§8.31.1ἤδη δὲ τοῦ μὲν Ἀννίβου παρεμβεβληκότος τὴν δύναμιν εἰς τὴν ἀγοράν, τῶν δὲ Ῥωμαίων ἀποκεχωρηκότων εἰς τὴν ἄκραν διὰ τὸ προκατεσχῆσθαι φρουρᾷ ταύτην ὑπʼ αὐτῶν, ὄντος δὲ φωτὸς εἰλικρινοῦς, ὁ μὲν Ἀννίβας ἐκήρυττε τοὺς Ταραντίνους ἄνευ τῶν ὅπλων ἁθροίζεσθαι πάντας εἰς τὴν ἀγοράν,
이미 한니발이 자신의 군대를 광장으로 진입시켰고, 로마인들은 요새가 자신들에 의해 미리 수비대로 확보되어 있었기 때문에 그곳으로 후퇴해 있었으며, 날이 완전히 밝았을 때, 한니발은 타란툼인들 전원에게 무기 없이 광장으로 모이도록 대외적으로 포고했다.
§8.31.2οἱ δὲ νεανίσκοι περιπορευόμενοι τὴν πόλιν ἐβόων ἐπὶ τὴν ἐλευθερίαν, καὶ παρεκάλουν θαρρεῖν, ὡς ὑπὲρ ἐκείνων παρόντας τοὺς Καρχηδονίους.
한편 청년들은 시내를 돌아다니며 자유를 외쳤고, 카르타고인들이 그들을 위해 와 있는 것이라 말하며 안심하라고 권고했다.
§8.31.3ὅσοι μὲν οὖν τῶν Ταραντίνων προκατείχοντο τῇ πρὸς τοὺς Ῥωμαίους εὐνοίᾳ, γνόντες ἀπεχώρουν εἰς τὴν ἄκραν· οἱ δὲ λοιποὶ κατὰ τὸ κήρυγμα συνηθροίζοντο χωρὶς τῶν ὅπλων, πρὸς οὓς Ἀννίβας φιλανθρώπους διελέχθη λόγους.
그리하여 타란툼인들 중에서 로마인들에 대한 호의를 미리 품고 있던 이들은 사태를 알아차리고 요새로 물러났으나, 나머지 이들은 포고에 따라 무기 없이 모였고, 이들에게 한니발은 호의적인 말을 건넸다.
§8.31.4τῶν δὲ Ταραντίνων ὁμοθυμαδὸν ἐπισημηναμένων ἕκαστα τῶν λεγομένων διὰ τὸ παράδοξον τῆς ἐλπίδος, τότε μὲν διαφῆκε τοὺς πολλούς, συντάξας ἕκαστον εἰς τὴν ἰδίαν οἰκίαν ἐπανελθόντας μετὰ σπουδῆς ἐπὶ τὴν θύραν ἐπιγράψαι ΤΑΡΑΝΤΙΝΟΥ.
타란툼인들이 예상치 못한 희망 덕분에 그의 말 한마디 한마디에 일제히 환호하자, 그때 그는 대중을 해산시키면서, 각자 서둘러 자신의 집으로 돌아가 문에 "타란툼인의 것"이라고 적어 넣도록 명령했다.
§8.31.5τῷ δʼ ἐπὶ τὴν Ῥωμαϊκὴν κατάλυσιν ἐπιγράψαντι ταὐτὸ τοῦτο θάνατον ὥρισε τὴν ζημίαν.
그러나 로마인의 숙소에 이와 똑같은 글을 적어 넣는 자에게는 그 벌로 사형을 규정했다.
§8.31.6αὐτὸς δὲ διελὼν τοὺς ἐπιτηδειοτάτους τῶν ἐπὶ τῶν πραγμάτων ἐφῆκε διαρπάζειν τὰς τῶν Ῥωμαίων οἰκίας, σύνθημα δοὺς πολεμίας νομίζειν τὰς ἀνεπιγράφους, τοὺς δὲ λοιποὺς συνέχων ἐν τάξει τούτοις ἐφέδρους.
그리고 자신은 실무에 가장 적합한 자들을 가려내어 로마인들의 집을 약탈하도록 허용했으며, 글이 적혀 있지 않은 집은 적의 것으로 간주하라는 신호를 주는 한편, 나머지 이들은 대열을 유지시킨 채 이들을 위한 예비대로 대기하게 했다.