§8.17.1καὶ λαβὼν καιρὸν πρῶτον ὁ Καμβύλος προσφέρει τῷ βασιλεῖ τὸν λόγον.
캄빌로스는 기회를 얻자마자 먼저 왕에게 이 이야기를 꺼냈다.
§8.17.2ὁ δʼ Ἀντίοχος, πρὸς τρόπον αὐτῷ καὶ παραδόξου γενομένης τῆς ἐπαγγελίας, τὰ μὲν ὑπερχαρὴς ὢν πάνθʼ ὑπισχνεῖτο, τὰ δὲ διαπιστῶν ἐξήταζε τὰς κατὰ μέρος ἐπινοίας καὶ παρασκευὰς αὐτῶν.
안티오코스는 그 제안이 자신에게 잘 맞으면서도 뜻밖이었기에, 한편으로는 크게 기뻐하며 모든 것을 약속하면서도, 다른 한편으로는 미심쩍어하며 그들의 세부적인 계획과 준비 상태를 캐물었다.
§8.17.3μετὰ δὲ ταῦτα πιστεύσας, καὶ νομίζων ὡς ἂν εἰ σὺν θεῷ γίνεσθαι τὴν ἐπιβολήν, ἠξίου καὶ πολλάκις ἐδεῖτο τοῦ Καμβύλου συντελεῖν τὴν πρᾶξιν.
이후 그는 이들을 믿게 되었고, 이 계획이 마치 신의 도우심으로 이루어지는 것처럼 생각하여, 캄빌로스에게 그 일을 완수해 달라고 요구하며 여러 번 간청했다.
§8.17.4τὸ δὲ παραπλήσιον ὁ Βῶλις ἐποίει πρὸς τὸν Νικόμαχον καὶ Μελαγκόμαν.
볼리스도 니코마코스와 멜란코마스에게 비슷한 일을 했다.
οἱ δὲ πιστεύοντες ἀπὸ τοῦ κρατίστου γίνεσθαι τὴν ἐπιβολήν, καὶ παραυτίκα τῷ Ἀριανῷ συνθέντες τὰς πρὸς τὸν Ἀχαιὸν ἐπιστολὰς γεγραμμένας συνθηματικῶς, καθάπερ ἔθος ἦν αὐτοῖς,
그들은 이 계획이 가장 순수한 의도에서 진행되는 것이라 믿고, 즉시 아리아노스에게 자신들의 관습대로 암호로 작성된 아카이오스행 편지들을 맡겼다.
§8.17.5οὕτως ὥστε τὸν κυριεύσαντα τῆς ἐπιστολῆς μὴ δύνασθαι γνῶναι μηδὲν τῶν ἐν αὐτῇ γεγραμμένων, ἐξαπέστειλαν παρακαλοῦντες πιστεύειν τοῖς περὶ τὸν Βῶλιν καὶ τὸν Καμβύλον.
그리하여 그 편지를 손에 넣은 자라 할지라도 그 안에 쓰인 내용을 전혀 알 수 없게 한 상태에서, 볼리스와 캄빌로스 일행을 믿으라고 권하며 아리아노스를 파견했다.
§8.17.6ὁ δʼ Ἀριανὸς διὰ τοῦ Καμβύλου παρελθὼν εἰς τὴν ἄκραν τὰ γεγραμμένα τοῖς περὶ τὸν Ἀχαιὸν ἀπέδωκε, καὶ συμπαρὼν ἀπὸ τῆς ἀρχῆς τοῖς γινομένοις ἀκριβῶς τὸν κατὰ μέρος ὑπὲρ ἑκάστων ἀπεδίδου λόγον, πολλάκις μὲν καὶ ποικίλως ὑπὲρ τῶν κατὰ τὸν Σωσίβιον καὶ Βῶλιν ἀνακρινόμενος, πολλάκις δὲ περὶ Νικομάχου καὶ Μελαγκόμα, μάλιστα δὲ περὶ τῶν κατὰ τὸν Καμβύλον.
