ペイシストラトスとの応答とソロンの諸法令｜『ギリシア哲学者列伝』§1.2.52-1.2.56（ディオゲネス・ラエルティオス）ギリシア語原文・日本語訳

"εἰ δὲ πεπόνθατε δεινὰ διʼ ὑμετέρην κακότητα, μή τι θεοῖς τούτων μοῖραν ἐπαμφέρετε. αὐτοὶ γὰρ τούτους ηὐξήσατε, ῥύσια δόντες, καὶ διὰ ταῦτα κακὴν ἴσχετε δουλοσύνην. ὑμέων δʼ εἷς μὲν ἕκαστος ἀλώπεκος ἴχνεσι βαίνει, σύμπασιν δʼ ὑμῖν κοῦφος ἔνεστι νόος. εἰς γὰρ γλῶσσαν ὁρᾶτε καὶ εἰς ἔπη αἱμύλου ἀνδρός, εἰς ἔργον δʼ οὐδὲν γιγνόμενον βλέπετε." καὶ οὗτος μὲν ταῦτα. Πεισίστρατος δʼ αὐτῷ φεύγοντι τοῦτον ἐπέστειλε τὸν τρόπον·

「もし諸君が己の卑劣さゆえに非道な目に遭ったとしても、その責めの一端を神々に帰してはならない。諸君自らが身代わり（担保）を与えて彼らを増長させたのであり、それゆえに酷い隷属を被っているのだ。諸君は一人ひとりとしては狐の足跡を踏んで歩むものの、全体としては軽薄な心しか宿していない。諸君は口先巧みな男の舌と言葉には目を向けるが、実際に起きている事柄にはまったく目をとめない。」ソロンの書いた詩はこれである。これに対し、亡命中であった彼にペイシストラトスは次のように書き送った。

Πεισίστρατος Σόλωνι “Οὔτε μόνος Ἑλλήνων τυραννίδι ἐπεθέμην, οὔτε οὐ προσῆκόν μοι¹, γένους ὄντι τῶν Κοδριδῶν. ἀνέλαβον γὰρ ἐγὼ ἃ ὀμόσαντες Ἀθηναῖοι παρέξειν Κόδρῳ τε καὶ τῷ ἐκείνου γένει, ἀφείλοντο. τά τε ἄλλα ἁμαρτάνω οὐδὲν ἢ περὶ θεοὺς ἢ περὶ ἀνθρώπους· ἀλλὰ καθότι σὺ διέθηκας τοὺς θεσμοὺς Ἀθηναίοις, ἐπιτρέπω πολιτεύειν. καὶ ἄμεινόν γε πολιτεύουσιν ἢ κατὰ δημοκρατίαν· οὐκ ἐῶ γὰρ οὐδένα ὑβρίζειν· καὶ ὁ τύραννος ἐγὼ οὐ πλέον τι φέρομαι τἀξιώματος καὶ τῆς τιμῆς· ὁποῖα δὲ καὶ τοῖς πρόσθεν βασιλεῦσιν ἦν τὰ ῥητὰ γέρα. ἀπάγει δὲ ἕκαστος Ἀθηναίων τοῦ αὑτοῦ κλήρου δεκάτην, οὐκ ἐμοί, ἀλλʼ ὁπόθεν ἔσται ἀναλοῦν εἴς τε θυσίας δημοτελεῖς καὶ εἴ τι ἄλλο τῶν κοινῶν καὶ ἢν [ὁ] πόλεμος ἡμᾶς καταλάβῃ.

ペイシストラトスよりソロンへ「私はギリシア人の中でただ一人僭主の座を襲ったわけでもなく、コドロス裔の家柄の者として私にふさわしくない（資格のない）わけでもありません。私は、アテナイ人がコドロスおよびその一族に与えると誓いながら奪い取ったものを回復しただけなのです。その他の点でも、神々に対しても人間に対しても何ら罪を犯してはおりません。むしろ、あなたがアテナイ人に定めた法に従って国政を執ることを委ねております。現に人々は、民主政の時よりも良く国政を営んでおります。私が誰の横暴も許さないからです。また、僭主である私自身も、かつての王たちに定められていた特権と同様のもの以外に、名誉や特権を余分に享受しているわけではありません。アテナイ人の各人は自身の割り当て地から十分の一税を納めていますが、それは私のためではなく、公費による犠牲式やその他諸々の共有の用途、あるいは我らに戦争が降りかかった時に支弁するための財源としてなのです。

