§422ἐς δὲ τὴν Σεγεστικὴν γῆν οἱ Ῥωμαῖοι δὶς πρότερον ἐμβαλόντες οὔτε ὅμηρον οὔτε ἄλλο τι εἰλήφεσαν·
로마인들은 이전에 두 번 세게스티카 지방에 침입했으나 인질도 다른 어떤 것도 얻지 못했다.
ὅθεν ἦσαν ἐπὶ φρονήματος οἱ Σεγεστανοί.
이 때문에 세게스타인들은 자부심에 차 있었다.
ὁ δὲ Καῖσαρ αὐτοῖς ἐπῄει διὰ τῆς Παιόνων γῆς, οὔπω Ῥωμαίοις οὐδὲ τῆσδε ὑπηκόου γενομένης.
그러나 카이사르는 로마인들에게 아직 복속되지 않은 파이오니아인의 땅을 거쳐 그들에게 진군했다.
ὑλώδης δʼ ἐστὶν ἡ Παιόνων, καὶ ἐπιμήκης ἐξ Ἰαπόδων ἐπὶ Δαρδάνους.
파이오니아인의 땅은 울창한 숲이 우거져 있으며, 이아포데스인에게서 다르다니아인에 이르기까지 길게 뻗어 있다.
καὶ οὐ πόλεις ᾤκουν οἱ Παίονες οἵδε, ἀλλʼ ἀγροὺς ἢ κώμας κατὰ συγγένειαν· οὐδʼ ἐς βουλευτήρια κοινὰ συνῄεσαν, οὐδʼ ἄρχοντες αὐτοῖς ἦσαν ἐπὶ πᾶσιν.
이 파이오니아인들은 도시에 살지 않고 씨족별로 들판이나 마을에 살았으며, 공동의 평의회 회당에 모이지도 않았고, 전체를 통솔하는 지배자도 없었다.
οἱ δʼ ἐν ἡλικίᾳ μάχης ἐς δέκα μυριάδας συνετέλουν.
전투 연령에 달한 남성들은 총 십만 명에 달했다.
ἀλλʼ οὐδʼ οὗτοι συνῄεσαν ἀθρόοι διʼ ἀναρχίαν.
그러나 무정부 상태였기 때문에 이들조차도 한데 모이지 않았다.
προσιόντος δʼ αὐτοῖς τοῦ Καίσαρος, ἐς τὰς ὕλας ὑποφυγόντες τοὺς ἀποσκιδναμένους τῶν στρατιωτῶν ἀνῄρουν.
카이사르가 그들에게 다가가자, 그들은 숲속으로 도망쳐 대열에서 이탈한 로마 병사들을 죽였다.
ὁ δὲ Καῖσαρ ἕως μὲν ἤλπιζεν αὐτοὺς ἀφίξεσθαι πρὸς αὑτόν, οὔτε τὰς κώμας οὔτε τοὺς ἀγροὺς ἐλυμαίνετο, οὐκ ἀπαντώντων δὲ πάντα ἐνεπίμπρη καὶ ἔκειρεν ἐπὶ ἡμέρας ὀκτώ, ἐς ὃ διῆλθεν ἐς τὴν Σεγεστανῶν, καὶ τήνδε Παιόνων οὖσαν, ἐπὶ τοῦ Σάου ποταμοῦ, ἐν ᾧ καὶ πόλις ἔστιν ἐχυρά, τῷ τε ποταμῷ καὶ τάφρῳ μεγίστῃ διειλημμένη, διὸ καὶ μάλιστα αὐτῆς ἔχρῃζεν ὁ Καῖσαρ, ὡς ταμιείῳ χρησόμενος ἐς τὸν Δακῶν καὶ Βαστερνῶν πόλεμον, οἳ πέραν εἰσὶ τοῦ Ἴστρου, λεγομένου μὲν ἐνταῦθα Δανουβίου, γιγνομένου δὲ μετʼ ὀλίγον Ἴστρου.
