§5.77.1πρὸς Λακεδαιμονίους συγγένειαν·
...라케다이몬인들과의 친족 관계를.
Ἀχαιὸς δὲ ποιησάμενος ὑφʼ ἑαυτὸν τὴν Μιλυάδα καὶ τὰ πλεῖστα μέρη τῆς Παμφυλίας ἀνέζευξε, καὶ παραγενόμενος εἰς Σάρδεις ἐπολέμει μὲν Ἀττάλῳ συνεχῶς, ἀνετείνετο δὲ Προυσίᾳ, πᾶσι δʼ ἦν φοβερὸς καὶ βαρὺς τοῖς ἐπὶ τάδε τοῦ Ταύρου κατοικοῦσι. §5.77.2κατὰ δὲ τὸν καιρόν, καθʼ ὃν Ἀχαιὸς ἐποιεῖτο τὴν ἐπὶ τοὺς Σελγεῖς στρατείαν, Ἄτταλος ἔχων τοὺς Αἰγοσάγας Γαλάτας ἐπεπορεύετο τὰς κατὰ τὴν Αἰολίδα πόλεις καὶ τὰς συνεχεῖς ταύταις, ὅσαι πρότερον Ἀχαιῷ προσεκεχωρήκεισαν διὰ τὸν φόβον· §5.77.3ὧν αἱ μὲν πλείους ἐθελοντὴν αὐτῷ προσέθεντο καὶ μετὰ χάριτος, ὀλίγαι δέ τινες τῆς βίας προσεδεήθησαν. §5.77.4ἦσαν δʼ αἱ τότε μεταθέμεναι πρὸς αὐτὸν πρῶτον μὲν Κύμη καὶ Σμύρνα καὶ Φώκαια· μετὰ δὲ ταύτας Αἰγαιεῖς καὶ Τημνῖται προσεχώρησαν, καταπλαγέντες τὴν ἔφοδον· §5.77.5ἧκον δὲ καὶ παρὰ Τηίων καὶ Κολοφωνίων πρέσβεις ἐγχειρίζοντες σφᾶς αὐτοὺς καὶ τὰς πόλεις. §5.77.6προσδεξάμενος δὲ καὶ τούτους ἐπὶ ταῖς συνθήκαις αἷς καὶ τὸ πρότερον, καὶ λαβὼν ὁμήρους, ἐχρημάτισε τοῖς παρὰ τῶν Σμυρναίων πρεσβευταῖς φιλανθρώπως διὰ τὸ μάλιστα τούτους τετηρηκέναι τὴν πρὸς αὐτὸν πίστιν. §5.77.7προελθὼν δὲ κατὰ τὸ συνεχὲς καὶ διαβὰς τὸν Λύκον ποταμὸν προῆγεν ἐπὶ τὰς τῶν Μυσῶν κατοικίας, ἀπὸ δὲ τούτων γενόμενος ἧκε πρὸς Καρσέας. §5.77.8καταπληξάμενος δὲ τούτους, ὁμοίως δὲ καὶ τοὺς τὰ Δίδυμα τείχη φυλάττοντας, παρέλαβε καὶ ταῦτα τὰ χωρία, Θεμιστοκλέους αὐτὰ παραδόντος, ὃς ἐτύγχανε στρατηγὸς ὑπʼ Ἀχαιοῦ καταλελειμμένος τῶν τόπων τούτων. §5.77.9ὁρμήσας δʼ ἐντεῦθεν καὶ κατασύρας τὸ Ἀπίας πεδίον ὑπερέβαλε τὸ καλούμενον ὄρος Πελεκᾶντα καὶ κατέζευξε περὶ τὸν Μέγιστον ποταμόν.
한편 아카이오스는 밀리아스와 팜필리아의 대부분 지역을 자신의 지배 하에 두고 군대를 퇴각시켰으며, 사르디스에 도착한 뒤에는 아탈루스와 끊임없이 전쟁을 벌이는 동시에 프루시아스를 위협했고, 타우루스 산맥 이남에 사는 모든 이들에게 두렵고 무거운 존재가 되었다. 아카이오스가 셀게를 상대로 원정을 벌이고 있던 바로 그 무렵, 아탈루스는 아이고사게스 갈라티아인들을 거느리고 아이올리스의 도시들과 이들에 인접한 도시들, 즉 이전에 두려움 때문에 아카이오스에게 귀순했던 모든 도시들을 순회했다. 이 도시들 중 대부분은 자발적으로 기꺼이 그에게 가담했으나, 소수의 몇몇 도시들은 무력 행사를 필요로 했다. 그때 가장 먼저 그에게 귀순한 곳은 키메, 스미르나, 포카이아였고, 이어서 아이가이인들과 템노스인들이 그의 침공에 겁을 먹고 귀순했다. 또한 테오스인들과 콜로폰인들로부터도 사절단이 와서 자신들과 도시들을 그에게 양도했다. 아탈루스는 이들 역시 이전과 동일한 조건의 조약으로 받아들이고 볼모를 잡은 뒤, 스미르나에서 온 사절들에게는 각별히 우호적으로 응대했는데, 이는 그들이 자신에 대한 신의를 가장 굳건히 지켰기 때문이다. 그는 계속해서 전진하여 리코스강을 건너 미시아인들의 거주지로 향했고, 그곳을 지나 카르세아이로 나아갔다. 그는 이들을 위압하고, 마찬가지로 디디마 테이케를 지키고 있던 자들도 위압하여 이 요새지역들을 접수했는데, 이는 당시 아카이오스에 의해 이 지역의 장군으로 남겨져 있던 테미스토클레스가 이를 양도했기 때문이다. 그는 그곳에서 출발하여 아피아 평원을 약탈한 뒤 펠레칸이라 불리는 산을 넘어 메기스토스강 부근에 진을 쳤다.