クセノポンの入門と遠征およびスキルスでの隠棲｜『ギリシア哲学者列伝』§2.6.48-2.6.53（ディオゲネス・ラエルティオス）ギリシア語原文・日本語訳

Ξενοφῶν Γρύλλου μὲν ἦν υἱός, Ἀθηναῖος, τῶν δήμων Ἐρχιεύς· αἰδήμων δὲ καὶ εὐειδέστατος εἰς ὑπερβολήν. τούτῳ δὲ ἐν στενωπῷ φασιν ἀπαντήσαντα Σωκράτην διατεῖναι τὴν βακτηρίαν καὶ κωλύειν παριέναι, πυνθανόμενον ποῦ πιπράσκοιτο τῶν προσφερομένων ἕκαστον· ἀποκριναμένου δὲ πάλιν πυθέσθαι¹, ποῦ δὲ καλοὶ κἀγαθοὶ γίνονται ἄνθρωποι· ἀπορήσαντος δέ, ἕπου τοίνυν, φάναι, καὶ μάνθανε. καὶ τοὐντεῦθεν ἀκροατὴς Σωκράτους ἦν. καὶ πρῶτος ὑποσημειωσάμενος τὰ λεγόμενα εἰς ἀνθρώπους ἤγαγεν, Ἀπομνημονεύματα ἐπιγράψας. ἀλλὰ καὶ ἱστορίαν φιλοσόφων πρῶτος ἔγραψε. Καὶ αὐτόν φησιν Ἀρίστιππος ἐν τετάρτῳ Περὶ παλαιᾶς τρυφῆς ἐρασθῆναι Κλεινίου·

クセノポンはグリュロスの子でアテナイ人、エルキア区の出身であった。彼は慎み深く、この上なく容姿端麗であった。伝えられるところでは、路地で彼に出くわしたソクラテスが杖を突き出して行く手を遮り、食料品はそれぞれどこで売られているのかと尋ねた。彼が答えると、さらに、人間が立派で善い者となるのはどこにおいてであるかと尋ねた。彼が返答に窮すると、「ならばついてきて、と彼は言った、学びなさい。」そしてこれ以後、彼はソクラテスの聴講者となった。また彼は、語られた事柄を最初に筆記して世に出し、『思い出』と題した。それだけでなく、彼は哲学者たちの歴史をも最初に著したのである。さらにアリスティッポスが『古代の贅沢について』第四巻で述べるには、彼がクリニアスに恋をしたという。

πρὸς ὃν καὶ ταῦτα εἰπεῖν· νῦν γὰρ ἐγὼ Κλεινίαν ἥδιον μὲν θεῶμαι ἢ τἄλλα πάντα τὰ ἐν ἀνθρώποις καλά· τυφλὸς δὲ τῶν ἄλλων πάντων δεξαίμην ἂν ἢ Κλεινίου ἑνὸς ὄντος γενέσθαι²· ἄχθομαι δὲ καὶ νυκτὶ καὶ ὕπνῳ, ὅτι ἐκεῖνον οὐχ ὁρῶ· ἡμέρᾳ δὲ καὶ ἡλίῳ τὴν μεγίστην χάριν οἶδα, ὅτι μοι Κλεινίαν ἀναφαίνουσι. Κύρῳ δὲ φίλος ἐγένετο τοῦτον τὸν τρόπον. ἦν αὐτῷ συνήθης Πρόξενος ὄνομα, γένος Βοιώτιος, μαθητὴς μὲν Γοργίου τοῦ Λεοντίνου, φίλος δὲ Κύρῳ. οὗτος ἐν Σάρδεσι διατρίβων παρὰ τῷ Κύρῳ ἔπεμψεν εἰς Ἀθήνας ἐπιστολὴν Ξενοφῶντι, καλῶν αὐτὸν ἵνα γένηται Κύρῳ φίλος. ὁ δὲ τὴν ἐπιστολὴν δεικνύει Σωκράτει καὶ σύμβουλον ᾑρεῖτο.