카이사르는 그들이 자신에게 나아오기를 기대하는 동안에는 마을도 들판도 해치지 않았다. 그러나 그들이 응하지 않자 여드레 동안 모든 것을 불태우고 약탈하며 마침내 세게스타인의 땅으로 들어갔는데, 이곳 또한 파이오니아인의 땅으로 사우스강 가에 있었다. 그 강에는 강과 거대한 참호로 차단되어 보호받는 견고한 도시가 있었는데, 이 때문에 카이사르는 이스트로스강(이곳에서는 다누비오스강이라 불리고 조금 지나면 이스트로스강이 됨) 저편에 있는 다키아인 및 바스테르나이인과의 전쟁에서 이곳을 저장고로 사용할 의도로 특히 이 도시를 원했다.
ἐμβάλλει δʼ ὁ Σάος ἐς τὸν Ἴστρον· καὶ αἱ νῆες ἐν τῷ Σάῳ Καίσαρι ἐγίγνοντο, αἳ ἐς τὸν Δανούβιον αὐτῷ τὴν ἀγορὰν διοίσειν ἔμελλον.
사우스강은 이스트로스강으로 흘러들었으며, 카이사르를 위해 사우스강에서 배들이 건조되고 있었는데, 이 배들은 다누비오스강으로 군수품을 실어 나를 예정이었다.
§423διὰ μὲν δὴ ταῦτα τῆς Σεγέστης ἔχρῃζεν ὁ Καῖσαρ·
참으로 이러한 이유 때문에 카이사르는 세게스타를 원했다.
προσιόντι δὲ αὐτῷ οἱ Σεγεστανοὶ προσέπεμψαν, πυνθανόμενοι τίνος χρῄζει.
그가 다가가자 세게스타인들은 사절을 보내 그가 무엇을 원하는지 물었다.
ὁ δὲ φρουρὰν ἐσαγαγεῖν ἔφη, καὶ ὁμήρους ἑκατὸν λαβεῖν, ἵνʼ ἀσφαλῶς ταμιείῳ τῇ πόλει χρῷτο ἐπὶ Δάκας.
그는 다키아인들에 대항하여 이 도시를 저장고로 안전하게 사용하기 위해 주둔군을 들여보내고 인질 백 명을 받아야겠다고 말했다.
ᾔτει δὲ καὶ σῖτον, ὅσον δύναιντο φέρειν.
또한 그들이 제공할 수 있는 만큼의 곡물도 요구했다.
ταῦθʼ οἱ μὲν πρωτεύοντες ἠξίουν δοῦναι·
지도자들은 이것들을 바쳐야 마땅하다고 생각했다.
ὁ δὲ δῆμος ἐξαγριαίνων τὰ μὲν ὅμηρα διδόμενα περιεῖδεν, ὅτι ἴσως οὐ παρὰ σφῶν ἀλλὰ τῶν πρωτευόντων παῖδες ἦσαν, προσιούσης δὲ τῆς φρουρᾶς τὴν ὄψιν οὐκ ἐνεγκόντες ὁρμῇ μανιώδει τὰς πύλας αὖθις ἀπέκλειον καὶ αὑτοὺς τοῖς τείχεσιν ἐπέστησαν.
그러나 민중은 격분하여, 인질이 제공되는 것에 대해서는 아마 자신들의 아이가 아니라 지도자들의 아이였기 때문인지 묵인했으나, 주둔군이 다가오는 모습은 견디지 못하고 미친 듯한 기세로 다시 성문을 닫아걸고 성벽 위로 올라가 자리를 잡았다.
ὁ οὖν Καῖσαρ τόν τε ποταμὸν ἐγεφύρου, καὶ χάρακας καὶ τάφρους πάντοθεν ἐποιεῖτο, ἀποτειχίσας δʼ αὐτοὺς δύο χώματα ἔχου.
이에 카이사르는 강에 다리를 놓고 사방에 울타리와 참호를 만들었으며, 그들을 봉쇄한 뒤 두 개의 토루를 쌓아 올렸다.
οἷς ἐπέδραμον μὲν οἱ Σεγεστανοὶ πολλάκις, οὐ δυνηθέντες δʼ ἑλεῖν λαμπάδας καὶ πῦρ πολὺ ἄνωθεν ἐπέβαλλον.
