アルケシラオスの機知と人柄および私生活｜『ギリシア哲学者列伝』§4.6.35-4.6.40（ディオゲネス・ラエルティオス）ギリシア語原文・日本語訳

"ἔξεστʼ ἐρωτᾶν πότνιά σʼ ἢ σιγὴν ἔχω;" ὑπολαβὼν ἔφη· "γύναι, τί μοι τραχεῖα κοὐκ εἰθισμένως λαλεῖς;" στωμύλου δὲ ἀγεννοῦς πράγματα αὐτῷ παρέχοντος ἔφη· "ἀκόλασθʼ ὁμιλεῖν γίγνεται δούλων τέκνα." ἄλλου δὲ πολλὰ φλυαροῦντος οὐδὲ τίτθης αὐτὸν χαλεπῆς τετυχηκέναι ἔφη· τισὶ δὲ οὐδὲ ἀπεκρίνετο. πρὸς δὲ τὸν δανειστικὸν καὶ φιλόλογον εἰπόντα τι ἀγνοεῖν, ἔφη· "λήθουσι γάρ τοι κἀνέμων διέξοδοι θήλειαν ὄρνιν, πλὴν ὅταν τόκος¹ παρῇ." ἔστι δὲ ταῦτα ἐκ τοῦ Οἰνομάου τοῦ Σοφοκλέους.

「畏れ多き方よ、尋ねてもよろしいか、それとも沈黙を守るべきか」アルケシラオスは引き取って言った。「女よ、なぜ私に刺々しく、いつもと違った口調で話すのか」育ちの悪いおしゃべりな男が彼を煩わせたときには、こう言った。「奴隷の子供らは無節操に放言するようになるものだ」また別の男がくだらぬことを多弁にしゃべり立てたときには、彼には厳しい乳母さえつかなかったのだと言った。中には返答すら与えない相手もいた。高利貸しでありながら文芸愛好家でもある男が、何かが分からないと言ったときには、こう言った。「風の吹き抜ける道も、雌鳥の目をごまかすことはできぬ、ただ産卵の時が近づいた時を除いては」これはソフォクレスの『オイノマオス』からの引用である。

Πρὸς Ἀλεξίνειόν τινα διαλεκτικὸν μὴ δυνάμενον κατʼ ἀξίαν τῶν Ἀλεξίνου τι διηγήσασθαι τὸ Φιλοξένῳ πρὸς τοὺς πλινθιακοὺς πραχθὲν² εἶπεν· ἐκεῖνος γὰρ τὰ αὑτοῦ κακῶς ᾅδοντας τούτους καταλαβὼν αὐτὸς τὰς πλίνθους αὐτῶν συνεπάτησεν, εἰπών, ὡς ὑμεῖς τὰ ἐμὰ διαφθείρετε, οὕτω κἀγὼ τὰ ὑμέτερα. ἤχθετο οὖν δὴ τοῖς μὴ καθʼ ὥραν τὰ μαθήματα ἀνειληφόσι. φυσικῶς δέ πως ἐν τῷ διαλέγεσθαι ἐχρῆτο τῷ Φημʼ ἐγώ, καί, Οὐ συγκαταθήσεται τούτοις ὁ δεῖνα, εἰπὼν τοὔνομα· ὃ καὶ πολλοὶ τῶν μαθητῶν ἐζήλουν 〈ὡσ〉 καὶ τὴν ῥητορείαν καὶ πᾶν τὸ σχῆμα.

アレクシノスの学説をふさわしい形で説明することのできないアレクシノス派のある弁証家に対しては、フィロクセノスが煉瓦職人たちに対して行ったことを引いて言った。すなわち、フィロクセノスは職人たちが自作の詩を調子外れに歌っているのを目にして、彼らの煉瓦を踏みにじり、「お前たちが私の作品を台無しにするように、私もお前たちの作品を台無しにするのだ」と言ったのである。このようにアルケシラオスは、ふさわしい時期に学問を修めなかった者たちに嫌悪感を抱いていた。議論の際には、天性の口癖のように「私が言うには」とか、「だれだれは（と実名を挙げて）このことには同意しないだろう」という表現を用いた。この口癖を、彼の弁論法や全身の身振りと同様に、弟子たちの多くも模倣した。

