§6.49.1τοῦτο μὲν γὰρ τίς οὐκ οἶδε διότι πρῶτοι σχεδὸν τῶν Ἑλλήνων ἐπιθυμήσαντες τῆς τῶν ἀστυγειτόνων χώρας διὰ πλεονεξίαν ἐπʼ ἐξανδραποδισμῷ Μεσσηνίοις πόλεμον ἐξήνεγκαν;
그들이 탐욕으로 인해 이웃들의 땅을 탐내어 그들을 노예화하기 위해 메시니아인들에게 전쟁을 선포한 거의 최초의 그리스인들이었다는 이 사실을 누가 모르겠는가?
§6.49.2τοῦτο δὲ τίς οὐχ ἱστόρηκεν ὡς διὰ φιλονεικίαν ἐνόρκους σφᾶς ἐποίησαν μὴ πρόσθεν λύσειν τὴν πολιορκίαν πρὶν ἢ κατὰ κράτος ἑλεῖν τὴν Μεσσήνην;
또한 그들이 경쟁심 때문에 메시네를 무력으로 함락하기 전까지는 포위를 풀지 않겠다는 맹세로 자신들을 묶었다는 이 사실을 역사 속에서 누가 배우지 않았겠는가?
§6.49.3καὶ μὴν τοῦτο γνώριμον ὑπάρχει πᾶσιν, ὡς διὰ τὴν ἐν τοῖς Ἕλλησι φιλαρχίαν, οὓς ἐνίκησαν μαχόμενοι, τούτοις αὖτις ὑπέμειναν ποιεῖν τὸ προσταττόμενον.
나아가 이 일은 모두에게 잘 알려져 있다. 즉, 그리스인들 사이에서의 지배욕 때문에, 그들이 전투에서 싸워 이겼던 자들에게 이번에는 반대로 명령받는 대로 행동하기를 감수했다는 사실이다.
§6.49.4ἐπιπορευομένους μὲν γὰρ τοὺς Πέρσας ἐνίκων διαγωνιζόμενοι περὶ τῆς τῶν Ἑλλήνων ἐλευθερίας· §6.49.5ἐπανελθοῦσι δὲ καὶ φυγοῦσι προύδωκαν ἐκδότους τὰς Ἑλληνίδας πόλεις κατὰ τὴν ἐπʼ Ἀνταλκίδου γενομένην εἰρήνην χάριν τοῦ χρημάτων εὐπορῆσαι πρὸς τὴν κατὰ τῶν Ἑλλήνων δυναστείαν,
왜냐하면 침공해 온 페르시아인들을 상대로는 그리스인들의 자유를 위해 목숨 걸고 싸워 이겼으나, 퇴각하여 도망친 그들에게, 그리스인들에 대한 지배권을 확립하기 위한 자금을 넉넉히 확보할 목적에서 안탈키다스 평화 조약에 따라 그리스 도시들을 넘겨주며 배신했기 때문이다.
§6.49.6ὅτε δὴ καὶ τὸ τῆς νομοθεσίας ἐλλιπὲς συνώφθη παρʼ αὐτοῖς.
바로 그때 그들 사이에서 입법의 미비함이 드러나게 되었다.
§6.49.7ἕως μὲν γὰρ τῆς τῶν ἀστυγειτόνων, ἔτι δὲ τῆς Πελοποννησίων αὐτῶν ἀρχῆς ἐφίεντο, συνεξεποιοῦντο ταῖς ἐκ τῆς Λακωνικῆς αὐτῆς ἐπαρκείαις καὶ χορηγίαις, προχείρους μὲν ἔχοντες τὰς τῶν ἐπιτηδείων παρασκευάς, ταχείας δὲ ποιούμενοι τὰς εἰς τὴν οἰκείαν ἐπανόδους καὶ παρακομιδάς.
왜냐하면 그들이 이웃들의 지배, 나아가 펠로폰네소스인들 자체의 지배를 열망하는 동안에는 라코니아 자체의 보급과 지원으로 충분히 감당할 수 있었고, 필수품 조달을 손쉽게 해결했으며, 집으로의 신속한 귀환과 운송을 행했기 때문이다.
§6.49.8ἐπεὶ δὲ στόλους μὲν ἐπεβάλλοντο κατὰ θάλατταν ἐκπέμπειν, στρατεύειν δὲ πεζικοῖς στρατοπέδοις ἔξω Πελοποννήσου, δῆλον ὡς οὔτε τὸ νόμισμα τὸ σιδηροῦν οὔθʼ ἡ τῶν ἐπετείων καρπῶν ἀλλαγὴ πρὸς τὰ λείποντα τῆς χρείας ἔμελλεν αὐτοῖς ἐξαρκεῖν κατὰ τὴν Λυκούργου νομοθεσίαν·
그러나 그들이 바다로 함대를 파견하고 펠로폰네소스 외부로 보병 군대를 이끌고 원정하는 일을 꾀하게 되자, 철로 된 화폐도 매년의 수확물의 물품 교환도 필요한 부족분에 대해서 리쿠르고스의 입법 하에서는 그들에게 충분할 수 없었음이 분명했다.
§6.49.9προσεδεῖτο γὰρ τὰ πράγματα κοινοῦ νομίσματος καὶ ξενικῆς παρασκευῆς.
왜냐하면 제반 사정은 공용 화폐와 외국의 물자 조달을 추가로 필요로 했기 때문이다.
§6.49.10ὅθεν ἠναγκάσθησαν ἐπὶ θύρας μὲν πορεύεσθαι τὰς Περσῶν, φόρους δὲ τοῖς νησιώταις ἐπιτάττειν, ἀργυρολογεῖν δὲ πάντας τοὺς Ἕλληνας, γνόντες ὡς οὐχ οἷόν τε κατὰ τὴν Λυκούργου νομοθεσίαν οὐχ ὅτι τῆς τῶν Ἑλλήνων ἡγεμονίας, ἀλλʼ οὐδὲ πραγμάτων ἀντιποιεῖσθαι τὸ παράπαν.
그리하여 그들은 페르시아인들의 문전으로 나아가고, 섬 주민들에게 공납을 부과하며, 모든 그리스인들에게서 돈을 거두어들이지 않을 수 없게 되었는데, 이는 리쿠르고스의 입법 하에서는 그리스인들의 패권은커녕 전반적으로 어떤 대외 사업을 요구하는 것조차 전혀 불가능하다는 것을 깨달았기 때문이다.