아리아노스는 캄빌로스를 통해 요새로 들어가 아카이오스 일행에게 편지들을 전달했다. 그리고 처음부터 일어난 일들에 함께 참여했던 사람으로서 각 사항에 대해 정확하고 상세하게 보고했다. 그는 소시비오스와 볼리스에 관한 일들에 대해 여러 차례 다각도로 신문을 받았고, 니코마코스와 멜란코마스에 대해서도, 특히 캄빌로스에 관한 일에 대해 끊임없이 질문을 받았다.
§8.17.7οὐ μὴν ἀλλʼ αὐτοπαθῶς καὶ γενναίως ὑπέμενε τοὺς ἐλέγχους, καὶ μάλιστα διὰ τὸ μὴ γινώσκειν τὸ συνέχον τῶν τῷ Καμβύλῳ καὶ Βώλιδι δεδογμένων.
그러나 그는 자연스럽고도 당당하게 이 신문들을 견뎌냈는데, 이는 특히 그가 캄빌로스와 볼리스 사이에서 결정된 핵심적인 음모를 알지 못했기 때문이었다.
§8.17.8Ἀχαιὸς δὲ καὶ διὰ τῶν ἀνακρίσεων τῶν τοῦ Ἀριανοῦ καὶ μάλιστα διὰ τῶν παρὰ τοῦ Νικομάχου καὶ Μελαγκόμα συνθημάτων πιστεύσας ἀντεφώνησε, καὶ παραχρῆμα πάλιν ἐξέπεμψε τὸν Ἀριανόν.
아카이오스는 아리아노스에 대한 신문뿐만 아니라, 특히 니코마코스와 멜란코마스가 보낸 암호를 통해 믿음을 갖게 되어 회답을 썼고, 즉시 아리아노스를 다시 돌려보냈다.
§8.17.9πλεονάκις δὲ τούτου γινομένου παρʼ ἑκατέρων, τέλος οἱ περὶ τὸν Ἀχαιὸν ἐπέτρεψαν περὶ σφῶν τοῖς περὶ τὸν Νικόμαχον, ἅτε μηδεμιᾶς ἄλλης ἐλπίδος ἔτι καταλειπομένης πρὸς σωτηρίαν, καὶ πέμπειν ἐκέλευον ἅμα τῷ Ἀριανῷ τὸν Βῶλιν ἀσελήνου νυκτός, ὡς ἐγχειριοῦντες αὑτούς.
양측 사이에 이러한 왕래가 여러 번 거듭된 끝에, 아카이오스 일행은 이제 구원을 위한 다른 희망이 전혀 남아 있지 않았기에 자신들의 몸을 니코마코스 일행에게 맡기기로 하고, 자신들을 인도하기 위해 달이 없는 밤에 아리아노스와 함께 볼리스를 보내달라고 요청했다.
§8.17.10ἦν γάρ τις ἐπίνοια περὶ τὸν Ἀχαιὸν τοιαύτη, πρῶτον μὲν διαφυγεῖν τοὺς ἐνεστῶτας κινδύνους, μετὰ δὲ ταῦτα ποιήσασθαι δίχα προόδου τὴν ὁρμὴν ἐπὶ τοὺς κατὰ Συρίαν τόπους·
아카이오스에게는 다음과 같은 계획이 있었기 때문이다. 우선 눈앞의 위험을 피한 다음, 예고 없이 곧바로 시리아 지역을 향해 출발하려는 것이었다.
§8.17.11πάνυ γὰρ εἶχε μεγάλας ἐλπίδας ἐπιφανεὶς ἄφνω καὶ παραδόξως τοῖς κατὰ Συρίαν ἀνθρώποις, καὶ ἔτι διατρίβοντος Ἀντιόχου περὶ τὰς Σάρδεις, μέγα ποιήσειν κίνημα καὶ μεγάλης ἀποδοχῆς τεύξεσθαι παρά τε τοῖς Ἀντιοχεῦσι καὶ τοῖς κατὰ Κοίλην Συρίαν καὶ Φοινίκην.
안티오코스가 아직 사르디스 주변에 머물고 있는 동안 그가 시리아 사람들에게 갑자기 뜻밖에 나타남으로써, 큰 동요를 일으키고 안티오키아 주민들과 코일레 시리아 및 포이니키아 사람들 사이에서 대대적인 환영을 받을 수 있으리라는 매우 큰 기대를 품고 있었기 때문이다.