Ἦν δὲ καὶ εὑρεσιλογώτατος ἀπαντῆσαι εὐστόχως καὶ ἐπὶ τὸ προκείμενον ἀνενεγκεῖν τὴν περίοδον τῶν λόγων καὶ ἅπαντι συναρμόσασθαι καιρῷ. πειστικός τε ὑπὲρ πάνθʼ ὁντινοῦν· παρὸ καὶ πλείους πρὸς αὐτὸν ἀπήντων εἰς τὴν σχολὴν καίπερ ὑπʼ ὀξύτητος αὐτοῦ ἐπιπληττόμενοι. ἀλλʼ ἔφερον ἡδέως· καὶ γὰρ ἦν ἀγαθὸς σφόδρα καὶ ἐλπίδων ὑποπιμπλὰς τοὺς ἀκούοντας. ἔν τε τῷ βίῳ κοινωνικώτατος ἐγένετο καὶ εὐεργετῆσαι πρόχειρος ἦν καὶ λαθεῖν τὴν χάριν ἀτυφότατος. εἰσελθὼν γοῦν ποτὲ πρὸς Κτησίβιον νοσοῦντα καὶ ἰδὼν ἀπορίᾳ θλιβόμενον, κρύφα βαλάντιον ὑπέθηκε τῷ προσκεφαλαίῳ· καὶ ὃς εὑρών, Ἀρκεσιλάου, φησί, τὸ παίγνιον. ἀλλὰ καὶ ἄλλοτε χιλίας ἀπέστειλεν.

彼はまた、的確に論駁し、言論の周期文を眼前の論題へと立ち戻らせ、あらゆる好機に適合させる創意工夫にこの上なく長けていた。そして誰よりも説得力があった。それゆえ、彼の辛辣さに叱責されながらも、より多くの人々が学塾の彼のもとへ集まった。だが人々はそれを快く受け止めた。彼は極めて善良であり、聴く者たちを希望で満たしたからである。私生活においても極めて社交的であり、恩恵を施すことに吝かでなく、施した恩義を隠しておくことにおいて極めて謙虚であった。あるとき病床にあったクテシビオスを見舞い、困窮に喘いでいるのを見て、枕の下にこっそり財布を滑り込ませた。するとクテシビオスはそれを見つけて、こう言った。「アルケシラオスの悪戯だな」また別の折には千ドラクマを送った。

Ἀρχίαν τε τὸν Ἀρκάδα Εὐμένει συστήσας πολλῆς ἐποίησε τυχεῖν τῆς ἀξίας³. ἐλευθέριός τε ὢν καὶ ἀφιλαργυρώτατος εἰς τὰς ἀργυρικὰς δείξεις ἀπήντα πρῶτος, καὶ ἐπὶ τὴν Ἀρχεκράτους καὶ Καλλικράτους τὰς χρυσιαίας παντὸς ἔσπευδε μᾶλλον. συχνοῖς τε ἐπήρκει καὶ συνηράνιζε· καί ποτέ τινος ἀργυρώματα λαβόντος εἰς ὑποδοχὴν φίλων καὶ ἀποστεροῦντος οὐκ ἀπῄτησεν οὐδὲ προσεποιήθη. οἱ δέ φασιν ἐπίτηδες χρῆσαι καὶ ἀποδιδόντος, ἐπεὶ πένης ἦν, χαρίσασθαι. ἦν μὲν οὖν αὐτῷ καὶ ἐν Πιτάνῃ περιουσία, ἀφʼ ἧς ἀπέστειλεν αὐτῷ Πυλάδης ὁ ἀδελφός. ἀλλὰ καὶ ἐχορήγει αὐτῷ πολλὰ Εὐμένης ὁ τοῦ Φιλεταίρου· διὸ καὶ τούτῳ μόνῳ τῶν ἄλλων βασιλέων προσεφώνει.

アルカディア人のアルキアスをエウメネスに紹介して、大いなる地位と栄誉を得させもした。彼は気前がよく金銭に極めて無頓着であったため、銀器の展示に真っ先に駆けつけ、アルケクラテスやカリクラテスの金器の催しにも誰よりも熱心に急ぎ赴いた。多くの人々を援助し、醵金にも加わった。また、ある人物が友人のもてなしのために銀器を借り、それを返さずに横領したときも、返還を要求せず、気づかないふりをした。ある人々の言うところでは、わざと貸し与え、相手が貧しかったため、返そうとしたときにそれを贈与したのだという。彼にはピタネに財産があり、そこから兄弟のピュラデスが彼に仕送りをしていた。しかしフィレタイロスの養子エウメネスも彼に多額の援助をしており、それゆえ他のどの王たちとも異なり、この王にのみ著書を捧呈していた。

Πολλῶν δὲ καὶ τὸν Ἀντίγονον θεραπευόντων καὶ ὁπότε ἥκοι ἀπαντώντων αὐτὸς ἡσύχαζε, μὴ βουλόμενος προεμπίπτειν εἰς γνῶσιν. φίλος τε ἦν μάλιστα Ἱεροκλεῖ τῷ τὴν Μουνιχίαν ἔχοντι καὶ τὸν Πειραιᾶ· ἔν τε ταῖς ἑορταῖς κατῄει πρὸς αὐτὸν ἑκάστοτε. καὶ δὴ καὶ πολλὰ ἐκείνου συμπείθοντος ὥστʼ ἀσπάσασθαι τὸν Ἀντίγονον, οὐκ ἐπείσθη, ἀλλʼ ἕως πυλῶν ἐλθὼν ἀνέστρεψε. μετά τε τὴν Ἀντιγόνου ναυμαχίαν πολλῶν προσιόντων καὶ ἐπιστόλια παρακλητικὰ γραφόντων αὐτὸς ἐσιώπησεν. ἀλλʼ οὖν ὅμως ὑπὲρ τῆς πατρίδος ἐπρέσβευσεν εἰς Δημητριάδα πρὸς Ἀντίγονον καὶ οὐκ ἐπέτυχε. τὸ πᾶν δὴ διέτριβεν ἐν τῇ Ἀκαδημείᾳ τὸν πολιτισμὸν ἐκτοπίζων.