“Σοὶ δʼ ἐγὼ οὔτι μέμφομαι μηνύσαντι τὴν ἐμὴν διάνοιαν. εὐνοίᾳ γὰρ τῆς πόλεως μᾶλλον ἢ κατὰ τὸ ἐμὸν ἔχθος ἐμήνυες· ἔτι τε ἀμαθίᾳ τῆς ἀρχῆς, ὁποίαν τινὰ ἐγὼ καταστήσομαι. ἐπεὶ μαθὼν τάχʼ ἂν ἠνέσχου καθισταμένου, οὐδʼ ἔφυγες². ἐπάνιθι τοίνυν οἴκαδε, πιστεύων μοι καὶ ἀνωμότῳ, ἄχαρι μηδὲν πείσεσθαι Σόλωνα ἐκ Πεισιστράτου. ἴσθι γὰρ μηδʼ ἄλλον τινὰ πεπονθέναι τῶν ἐμοὶ ἐχθρῶν. εἰ δὲ ἀξιώσεις τῶν ἐμῶν φίλων εἷς εἶναι, ἔσῃ ἀνὰ πρώτους· οὐ γάρ τι ἐν σοὶ ἐνορῶ δολερὸν ἢ ἄπιστον· εἴτε ἄλλως Ἀθήνησιν οἰκεῖν, ἐπιτετράψεται. ἡμῶν δὲ οὕνεκα μὴ ἐστέρησο τῆς πατρίδος.

私は、私の企図を告発したあなたを決して責め立てはしません。あなたは私に対する敵意によるのではなく、都市に対する善意によって告発したのですし、さらには私がどのような支配を確立しようとしているのかを知らなかったからです。もしそれを知っていたなら、支配が確立されるのに耐え、逃亡もしなかったことでしょう。ですから、私を信じ、たとえ誓いを立てずとも、ソロンがペイシストラトスから何ら不快な仕打ちを受けることはないのだと信じて、故郷へお戻りください。私の敵の誰もそのような目に遭っていないことをお知りください。もし私の友人の一人となることを望まれるなら、第一等の友となられるでしょう。あなたの中には何の不実も不信も見出せないからです。あるいは、単にアテナイに住まうことだけを望むにしても、それは許されるでしょう。私のことゆえに祖国を奪われないでください。」

Ταῦτα μὲν Πεισίστρατος. Σόλων δὲ ὅρον ἀνθρωπίνου βίου φησὶν ἔτη ἑβδομήκοντα. Δοκεῖ δὲ καὶ κάλλιστα νομοθετῆσαι· ἐάν τις μὴ τρέφῃ τοὺς γονέας, ἄτιμος ἔστω· ἀλλὰ καὶ ὁ τὰ πατρῷα κατεδηδοκὼς ὁμοίως. καὶ ὁ ἀργὸς ὑπεύθυνος ἔστω παντὶ τῷ βουλομένῳ γράφεσθαι. Λυσίας δʼ ἐν τῷ κατὰ Νικίου Δράκοντά φησι γεγραφέναι τὸν νόμον, Σόλωνα δὲ τὸν ἡταιρηκότα εἴργειν τοῦ βήματος. συνέστειλε δὲ καὶ τὰς τιμὰς τῶν ἐν ἀγῶσιν ἀθλητῶν, Ὀλυμπιονίκῃ μὲν τάξας πεντακοσίας δραχμάς, Ἰσθμιονίκῃ δὲ ἑκατόν, καὶ ἀνὰ λόγον ἐπὶ τῶν ἄλλων. ἀπειρόκαλον γὰρ τὸ ἐξαίρειν τὰς τούτων τιμάς, ἀλλὰ μόνων ἐκείνων τῶν ἐν πολέμοις τελευτησάντων, ὧν καὶ τοὺς υἱοὺς δημοσίᾳ τρέφεσθαι καὶ παιδεύεσθαι.