彼に対してクセノポンは次のように語ったとさえいう。「いまや私は、人間の間にある他のあらゆる美しいものを見るよりも、クリニアスを見るほうを好ましく思う。他のあらゆるものに対して盲目になったとしても、クリニアスひとりがそこにいてくれるなら甘受しよう。私は夜も眠りも鬱陶しいと思う、彼を見ることができないからである。しかし昼と太陽には最大の感謝を抱いている、それらが私にクリニアスを見せてくれるからである。」彼がキュロスの友人となったのは次のような経緯による。彼にはプロクセノスという名の親友がおり、ボイオティアの生まれで、レオンティノイのゴルギアスの弟子であり、キュロスの友人であった。この者がサルディスでキュロスのもとに滞在していたとき、アテナイのクセノポンへ手紙を送り、キュロスの友人となるよう彼を招いた。クセノポンはその手紙をソクラテスに見せて助言を求めた。

καὶ ὃς ἀπέστειλεν αὐτὸν εἰς Δελφοὺς χρησόμενον τῷ θεῷ. πείθεται Ξενοφῶν· ἥκει παρὰ τὸν θεόν· πυνθάνεται οὐχὶ εἰ χρὴ ἀπιέναι πρὸς Κῦρον, ἀλλʼ ὅπως³· ἐφʼ ᾧ καὶ Σωκράτης αὐτὸν ᾐτιάσατο, συνεβούλευσε δὲ ἐξελθεῖν. καὶ ὃς γίνεται παρὰ Κύρῳ, καὶ τοῦ Προξένου φίλος οὐχ ἧττον ἦν αὐτῷ. τὰ μὲν οὖν ἄλλα τὰ κατὰ τὴν ἀνάβασιν γενόμενα καὶ τὴν κάθοδον ἱκανῶς αὐτὸς ἡμῖν διηγεῖται. ἐχθρῶς δὲ διέκειτο πρὸς Μένωνα τὸν Φαρσάλιον παρὰ τὸν χρόνον τῆς ἀναβάσεως τὸν ξεναγόν· ὅτε καὶ λοιδορῶν αὐτόν φησιν αὑτοῦ μείζοσι κεχρῆσθαι παιδικοῖς. ἀλλὰ καὶ Ἀπολλωνίδῃ τινὶ ὀνειδίζει τετρῆσθαι τὰ ὦτα.

そしてソクラテスは、神託を乞うために彼をデルポイへ遣わした。クセノポンは従い、神の御前に至ったが、キュロスのもとへ赴くべきかどうかではなく、どのようにして赴くべきかを尋ねた。そのためソクラテスは彼を咎めもしたが、旅立つことを勧めた。こうして彼はキュロスのもとに赴き、プロクセノスに劣らずキュロスの友人となった。さて、内陸への進軍および帰還の途上で生じたその他の事柄については、彼自身が私たちに十分に語っている。彼は進軍の期間中、傭兵隊長であるパルサロスのメノンに対して敵対心を抱いていた。その際、彼を罵って、自らより年上の美少年を愛人としていると述べている。そればかりか、あるアポロニデスに対しては耳に穴が開けられているとなじっている。

Μετὰ δὲ τήν τʼ ἀνάβασιν καὶ τὰς ἐν τῷ Πόντῳ συμφορὰς καὶ τὰς παρασπονδήσεις τὰς Σεύθου τοῦ τῶν Ὀδρυσῶν βασιλέως ἧκεν εἰς Ἀσίαν πρὸς Ἀγησίλαον τὸν τῶν Λακεδαιμονίων βασιλέα, μισθοῦ τοὺς Κύρου στρατιώτας αὐτῷ παρασχών· φίλος τʼ ἦν εἰς ὑπερβολήν. παρʼ ὃν καιρὸν ἐπὶ Λακωνισμῷ φυγὴν ὑπʼ Ἀθηναίων κατεγνώσθη. γενόμενος δʼ ἐν Ἐφέσῳ καὶ χρυσίον ἔχων τὸ μὲν ἥμισυ Μεγαβύζῳ δίδωσι τῷ τῆς Ἀρτέμιδος ἱερεῖ φυλάττειν, ἕως ἂν ἐπανέλθοι· εἰ δὲ μή, ἄγαλμα ποιησάμενον ἀναθεῖναι τῇ θεῷ· τοῦ δὲ ἡμίσεος ἔπεμψεν εἰς Δελφοὺς ἀναθήματα. ἐντεῦθεν ἦλθεν εἰς τὴν Ἑλλάδα μετʼ Ἀγησιλάου, κεκλημένου εἰς τὸν πρὸς Θηβαίους πόλεμον· καὶ αὐτῷ προξενίαν ἔδοσαν οἱ Λακεδαιμόνιοι.

