§6.17.1ὁμοίως γε μὴν πάλιν ὁ δῆμος ὑπόχρεώς ἐστι τῇ συγκλήτῳ, καὶ στοχάζεσθαι ταύτης ὀφείλει καὶ κοινῇ καὶ κατʼ ἰδίαν.
마찬가지로 또다시 민중 역시 원로원에 빚을 지고 있으며, 공적으로나 사적으로나 원로원의 뜻을 살펴야 할 의무가 있다.
§6.17.2πολλῶν γὰρ ἔργων ὄντων τῶν ἐκδιδομένων ὑπὸ τῶν τιμητῶν διὰ πάσης Ἰταλίας εἰς τὰς ἐπισκευὰς καὶ κατασκευὰς τῶν δημοσίων, ἅ τις οὐκ ἂν ἐξαριθμήσαιτο ῥᾳδίως, πολλῶν δὲ ποταμῶν, λιμένων, κηπίων, μετάλλων, χώρας, συλλήβδην ὅσα πέπτωκεν ὑπὸ τὴν Ῥωμαίων δυναστείαν, §6.17.3πάντα χειρίζεσθαι συμβαίνει τὰ προειρημένα διὰ τοῦ πλήθους, καὶ σχεδὸν ὡς ἔπος εἰπεῖν πάντας ἐνδεδέσθαι ταῖς ὠναῖς καὶ ταῖς ἐργασίαις ταῖς ἐκ τούτων·
왜냐하면 감찰관들에 의해 이탈리아 전역에서 공공물의 보수와 건설을 위해 발주되는, 쉽게 헤아릴 수 없을 정도로 많은 사업들이 있고, 또한 많은 강과 항구, 정원, 광산, 토지 등, 요컨대 로마인의 지배 하에 들어온 모든 것들이 존재하여, 앞서 말한 이 모든 일들이 대중을 통해 관리되고 운영되며, 거의 말하자면 모든 사람이 이로부터 생겨나는 청부 계약과 사업에 얽매여 있기 때문이다.
§6.17.4οἱ μὲν γὰρ ἀγοράζουσι παρὰ τῶν τιμητῶν αὐτοὶ τὰς ἐκδόσεις, οἱ δὲ κοινωνοῦσι τούτοις, οἱ δʼ ἐγγυῶνται τοὺς ἠγορακότας, οἱ δὲ τὰς οὐσίας διδόασι περὶ τούτων εἰς τὸ δημόσιον.
실제로 어떤 이들은 스스로 감찰관들로부터 직접 청부를 낙찰받고, 다른 이들은 이들과 동업하며, 또 다른 이들은 낙찰자들을 보증하고, 또 다른 이들은 이를 위해 자신들의 재산을 국고에 담보로 제공한다.
§6.17.5ἔχει δὲ περὶ πάντων τῶν προειρημένων τὴν κυρίαν τὸ συνέδριον·
그러나 앞서 말한 모든 일에 대해 결정권을 쥐고 있는 것은 원로원이다.
καὶ γὰρ χρόνον δύναται δοῦναι καὶ συμπτώματος γενομένου κουφίσαι καὶ τὸ παράπαν ἀδυνάτου τινὸς συμβάντος ἀπολῦσαι τῆς ἐργωνίας.
왜냐하면 원로원은 기한을 유예해 줄 수도 있고, 불측의 재난이 발생했을 때 부담을 경감해 줄 수도 있으며, 아예 이행이 전혀 불가능한 사태가 발생했을 때는 청부 계약으로부터 완전히 해방시켜 줄 수도 있기 때문이다.
§6.17.6καὶ πολλὰ δή τινʼ ἐστίν, ἐν οἷς καὶ βλάπτει μεγάλα καὶ πάλιν ὠφελεῖ τοὺς τὰ δημόσια χειρίζοντας ἡ σύγκλητος·
그리고 실제로 원로원이 공공 사업을 관리하는 사람들에게 큰 손해를 입히거나, 반대로 큰 이익을 줄 수 있는 상황이 매우 많다.
ἡ γὰρ ἀναφορὰ τῶν προειρημένων γίνεται πρὸς ταύτην.
왜냐하면 앞서 말한 일들에 관한 보고와 해결은 원로원에 제출되기 때문이다.
§6.17.7τὸ δὲ μέγιστον, ἐκ ταύτης ἀποδίδονται κριταὶ τῶν πλείστων καὶ τῶν δημοσίων καὶ τῶν ἰδιωτικῶν συναλλαγμάτων, ὅσα μέγεθος ἔχει τῶν ἐγκλημάτων.
그리고 가장 중요한 점은, 공적이든 사적이든 소송의 규모가 중대한 대다수의 분쟁에 있어서, 재판관들이 원로원 중에서 임명된다는 사실이다.
§6.17.8διὸ πάντες εἰς τὴν ταύτης πίστιν ἐνδεδεμένοι, καὶ δεδιότες τὸ τῆς χρείας ἄδηλον, εὐλαβῶς ἔχουσι πρὸς τὰς ἐνστάσεις καὶ τὰς ἀντιπράξεις τῶν τῆς συγκλήτου βουλημάτων.
그러므로 모든 사람이 원로원의 신용에 얽매여 있고, 또 언제 원로원의 도움이 필요할지 모른다는 불확실성을 두려워하여, 원로원의 뜻을 거스르거나 반대하는 일에 매우 신중을 기한다.
§6.17.9ὁμοίως δὲ καὶ πρὸς τὰς τῶν ὑπάτων ἐπιβολὰς δυσχερῶς ἀντιπράττουσι διὰ τὸ κατʼ ἰδίαν καὶ κοινῇ πάντας ἐν τοῖς ὑπαίθροις ὑπὸ τὴν ἐκείνων πίπτειν ἐξουσίαν.
마찬가지로 그들은 집정관들의 기획에 대해서도 쉽사리 반대하지 못하는데, 이는 전장에서는 개인으로서나 집단으로서나 모두가 그들의 권한 하에 놓이기 때문이다.