐπράθη μεθʼ ἡμῶν. καί με ἀγοράζει τις ῥήτωρ νεώτερον ὄντα καὶ εὔχαριν· ὃς καὶ ἀποθνήσκων κατέλιπέ μοι πάντα.

ビオンは生まれはボリュステネスの人であったが、どのような両親のもとに生まれ、いかなる境遇から哲学へと至ったのかについては、彼自身がアンティゴノスに対して明言している。というのも、王が彼に向かって、「何者で、いかなる人々の出か。そなたの町は、そして両親はいずこにあるのか」と尋ねたとき、自分が前もって中傷されていることを察知して、王にこう語ったからである。「私にとって、父は解放奴隷で、肘で鼻をかむ男でした――これは塩魚商人のことですが――、生まれはボリュステネス人で、顔というべきものを持たず、顔の上に証文を、すなわち主人の酷薄さの刻印を負っておりました。母はといえば、そのような男が娶るような女で、娼家から出た者でした。その後、父が徴税に関していささか不正を犯したため、一家諸共わたくしたちもろとも奴隷として売られたのです。そしてまだ若く愛嬌のあった私を、ある弁論家が買い取りました。その人が死に臨んで、私に全財産を遺してくれたのです。

κἀγὼ κατακαύσας αὐτοῦ τὰ συγγράμματα καὶ πάντα συγξύσας Ἀθήναζε ἦλθον καὶ ἐφιλοσόφησα. "ταύτης τοι γενεῆς τε καὶ αἵματος εὔχομαι εἶναι." ταῦτά ἐστι τὰ κατʼ ἐμέ. ὥστε παυσάσθωσαν Περσαῖός τε καὶ Φιλωνίδης ἱστοροῦντες αὐτά· σκόπει δέ με ἐξ ἐμαυτοῦ. Καὶ ἦν ὡς ἀληθῶς ὁ Βίων τὰ μὲν ἄλλα πολύτροπος καὶ σοφιστὴς ποικίλος καὶ πλείστας ἀφορμὰς δεδωκὼς τοῖς βουλομένοις καθιππάζεσθαι φιλοσοφίας· ἔν τισι δὲ καὶ πομπικὸς καὶ ἀπολαῦσαι τύφου δυνάμενος. πλεῖστά τε καταλέλοιπεν ὑπομνήματα, ἀλλὰ καὶ ἀποφθέγματα χρειώδη πραγματείαν περιέχοντα. οἷον ὀνειδιζόμενος ἐπὶ τῷ μὴ θηρᾶσαι μειράκιον, οὐχ οἷόντε, εἶπεν, ἁπαλὸν τυρὸν ἀγκίστρῳ ἐπισπᾶσθαι.

そこで私は彼の著述を焼き払い、すべての財産をかき集めてアテナイへと赴き、哲学を志しました。『まさにこの家系と血統の出であることを私は誇る』これが私の身の上でございます。ですから、ペルサイオスもピロニデスもこれらを言いふらすのをやめるべきでありましょう。どうか私を私自身によって判断してください」そして実際、ビオンはその他の点では融通無碍な人物であり、多彩なソフィストであって、哲学を嘲笑したいと望む者たちにきわめて多くの口実を与えた。またある点では誇示的であり、虚栄を享受することもできた。彼はきわめて多くの覚書を残したが、それだけでなく、有用な実用性を含んだ金言をも残している。例えば、美少年を誘惑し損ねたことを咎められたとき、彼は言った。「柔らかいチーズを釣り針で引き寄せることなどできはしない」

ἐρωτηθείς ποτε τίς μᾶλλον ἀγωνιᾷ, ἔφη, ὁ τὰ μέγιστα βουλόμενος εὐημερεῖν. ἐρωτηθεὶς εἰ γήμαι—ἀναφέρεται γὰρ καὶ εἰς τοῦτον—ἔφη, ἐὰν μὲν γήμῃς αἰσχράν, ἕξεις ποινήν· ἂν δὲ καλήν, ἕξεις κοινήν. τὸ γῆρας ἔλεγεν ὅρμον εἶναι τῶν κακῶν· εἰς αὐτὸ γοῦν πάντα καταφεύγειν. τὴν δόξαν 〈ἀρ〉ετῶν μητέρα εἶναι· τὸ κάλλος ἀλλότριον ἀγαθόν· τὸν πλοῦτον νεῦρα πραγμάτων. πρὸς τὸν τὰ χωρία κατεδηδοκότα, τὸν μὲν Ἀμφιάραον, ἔφη, ἡ γῆ κατέπιε, σὺ δὲ τὴν γῆν. μέγα κακὸν τὸ μὴ δύνασθαι φέρειν κακόν. κατεγίνωσκε δὲ καὶ τῶν τοὺς ἀνθρώπους κατακαόντων μὲν ὡς ἀναισθήτους, παρακαόντων δὲ ὡς αἰσθανομένους.