内陸への進軍とポントスでの災難、そしてオドリュサイの王セウテスの背約の後、彼は小アジアへ赴いてラケダイモン人の王アゲシラオスのもとに身を寄せ、報酬と引き換えにキュロスの兵士たちを彼に引き渡した。そしてこの上ない友人となった。その折、親スパルタのゆえに彼はアテナイ人から追放の判決を下された。エペソスに赴いた際、黄金を携えていた彼は、その半分をアルテミスの神官メガビュゾスに渡し、自らが帰還するまで保管し、もし帰還しなければ女神のために像を造って奉納するよう託した。そして残る半分から、彼はデルポイに奉納品を送った。そこから彼は、テーバイ人との戦争に召集されたアゲシラオスとともにギリシアへ渡り、ラケダイモン人たちは彼にポリス客代議員の身分を与えた。

Ἐντεῦθεν ἐάσας τὸν Ἀγησίλαον ἧκεν εἰς Σκιλλοῦντα, χωρίον τῆς Ἠλείας ὀλίγον τῆς πόλεως ἀπέχον. εἵπετο δὲ αὐτῷ καὶ γύναιον ὄνομα Φιλησία, καθά φησι Δημήτριος ὁ Μάγνης, καὶ δύο υἱεῖς, Γρύλλος καὶ Διόδωρος, ὥς φησι Δείναρχος ἐν τῷ πρὸς Ξενοφῶντα ἀποστασίου, οἳ καὶ Διόσκουροι ἐπεκαλοῦντο. ἀφικομένου δὲ τοῦ Μεγαβύζου κατὰ πρόφασιν τῆς πανηγύρεως, κομισάμενος τὰ χρήματα χωρίον ἐπρίατο καὶ καθιέρωσε τῇ θεῷ, διʼ οὗ ποταμὸς ἔρρει Σελινοῦς, ὁμώνυμος τῷ ἐν Ἐφέσῳ. τοὐντεῦθεν διετέλει κυνηγετῶν καὶ τοὺς φίλους ἑστιῶν καὶ τὰς ἱστορίας συγγράφων. φησὶ δʼ ὁ Δείναρχος ὅτι καὶ οἰκίαν καὶ ἀγρὸν αὐτῷ ἔδοσαν Λακεδαιμόνιοι.

そこから彼はアゲシラオスのもとを離れ、エリス地方の都から少し離れたスキルスという土地に移り住んだ。彼にはフィレシアという名の妻が従っており（マグネシアのデメトリオスが述べる通りである）、また二人の息子、グリュロスとディオドロスがいた（デイナルコスが『対クセノポン・後援関係解消訴訟』で述べる通りであり、彼らは「ディオスクロイ」とも呼ばれていた）。メガビュゾスが祭典にかこつけてやって来ると、クセノポンは金を回収して土地を買い、女神に奉献した。その土地には、エペソスの同名の川に因んだセリヌス川が流れていた。以後彼は狩猟を続け、友人たちをもてなし、歴史書を執筆して過ごした。デイナルコスは、ラケダイモン人たちが彼に家屋と畑地をも与えたと述べている。