多くの人々がアンティゴノスにおもねり、彼がやって来ると出迎えに赴いていたのに、アルケシラオス自身は知遇を得ようと自分から割り込むことを望まず、静観していた。彼はムウニュキアとペイライエウスの守備隊司令官であったヒエロクレスと特に親密であり、祭礼のたびごとに彼のところへ下っていった。ヒエロクレスがアンティゴノスに挨拶するようしきりに説得したときにも従わず、城門まで行きながら引き返した。アンティゴノスの海戦の後、多くの者が王に接近し祝賀の手紙を書き送ったが、彼自身は沈黙を守った。それでもなお、祖国のためにデメトリアスにいるアンティゴノスのもとへ使節として赴いたが、成功しなかった。彼は終始アカデメイアで過ごし、政治活動を遠ざけていた。

Καί ποτε δὴ καὶ Ἀθήνησιν ἐν τῷ Πειραιεῖ πρὸς τὰς θέσεις λέγων⁴ ἐχρόνισεν, οἰκείως ἔχων πρὸς Ἱεροκλέα· ἐφʼ ᾧ καὶ πρός τινων διεβάλλετο. πολυτελὴς δὲ ἄγαν ὤν—καὶ τί γὰρ ἄλλο ἢ ἕτερος Ἀρίστιππος;—ἐπὶ τὰ δεῖπνα πρὸς τοὺς ὁμοιοτρόπους μέν, πλὴν ἀλλʼ ἀπήντα. καὶ Θεοδότῃ τε καὶ Φίλᾳ ταῖς Ἠλείαις ἑταίραις συνῴκει φανερῶς καὶ πρὸς τοὺς διασύροντας προεφέρετο τὰς Ἀριστίππου χρείας. φιλομειράκιός τε ἦν καὶ καταφερής· ὅθεν οἱ περὶ Ἀρίστωνα τὸν Χῖον στωικοὶ ἐπεκάλουν αὐτῷ, φθορέα τῶν νέων καὶ κιναιδολόγον καὶ θρασὺν ἀποκαλοῦντες.

またあるとき、ヒエロクレスと親しかったために、アテナイのペイライエウスで諸々の哲学的論題について論じつつ長く滞在したことがあり、そのことで一部の人々から中傷された。彼は極めて贅沢を好む人物であり――アリスティッポスの再来以外の何者であろうか――、気心の知れた同好の士たちとの酒宴に出席した。またエリス出身の遊女テオドテおよびフィラと公然と同棲し、彼を嘲弄する者たちに対してはアリスティッポスの機知に富んだ格言を引いて応酬した。彼はまた少年好きで情欲に溺れやすかった。そのためキオスのアリストンをはじめとするストア派の者たちは、彼を非難し、若者の堕落者、淫語を弄する者、破廉恥な男と罵った。

構文注4 件

4.6.35τόκος
ソフォクレス『オイノマオス』からの引用における語の掛け言葉（地口）。本来の文脈では鳥の「産卵」を意味するが、直前の「高利貸し（δανειστικός）」という文脈との対比により、金銭の「利息」という意味を二重に含ませた辛辣な機知として機能している。
4.6.36τὸ Φιλοξένῳ πρὸς τοὺς πλινθιακοὺς πραχθὲν
受動相完了分詞 πραχθέν に動作主の与格 Φιλοξένῳ が付いた名詞化句で、主節の動詞 εἶπεν の直接目的語となっている。「フィロクセノスによって煉瓦職人たちに対してなされた事柄」を意味する。
4.6.38πολλῆς ἐποίησε τυχεῖν τῆς ἀξίας
使役構文。「ποιέω ＋不定詞」で「〜させる」を表し、不定詞 τυχεῖν は属格補語 πολλῆς τῆς ἀξίας をとる。意味上の主語（アルキアス）は前置詞句・分詞構文によって明らかなため不定詞の対格主語としては明示されていない。
4.6.40πρὸς τὰς θέσεις λέγων
前置詞句 πρὸς τὰς θέσεις は哲学的演習における「普遍的・抽象的な論題・命題（テーゼ）に関して／論題に対峙して」という意味を表す（具体的状況を扱う仮定問題 ὑπόθεσις と対比される専門術語）。現在分詞 λέγων は付帯状況を表す。

モデル：gemini-3.8-flashurn:cts:greekLit:tlg0004.tlg001.humanitext-grc2:4.6.35-4.6.40