§8.28.1τὰ δὲ συγκείμενα τοῖς νεανίσκοις ἦν πρὸς τοὺς Καρχηδονίους·
젊은이들이 카르타고인들과 합의한 내용은 다음과 같았다.
§8.28.2τὸν μὲν Ἀννίβαν ἔδει συνάψαντα τῇ πόλει κατὰ τὴν ἀπὸ τῆς μεσογαίου, πρὸς ἕω δὲ κειμένην πλευράν, ὡς ἐπὶ τὰς Τημενίδας προσαγορευομένας πύλας, ἀνάψαι πῦρ ἐπὶ τοῦ τάφου, τοῦ παρὰ μέν τισιν Ὑακίνθου προσαγορευομένου, παρὰ δέ τισιν Ἀπόλλωνος Ὑακίνθου, §8.28.3τοὺς δὲ περὶ τὸν Τραγίσκον, ὅταν ἴδωσι τοῦτο γινόμενον, ἔνδοθεν ἀντιπυρσεῦσαι.
한니발은 내륙으로부터 와서 동쪽에 위치한 도시의 한쪽 면, 즉 테메니데스라고 불리는 문 근처에 이르러, 어떤 이들에게는 히아킨토스의 무덤이라 불리고 다른 이들에게는 아폴론 히아킨토스의 무덤이라 불리는 무덤 위에서 불을 밝혀야 했고, 트라기스코스 일행은 이것이 일어나는 것을 보았을 때 안에서 맞불을 놓아 신호를 보내야 했다.
§8.28.4τούτου δὲ συντελεσθέντος, σβέσαι τὸ πῦρ ἔδει τοὺς περὶ τὸν Ἀννίβαν καὶ βάδην ποιεῖσθαι τὴν πορείαν ὡς ἐπὶ τὴν πύλην.
이 일이 완료되면 한니발 일행은 불을 끄고 문을 향해 천천히 걸어가야 했다.
§8.28.5ὧν διατεταγμένων, οἱ μὲν νεανίσκοι διαπορευθέντες τὸν οἰκούμενον τόπον τῆς πόλεως ἧκον ἐπὶ τοὺς τάφους.
이러한 조치들이 마련되자, 젊은이들은 도시의 주거 구역을 가로질러 무덤들이 있는 곳으로 왔다.
§8.28.6τὸ γὰρ πρὸς ἕω μέρος τῆς τῶν Ταραντίνων πόλεως μνημάτων ἐστὶ πλῆρες, διὰ τὸ τοὺς τελευτήσαντας ἔτι καὶ νῦν θάπτεσθαι παρʼ αὐτοῖς πάντας ἐντὸς τῶν τειχῶν κατά τι λόγιον ἀρχαῖον.
타란툼 시의 동쪽 부분은 무덤들로 가득 차 있는데, 이는 어떤 오래된 신탁에 따라 죽은 이들을 지금도 여전히 모두 성벽 내부에 묻기 때문이다.
§8.28.7φασὶ γὰρ χρῆσαι τὸν θεὸν τοῖς Ταραντίνοις ἄμεινον καὶ λῷον ἔσεσθαί σφισι ποιουμένοις τὴν οἴκησιν μετὰ τῶν πλειόνων.
신께서 타란툼인들에게 그들이 ‘더 많은 이들’과 함께 거처를 마련한다면 그들에게 더 좋고 훌륭할 것이라는 신탁을 내리셨다고 하기 때문이다.
§8.28.8τοὺς δὲ νομίσαντας ἂν οἰκῆσʼ οὕτως ἄριστα κατὰ τὸν χρησμόν, εἰ καὶ τοὺς μετηλλαχότας ἐντὸς τοῦ τείχους ἔχοιεν, διὰ ταῦτα θάπτειν ἔτι καὶ νῦν τοὺς μεταλλάξαντας ἐντὸς τῶν πυλῶν.
그리하여 그들은 만약 세상을 떠난 이들까지 성벽 안에 둔다면 신탁에 따라 이와 같이 가장 훌륭하게 거주하는 것이 되리라 생각하여, 이 때문에 지금도 여전히 죽은 이들을 성문 안에 묻고 있다.
§8.28.9οὐ μὴν ἀλλʼ οἵ γε προειρημένοι παραγενόμενοι πρὸς τὸν τοῦ Πυθιονίκου τάφον ἐκαραδόκουν τὸ μέλλον.
어쨌든 앞서 말한 젊은이들은 피티오니코스의 무덤으로 가서 앞으로 일어날 일을 학수고대하며 기다리고 있었다.
§8.28.10συνεγγισάντων δὲ τῶν περὶ τὸν Ἀννίβαν καὶ πραξάντων τὸ συνταχθέν, ἅμα τῷ τὸ πῦρ ἰδεῖν οἱ περὶ τὸν Νίκωνα καὶ Τραγίσκον ἀναθαρρήσαντες ταῖς ψυχαῖς καὶ τὸν παρʼ αὑτῶν πυρσὸν ἀναδείξαντες, ἐπεὶ τὸ παρʼ ἐκείνων πῦρ πάλιν ἑώρων ἀποσβεννύμενον, ὥρμησαν ἐπὶ τὴν πύλην μετὰ δρόμου καὶ σπουδῆς,
한니발 일행이 가까이 와서 지시받은 행동을 하자, 니콘과 트라기스코스 일행은 불을 보자마자 마음에 용기를 얻어 자신들의 횃불을 들어 보였고, 저쪽의 불이 다시 꺼지는 것을 보았을 때 달려서 다급하게 문을 향해 돌진했다.
§8.28.11βουλόμενοι φθάσαι φονεύσαντες τοὺς ἐπὶ τοῦ πυλῶνος τεταγμένους, διὰ τὸ συγκεῖσθαι [καὶ] σχολῇ καὶ βάδην ποιεῖσθαι τὴν πορείαν τοὺς Καρχηδονίους.
이는 카르타고인들이 여유를 갖고 천천히 걸어서 전진하기로 합의되어 있었기에, 그들이 도착하기 전에 문에 배치된 파수병들을 처단해 두고자 원했기 때문이다.
§8.28.12εὐροήσαντος δὲ τοῦ πράγματος, καὶ προκαταληφθέντων τῶν φυλαττόντων, οἱ μὲν ἐφόνευον τούτους, οἱ δὲ διέκοπτον τοὺς μοχλούς.
일이 순조롭게 풀려 파수병들이 미리 제압당하자, 일부는 이들을 살해했고 다른 이들은 빗장을 부수어 끊었다.
§8.28.13ταχὺ δὲ τῶν πυλῶν ἀνοιχθεισῶν, πρὸς τὸν δέοντα καιρὸν ἧκον οἱ περὶ τὸν Ἀννίβαν, κεχρημένοι τῇ πορείᾳ συμμέτρως, ὥστε μηδεμίαν ἐπίστασιν γενέσθαι παρʼ ὁδὸν ἐπὶ τὴν πόλιν.
문이 신속하게 열리자 한니발 일행은 적절한 타이밍에 도착했는데, 그들은 도시로 가는 도중에 아무런 지체도 생기지 않도록 속도를 맞추어 행군해 왔던 것이다.