Ἀλλὰ καὶ Φυλοπίδαν τὸν Σπαρτιάτην φασὶν αὐτῷ πέμψαι αὐτόθι δωρεὰν ἀνδράποδα αἰχμάλωτα ἐκ Δαρδάνου· καὶ τὸν διαθέσθαι αὐτὰ ὡς ἠβούλετο· Ἠλείους τε στρατευσαμένους εἰς τὸν Σκιλλοῦντα [καὶ] βραδυνόντων τῶν Λακεδαιμονίων ἐξελεῖν τὸ χωρίον. ὅτε καὶ τοὺς υἱέας αὐτοῦ εἰς Λέπρεον ὑπεξελθεῖν⁴ μετʼ ὀλίγων οἰκετῶν, καὶ αὐτὸν Ξενοφῶντα εἰς τὴν Ἦλιν πρότερον, εἶτα [καὶ] εἰς Λέπρεον πρὸς τοὺς παῖδας, κἀκεῖθεν σὺν αὐτοῖς εἰς Κόρινθον διασωθῆναι καὶ αὐτόθι κατοικῆσαι. ἐν τούτῳ δὲ ψηφισαμένων τῶν Ἀθηναίων βοηθεῖν Λακεδαιμονίοις ἔπεμψε τοὺς παῖδας εἰς τὰς Ἀθήνας στρατευσομένους ὑπὲρ τῶν Λακεδαιμονίων.

また、スパルタ人のピュロピダスが彼のもとへダルダノスからの捕虜の奴隷を贈り物として送り、クセノポンはそれらを思い通りに処遇したとも伝えられている。そしてエリス人たちがスキルスへ遠征し、ラケダイモン人たちが手間取っている間にその土地を奪還した。その際、彼の息子たちは少数の召使いたちとともにレプレオンへと脱出し、クセノポン自身もまずエリスへ、次いでレプレオンの子供たちのもとへ逃れ、そこから彼らとともにコリントスへ逃れて無事にたどり着き、そこに定住した。そうしたなか、アテナイ人たちがラケダイモン人を救援することを決議したため、彼はラケダイモン人たちのために従軍させようと息子たちをアテナイへ送った。

構文注4 件

2.6.48ἀποκριναμένου δὲ πάλιν πυθέσθαι
独立属格 ἀποκριναμένου（意味上の主語はクセノポン）を受けて、不定詞 πυθέσθαι（意味上の主語はソクラテス）が後続する。文頭の φασίν に支配された間接話法の構文で、主語の交替を分詞と不定詞で処理している。
2.6.49τυφλὸς δὲ τῶν ἄλλων πάντων δεξαίμην ἂν ἢ Κλεινίου ἑνὸς ὄντος γενέσθαι
τυφλὸς τῶν ἄλλων πάντων は分離・限定の属格で「他のすべてのものに対して盲目であること」を表す。デグリーの比較を表す ἤ が δεξαίμην ἂν（希求法＋ἄν＝潜在「〜を選び取ろう／甘受しよう」）と呼応し、全体として「他のすべてのものが見えなくなる方が、ただ一人クリニアスが見えなくなる（あるいはクリニアスを失う）ことよりもましである」という比較構造をなしている。
2.6.50οὐχὶ εἰ χρὴ ἀπιέναι πρὸς Κῦρον, ἀλλʼ ὅπως
間接疑問節を導く接続詞の対比（εἰ「〜すべきかどうか」と ὅπως「いかにして」）。ὅπως の後には、どのような神に祈れば旅が安全に遂行できるかを示す動詞句が文脈上省略されている。
2.6.53Ἀλλὰ καὶ Φυλοπίδαν ... φασὶν αὐτῷ πέμψαι ... Ἠλείους τε ... ἐξελεῖν ... ὅτε καὶ τοὺς υἱέας αὐτοῦ ... ὑπεξελθεῖν
主動詞 φασίν に支配された複数の対格不定詞句（πέμψαι, διαθέσθαι, ἐξελεῖν）が並列され、関係詞 ὅτε の節内でも不定詞（ὑπεξελθεῖν, διασωθῆναι, κατοικῆσαι）が間接話法の語りを継続している。

モデル：gemini-3.8-flashurn:cts:greekLit:tlg0004.tlg001.humanitext-grc2:2.6.48-2.6.53