세게스타인들은 이 토루들을 여러 번 습격했으나 탈취하지 못하자, 위에서 횃불과 많은 불을 던져댔았다.
προσιούσης δʼ αὐτοῖς Παιόνων ἑτέρων βοηθείας, ὁ Καῖσαρ ὑπαντήσας ἐνήδρευσεν αὐτήν·
그들을 도우려는 다른 파이오니아인 원군이 다가가자, 카이사르는 마중 나가 매복 공격을 가했다.
καὶ οἱ μὲν ἀνῃρέθησαν, οἱ δʼ ἔφυγον, καὶ οὐδεὶς ἔτι Παιόνων ἐβοήθει.
이들 중 일부는 죽고 나머지는 도망쳤으며, 더 이상 파이오니아인 중에서 구하러 오는 자는 없었다.
§424οἱ Σεγεστανοὶ δὲ πᾶσαν πολιορκίαν ὑποστάντες ἡμέρᾳ τριακοστῇ κατὰ κράτος ἐλήφθησαν, καὶ τότε πρῶτον ἤρξαντο ἱκετεύειν.
세게스타인들은 온갖 포위를 견뎌냈으나 서른째 날에 강습으로 함락되었고, 그때서야 처음으로 탄원하기 시작했다.
καὶ αὐτοὺς ὁ Καῖσαρ ἐπαίνῳ τε τῆς ἀρετῆς καὶ ἐλέῳ τῆς ἱκεσίας οὔτε ἔκτεινεν οὔτε ἀνέστησεν, ἀλλὰ χρήμασιν ἐζημίωσε, καὶ τῆς πόλεως μέρος διατειχίσας ἐσήγαγεν ἐς αὐτὸ φρουρὰν πέντε καὶ εἴκοσι σπειρῶν.
카이사르는 그들의 용맹함을 칭찬하고 그들의 탄원을 불쌍히 여겨, 그들을 죽이지도 추방하지도 않았으나 벌금을 물렸고, 도시의 한 구획을 장벽으로 격리한 뒤 그곳에 이십오 개 코호르트의 주둔군을 들여보냈다.
καὶ ὁ μὲν τάδʼ ἐργασάμενος ἐς Ῥώμην ἀνέζευξεν, ὡς ἦρος ἐπανήξων ἐς τὴν Ἰλλυρίδα.
이렇게 이 일들을 마친 뒤, 그는 봄이 되면 일리리아로 돌아올 생각으로 로마로 철수했다.
φήμης δʼ ἐπιδραμούσης ὅτι τὴν φρουρὰν οἱ Σεγεστανοὶ διέφθειραν, ἐξέθορε χειμῶνος.
그러나 세게스타인들이 주둔군을 전멸시켰다는 소문이 급속히 퍼지자, 그는 겨울임에도 급히 출격했다.
καὶ τὸ μὲν τέλος τῆς φήμης ψευδὲς ηὗρε, τὴν δὲ αἰτίαν ἀληθῆ·
그는 소문의 결말은 거짓이고 그 원인은 사실임을 알게 되었다.
ἐγεγόνεσαν γὰρ ἐν κινδύνῳ, τῶν Σεγεστανῶν αὐτοὺς ἄφνω περιστάντων, καὶ πολλοὺς τὸ αἰφνίδιον ἀπωλωλέκει, τῆς δʼ ἐπιούσης προελθόντες ἐκράτουν τῶν Σεγεστανῶν.
실제로 주둔군은 세게스타인들에게 갑자기 둘러싸여 위기에 처해 있었고 불시의 습격으로 많은 이가 목숨을 잃었으나, 이튿날 앞으로 나아가 세게스타인들을 제압했기 때문이었다.
ὁ οὖν Καῖσαρ ἐπὶ Δαλμάτας μετῄει, γένος ἕτερον Ἰλλυριῶν, Ταυλαντίοις ὅμορον.
그리하여 카이사르는 타울란티인들과 이웃한 일리리아인의 또 다른 부족인 달마티아인들에게로 향했다.