ペイシストラトスの書簡は以上である。ソロンは人間の生涯の限度を七十年であると述べている。また、彼は最も優れた法を定めたと考えられている。もし誰かが両親を養わぬなら公民権剥奪（アティミア）とする。父祖の財産を食いつぶした者も同様である。怠惰な者は、告発を望む誰に対しても責任を負わねばならない。ただしリュシアスは『ニキアスに対する弁論』の中で、この法はドラコンが制定したものであり、ソロンは男根売春を行った者を演壇から締め出したのだと述べている。彼はまた、競技会における競技者への報奨金を削減し、オリュンピア勝者には五百ドラクマ、イストミア勝者には百ドラクマと定め、他の競技会でも相応に定めた。競技者の栄誉を高めることは悪趣味（野卑）であり、戦争で戦死した者たちのみ高めるべきであって、戦死者の息子たちこそは公費で養育され教育されるべきであると考えたからである。

Ὅθεν καὶ ἐζήλουν πολλοὶ καλοὶ κἀγαθοὶ γίνεσθαι κατὰ πόλεμον· ὡς Πολύζηλος, ὡς Κυνέγειρος, ὡς Καλλίμαχος, ὡς σύμπαντες οἱ Μαραθωνομάχοι· ἔτι τε Ἁρμόδιος καὶ Ἀριστογείτων καὶ Μιλτιάδης καὶ μυρίοι ὅσοι. ἀθληταὶ δὲ καὶ ἀσκούμενοι πολυδάπανοι, καὶ νικῶντες ἐπιζήμιοι καὶ στεφανοῦνται κατὰ τῆς πατρίδος μᾶλλον ἢ κατὰ τῶν ἀνταγωνιστῶν³· γέροντές τε γενόμενοι κατὰ τὸν Εὐριπίδην "τρίβωνες ἐκλιπόντες οἴχονται κρόκας." ὅπερ συνιδὼν ὁ Σόλων μετρίως αὐτοὺς ἀπεδέξατο. κάλλιστον δὲ κἀκεῖνο· τὸν ἐπίτροπον τῇ τῶν ὀρφανῶν μητρὶ μὴ συνοικεῖν, μηδʼ ἐπιτροπεύειν, εἰς ὃν ἡ οὐσία ἔρχεται τῶν ὀρφανῶν τελευτησάντων. κἀκεῖνο·

それゆえにこそ、多くの者が戦争において優れた立派な戦士となろうと競い合った。ポリュゼロス、キュネイゲイロス、カリマコス、そしてすべてのマラトンの戦士たちがそうであったし、さらにハルモディオスとアリストゲイトン、ミルティアデス、その他無数の人々がそうであった。他方、競技者は訓練に際して多額の費用がかかるうえ、勝利しても都市にとって損害となり、対戦相手に対してというよりはむしろ祖国に対して勝利の冠を戴くようなものである。そして老人になれば、エウリピデスの言葉にあるように、「すり切れた外套が横糸を失うように、消え失せてしまう」のである。ソロンはこのことを見抜いて、彼らをほどほどにしか優遇しなかった。また、次の定めもきわめて優れている。孤児たちの後見人は、その母親と同居してはならず、また孤児たちが死んだ場合にその遺産が巡ってくる相手は後見人になってはならないという定めである。さらに次の法も優れている。

構文注3 件

1.2.53οὔτε οὐ προσῆκόν μοι
二重否定（οὔτε οὐ）によって肯定（「ふさわしくないわけではない」「当然の権利である」）を強調する用法。非人称動詞 προσήκει の分詞中性形 προσῆκον が対格絶対または述語的に用いられ、「私に資格・権利がないわけでもない」を表す。
1.2.54ἐπεὶ μαθὼν τάχʼ ἂν ἠνέσχου καθισταμένου, οὐδʼ ἔφυγες
接続詞 ἐπεί は「さもなければ（もし知っていたならば）」という反実仮想的条件の帰結節を導入し、ἄν ＋直説法過去 ἠνέσχου（ἀνέχομαι のアオリスト）が過去の反実仮想を表す。καθισταμένου は無主語の独立属格で「政権・事態が確立されつつあるのを」と解される。
1.2.56κατὰ τῆς πατρίδος μᾶλλον ἢ κατὰ τῶν ἀνταγωνιστῶν
前置詞 κατά ＋属格が敵対・不利益（「〜に対して」「〜を害して」）を表す用法。運動選手が戴冠することが、競技相手に対する勝利というよりは、公費の浪費等を通じてむしろ祖国に敵対し損害を与えるものであるという批判的ニュアンスを示す。

モデル：gemini-3.8-flashurn:cts:greekLit:tlg0004.tlg001.humanitext-grc2:1.2.52-1.2.56