かつて、誰がより激しい不安に苛まれるかと問われたとき、彼は言った。「最大の幸運に恵まれたいと望んでいる者だ」結婚すべきかと問われたときには――この言葉も彼に帰されているが――こう答えた。「醜い女を娶れば罰を受けることになり、美しい女を娶れば共有財産を持つことになる」老いは災厄の避難港であると彼は言っていた。何となれば、あらゆる災厄は老いへと逃げ込むからである。名声は諸徳の母であり、美は他人の善であり、富は諸事の腱である。領地を食いつぶした男に対しては、こう言った。「アンピアラオスをば大地が呑み込んだが、お前は大地を呑み込んだのだ」また、災厄を耐え忍ぶことができないことこそが大いなる災厄である、と。さらに、死者を感覚のないものとして火葬しながら、感覚があるかのようにその傍らで火を焚く人々を非難した。

ἔλεγε δὲ συνεχὲς ὅτι αἱρετώτερόν ἐστι τὴν ὥραν ἄλλῳ χαρίζεσθαι ἢ ἀλλοτρίας ἀποδρέπεσθαι· καὶ γὰρ εἰς σῶμα βλάπτεσθαι καὶ εἰς ψυχήν. διέβαλε δὲ καὶ τὸν Σωκράτην, λέγων ὡς εἰ μὲν εἶχεν Ἀλκιβιάδου χρείαν καὶ ἀπείχετο, μάταιος ἦν· εἰ δὲ μὴ εἶχεν, οὐδὲν ἐποίει παράδοξον. εὔκολον ἔφασκε τὴν εἰς ᾅδου ὁδόν· καταμύοντας γοῦν ἀπιέναι. τὸν Ἀλκιβιάδην μεμφόμενος ἔλεγεν ὡς νέος μὲν ὢν τοὺς ἄνδρας ἀπαγάγοι τῶν γυναικῶν, νεανίσκος δὲ γενόμενος τὰς γυναῖκας τῶν ἀνδρῶν. ἐν Ῥόδῳ τὰ ῥητορικὰ διασκούντων τῶν Ἀθηναίων τὰ φιλοσοφούμενα ἐδίδασκε· πρὸς οὖν τὸν αἰτιασάμενον ἔφη, πυροὺς ἐκόμισα καὶ κριθὰς πιπράσκω;

彼はまた、他人の若さを摘み取るよりは自分の青春を他人に与えるほうがまだ望ましいと常に述べていた。なぜなら、身体にも魂にも害を受けるからである。さらに彼はソクラテスをも非難し、もし彼がアルキビアデスを必要としながら自制していたのであれば愚か者であり、必要としていなかったとすれば何ら驚嘆すべきことをなしたわけではない、と言った。冥府への道は安易なものだと述べていた。なぜなら目を閉じたまま行くのだから。アルキビアデスを咎めて、彼は若い頃には夫たちを妻たちから引き離し、青年になると妻たちを夫たちから引き離したのだと言った。ロドス島でアテナイ人たちが弁論術の修練を積んでいたとき、彼は哲学の諸論点を教授していた。そこで彼を咎めた者に対し、こう言った。「私は小麦を運んできて大麦を売っているのか」

Ἔλεγε δὲ τοὺς ἐν ᾅδου μᾶλλον ἂν κολάζεσθαι εἰ ὁλοκλήροις καὶ μὴ τετρημένοις ἀγγείοις ὑδροφόρουν². πρὸς τὸν ἀδολέσχην λιπαροῦντα αὐτῷ συλλαβέσθαι, τὸ ἱκανόν σοι ποιήσω, φησίν, ἐὰν παρακλήτους πέμψῃς καὶ αὐτὸς μὴ ἔλθῃς. πλέων μετὰ πονηρῶν λῃσταῖς περιέπεσε· τῶν δέ, ἀπολώλαμεν, εἰπόντων, ἐὰν γνωσθῶμεν, ἐγὼ δέ γε, φησίν, ἐὰν μὴ γνωσθῶ. τὴν οἴησιν ἔλεγε προκοπῆς ἐγκοπήν. πρὸς τὸν μικρολόγον πλούσιον, οὐχ οὗτος, ἔφη, τὴν οὐσίαν κέκτηται, ἀλλʼ ἡ οὐσία τοῦτον. ἔλεγε τοὺς μικρολόγους τῶν μὲν ὑπαρχόντων ὡς ἰδίων ἐπιμελεῖσθαι, ὡς δʼ ἐξ ἀλλοτρίων μηδὲν ὠφελεῖσθαι. τῇ μὲν ἀνδρείᾳ νέους ὄντας ἔφη χρῆσθαι, τῇ δὲ φρονήσει γηράσκοντας ἀκμάζειν.

