§9.18.1καὶ μὴν Κλεομένης ὁ Σπαρτιάτης προθέμενος διὰ πράξεως ἑλεῖν τὴν τῶν Μεγαλοπολιτῶν πόλιν, συνετάξατο τοῖς τὸ τεῖχος φυλάττουσι τὸ κατὰ τὸν Φωλεὸν καλούμενον νυκτὸς ἥξειν μετὰ τῆς δυνάμεως κατὰ τρίτην φυλακήν·
또한 실로 스파르타의 클레오메네스는 내통을 통해 메갈로폴리스인들의 도시를 탈취하려고 계획하고, 포레오스라 불리는 곳의 성벽을 경비하는 자들과 밤의 제3경에 군대를 거느리고 도착하기로 약속했다.
τοῦτον γὰρ ἐφύλαττον τὸν καιρὸν τὸ τεῖχος οἱ συμπράττοντες αὐτῷ.
그에게 협력하는 자들이 이 시간대에 그 성벽을 지키고 있었기 때문이다.
§9.18.2οὐκέτι δὲ προνοηθεὶς ὅτι περὶ τὴν τῆς Πλειάδος ἐπιτολὴν τελέως ἤδη βραχείας εἶναι συμβαίνει τὰς νύκτας, ἐκίνησε τὴν δύναμιν ἐκ τῆς Λακεδαίμονος περὶ δυσμὰς ἡλίου.
그러나 그는 플레이아데스 성단이 떠오를 무렵에는 밤이 이미 완전히 짧아진다는 점을 염두에 두지 못하고, 일몰 무렵에 라케다이몬에서 군대를 출발시켰다.
§9.18.3λοιπὸν οὐ δυνάμενος καταταχεῖν, ἀλλὰ τῆς ἡμέρας καταλαμβανούσης εἰκῇ καὶ ἀλόγως βιαζόμενος, αἰσχρῶς ἐξέπεσε, πολλοὺς ἀποβαλὼν καὶ κινδυνεύσας τοῖς ὅλοις·
결국 그는 제시간에 도달하지 못했고, 날이 밝아오는 가운데 무모하고 불합리하게 강공을 시도하다가 비참하게 격퇴당했으며, 많은 병사를 잃고 대세 전체를 위태롭게 만들었다.
§9.18.4ὃς εἰ κατὰ τὸ συνταχθὲν ηὐστόχησε τοῦ καιροῦ καὶ κρατούντων τῆς εἰσόδου τῶν συνεργούντων εἰσήγαγε τὴν δύναμιν, οὐκ ἂν διεψεύσθη τῆς ἐπιβολῆς.
그가 만일 약속대로 제시간을 맞추었고 협력자들이 입구를 장악하고 있는 동안에 군대를 진입시켰더라면, 그의 기도는 실패하지 않았을 것이다.
πάλιν ὁμοίως Φίλιππος ὁ βασιλεύς, §9.18.5ὡς ἐπάνω προεῖπον, πρᾶξιν ἔχων ἐκ τῆς τῶν Μελιταιῶν πόλεως κατὰ δύο τρόπους ἥμαρτε·
마찬가지로 또 필립포스 왕도, 내가 위에서 말했듯이, 멜리타이아인들의 도시에 대한 작전을 수행함에 있어 두 가지 방식으로 실수를 범했다.
καὶ γὰρ τὰς κλίμακας ἐλάττους ἔχων ἦλθε τῆς χρείας καὶ τοῦ καιροῦ διέπεσε.
즉, 필요한 크기보다 더 짧은 사다리를 가지고 도달했을 뿐만 아니라, 시간마저 맞추지 못했던 것이다.
§9.18.6συνταξάμενος γὰρ ἥξειν περὶ μέσας νύκτας κατακεκοιμημένων ἤδη πάντων, πρὸ τοῦ δέοντος καιροῦ κινήσας ἐκ Λαρίσης καὶ προσπεσὼν πρὸς τὴν τῶν Μελιταιῶν χώραν, οὔτʼ ἐπιμένειν ἐδύνατο, δεδιὼς μὴ προσαγγελθείη τοῖς ἔνδον, οὔτʼ ἀνακάμψας ἔτι λαθεῖν.
그는 모두가 이미 깊이 잠든 자정 무렵에 도착하기로 약속해 두고서도, 적절한 시간보다 먼저 라리사에서 출발하여 멜리타이아인들의 영토에 들이닥쳤기에, 성 안의 사람들에게 고발당할까 두려워 머무를 수도 없었고, 되돌아가면서 탄로나지 않을 수도 없었다.
§9.18.7διόπερ ἀναγκαζόμενος εἰς τοὔμπροσθεν προάγειν, ἧκε πρὸς τὴν πόλιν ἀκμὴν τῶν ἀνθρώπων ἐγρηγορότων.
그리하여 앞으로 나아갈 수밖에 없게 된 그는 사람들이 한창 깨어 있는 시간에 도시에 도달했다.
§9.18.8ὅθεν οὔτε διὰ τῶν κλιμάκων ἠδύνατο βιάζεσθαι διὰ τὴν ἀσυμμετρίαν οὔτε διὰ τῆς πύλης εἰσελθεῖν τῷ μὴ δύνασθαι τοὺς ἔνδον αὐτῷ συνεργεῖν διὰ τὸν καιρόν.
이 때문에 그는 사다리의 크기가 맞지 않아 사다리를 통해 강행 돌파할 수도 없었고, 시간 때문에 성 안의 자들이 협력할 수 없어 성문을 통해 들어갈 수도 없었다.
§9.18.9τέλος διερεθίσας τοὺς ἐν τῇ πόλει καὶ πολλοὺς τῶν ἰδίων ἀποβαλών, μετʼ αἰσχύνης ἄπρακτος ἐπανῆλθε, πᾶσι καὶ τοῖς ἄλλοις παρηγγελκὼς ἀπιστεῖν αὐτῷ καὶ φυλάττεσθαι.
결국 성 안의 사람들을 자극하고 자기 부하들을 많이 잃은 채, 불명예스럽게 아무런 성과 없이 돌아갔으니, 이는 다른 모든 이들에게도 자신을 불신하고 경계하도록 경고한 셈이 되었다。