また彼は、冥府にいる者たちは底の抜けていない完全な甕で水を運ぶとしたら、よりいっそう懲罰を受けることになるだろうと言っていた。自分を援助してほしいとしつこく頼み込む饒舌家に向かって、彼はこう言った。「弁護人を送り、お前自身が来ないのならば、お前の望みを叶えてやろう」ならず者たちと一緒に航海していたとき、海賊に遭遇した。彼らが、「素性が知れたら、おれたちは破滅だ」と言うと、彼はこう言った。「私の方はといえば、素性が知れなければ破滅なのだ」うぬぼれは進歩の妨げであると彼は述べていた。けちな金持ちに向かって、彼は言った。「この男が財産を所有しているのではなく、財産がこの男を所有しているのだ」けちな者たちは、所有する財産を自分自身のものとして世話をしながら、他人の財産からであるかのように何一つ恩恵を受けない、と彼は言っていた。若いうちは勇気を用い、老いてゆくにつれて思慮において全盛を極めるべきだと彼は語った。

τοσοῦτον διαφέρειν τὴν φρόνησιν τῶν ἄλλων ἀρετῶν, ὅσον τὴν ὅρασιν τῶν ἄλλων αἰσθήσεων. μὴ δεῖν ἔφασκεν ὀνειδίζειν τὸ γῆρας, εἰς ὅ, ἔφη, πάντες εὐχόμεθα ἐλθεῖν. πρὸς τὸν βάσκανον ἐσκυθρωπακότα, οὐκ οἶδα, ἔφη, πότερον σοὶ κακὸν γέγονεν ἢ ἄλλῳ ἀγαθόν. τὴν δυσγένειαν πονηρὸν ἔλεγεν εἶναι σύνοικον τῇ παρρησίᾳ· "δουλοῖ γὰρ ἄνδρα, κἂν θρασύσπλαγχνός τις ᾖ." τοὺς φίλους ὁποῖοι ἂν ὦσι συντηρεῖν³, ἵνα μὴ δοκοίημεν πονηροῖς κεχρῆσθαι ἢ χρηστοὺς παρῃτῆσθαι. Οὗτος τὴν ἀρχὴν μὲν παρῃτεῖτο τὰ Ἀκαδημαϊκά, καθʼ ὃν χρόνον ἤκουε Κράτητος· εἶτʼ ἐπανείλετο τὴν κυνικὴν ἀγωγήν, λαβὼν τρίβωνα καὶ πήραν.

思慮が他の徳と異なる度合いは、視覚が他の感覚と異なる度合いと同じである。老いを侮辱してはならないと彼は述べていた。それに向かって我々はみな至ることを祈っているのだから、と。嫉妬深い者が陰気な顔をしているのを見て、彼は言った。「お前に災難が起きたのか、それとも他人に幸運が生じたのか、私には分からない」卑しい生まれは言論の自由にとって厄介な同居人であると彼は言っていた。「いかに剛胆な心を持つ男であっても、それは人を奴隷とするからだ」また、悪人と交際したとか善人を退けたなどと思われないために、友人がいかなる者であれ保ち続けるべきだ、と語った。この男は当初、クラテスの講義を聴いていた時期にはアカデメイア派の教えを拒んでいたが、その後に粗末な外套と頭陀袋を手にして、キュニコス派の生き方を採用した。

構文注3 件

4.7.46τῷ ἀγκῶνι ἀπομυσσόμενος
直訳は「肘で鼻をかむ者」。直後に διεδήλου δὲ τὸν ταριχέμπορον（塩魚商人の意）と説明されているように、手が生臭い魚油で汚れているため肘で鼻を拭ったという当時の塩魚商人の生態、あるいは極めて粗野で下層の身分であることを表す慣用表現である。
4.7.50τοὺς ἐν ᾅδου μᾶλλον ἂν κολάζεσθαι εἰ ὁλοκλήροις καὶ μὴ τετρημένοις ἀγγείοις ὑδροφόρουν
間接話法における反実仮想構文。主節の ἄν + 不定詞 κολάζεσθαι（直説法過去 + ἄν に相当）に対し、条件節は接続詞 εἰ に未完了過去直説法 ὑδροφόρουν が続く。冥府で穴のあいた甕に水を運ぶダナオスの娘たちなどの神話を踏まえ、穴のない重い完全な甕で満杯になるまで水を汲み続けねばならないとしたら、さらに過酷な労役となったであろうという逆説的諧謔を表す。
4.7.51τοὺς φίλους ὁποῖοι ἂν ὦσι συντηρεῖν
文頭に主動詞がなく、前後の文脈から ἔλεγε（あるいは ἔφη δεῖν）が省略された対格不定詞構文（または勧告的不定詞）。τοὺς φίλους は不定詞 συντηρεῖν の目的語であり、ὁποῖοι ἂν ὦσι は一般化の接続法を用いた関係節（「いかなる者たちであれ」）である。

モデル：gemini-3.8-flashurn:cts:greekLit:tlg0004.tlg001.humanitext-grc2:4.7.46-4.7.51