§5.73.1Πεδνηλισσεῦσιν.
페드넬리소스인들에게.
οἱ δὲ Σελγεῖς κατὰ τὸν καιρὸν τοῦτον, στρατηγὸν ἐξαποστείλαντες μετὰ δυνάμεως, ἤλπισαν καταπληξάμενοι ταῖς τῶν τόπων ἐμπειρίαις ἐκβαλεῖν τὸν Φάϋλλον ἐκ τῶν ὀχυρωμάτων.
한편 셀게인들은 이 시기에 군대와 함께 장군을 파견하여, 자신들의 지형에 대한 숙련을 통해 그를 위협함으로써 파일로스를 요새에서 몰아내기를 바랐다.
§5.73.2οὐ καθικόμενοι δὲ τῆς προθέσεως, ἀλλὰ πολλοὺς ἀποβαλόντες τῶν στρατιωτῶν ἐν ταῖς προσβολαῖς, ταύτης μὲν τῆς ἐλπίδος ἀπέστησαν, τῇ δὲ πολιορκίᾳ καὶ τοῖς ἔργοις οὐχ ἧττον, ἀλλὰ μᾶλλον ἢ πρὸ τοῦ προσεκαρτέρουν.
그러나 목적을 달성하지 못하고 돌격 과정에서 많은 병사를 잃자 이 희망은 단념했으나, 포위와 공성 작업에는 이전보다 덜하지 않고 오히려 더 끈질기게 매달렸다.
§5.73.3τοῖς δὲ περὶ Γαρσύηριν Ἐτεννεῖς μὲν οἱ τῆς Πισιδικῆς τὴν ὑπὲρ Σίδης ὀρεινὴν κατοικοῦντες, ὀκτακισχιλίους ὁπλίτας ἔπεμψαν, Ἀσπένδιοι δὲ τοὺς ἡμίσεις·
가르쉬에리스 일행에게는 시데 위쪽의 피시디아 산악 지대에 거주하는 에텐나인들이 중장보병 팔천 명을 보냈고, 아스펜도스인들은 그 절반을 보냈다.
§5.73.4Σιδῆται δὲ τὰ μὲν στοχαζόμενοι τῆς πρὸς Ἀντίοχον εὐνοίας, τὸ δὲ πλεῖον διὰ τὸ πρὸς Ἀσπενδίους μῖσος, οὐ μετέσχον τῆς βοηθείας.
그러나 시데인들은 한편으로는 안티오코스에 대한 호의를 고려하고, 다른 한편으로는 그 이상으로 아스펜도스인들에 대한 증오 때문에 이 원조에 참여하지 않았다.
§5.73.5ὁ δὲ Γαρσύηρις ἀναλαβὼν τάς τε τῶν βεβοηθηκότων καὶ τὰς ἰδίας δυνάμεις ἧκε πρὸς τὴν Πεδνηλισσόν, πεπεισμένος ἐξ ἐφόδου λύσειν τὴν πολιορκίαν·
가르쉬에리스는 원조를 위해 온 군대와 자신의 군대를 거느리고 페드넬리소스에 도착하여, 즉각적인 공격으로 포위를 풀 수 있을 것이라 확신했다.
οὐ καταπληττομένων δὲ τῶν Σελγέων, λαβὼν σύμμετρον ἀπόστημα κατεστρατοπέδευσε.
그러나 셀게인들이 기가 죽지 않자, 그는 적당한 거리를 두고 진을 쳤다.
§5.73.6τῶν δὲ Πεδνηλισσέων πιεζομένων ὑπὸ τῆς ἐνδείας, ὁ Γαρσύηρις σπεύδων ποιεῖν τὰ δυνατά, δισχιλίους ἑτοιμάσας ἄνδρας καὶ δοὺς ἑκάστῳ μέδιμνον πυρῶν, νυκτὸς εἰς τὴν Πεδνηλισσὸν εἰσέπεμπε.
페드넬리소스인들이 식량 부족으로 고통받고 있었으므로, 가르쉬에리스는 가능한 일을 신속히 하려 하여 이천 명의 사람을 마련하고 각자에게 밀 한 메딤노스를 주어 밤에 페드넬리소스 안으로 밀어 넣으려 했다.
§5.73.7τῶν δὲ Σελγέων συνέντων τὸ γινόμενον καὶ παραβοηθησάντων, συνέβη τῶν μὲν ἀνδρῶν τῶν εἰσφερόντων κατακοπῆναι τοὺς πλείστους, τοῦ δὲ σίτου παντὸς κυριεῦσαι τοὺς Σελγεῖς.
그러나 셀게인들이 벌어지는 일을 알아차리고 대처하는 바람에, 식량을 실어 나르던 사람들의 대부분이 학살당하고 셀게인들이 모든 밀을 차지하게 되었다.
§5.73.8οἷς ἐπαρθέντες ἐνεχείρησαν οὐ μόνον τὴν πόλιν, ἀλλὰ καὶ τοὺς περὶ τὸν Γαρσύηριν πολιορκεῖν·
이에 고무된 셀게인들은 도시뿐만 아니라 가르쉬에리스의 군대까지도 포위하려고 시도했다.
ἔχουσι γὰρ δή τι τολμηρὸν ἀεὶ καὶ παράβολον ἐν τοῖς πολεμίοις οἱ Σελγεῖς.
실제로 셀게인들은 전쟁에서 항상 대담하고 모험적인 구석이 있기 때문이다.
§5.73.9διʼ ἃ καὶ τότε καταλιπόντες φυλακὴν τὴν ἀναγκαίαν τοῦ χάρακος, τοῖς λοιποῖς περιστάντες κατὰ πλείους τόπους ἅμα προσέβαλον εὐθαρσῶς τῇ τῶν ὑπεναντίων παρεμβολῇ.
그 때문에 이때도 그들은 자신들의 진영에 꼭 필요한 수비대만 남겨둔 채, 나머지 병력으로 여러 곳을 포위하여 적의 진영에 일제히 용감하게 공격을 감행했다.
§5.73.10πανταχόθεν δὲ τοῦ κινδύνου παραδόξως περιεστῶτος, κατὰ δέ τινας τόπους καὶ τοῦ χάρακος ἤδη διασπωμένου, θεωρῶν ὁ Γαρσύηρις τὸ συμβαῖνον καὶ μοχθηρὰς ἐλπίδας ἔχων ὑπὲρ τῶν ὅλων, ἐξέπεμψε τοὺς ἱππεῖς κατά τινα τόπον ἀφυλακτούμενον·
모든 방향에서 위험이 예상치 못하게 닥쳐왔고, 몇몇 곳에서는 이미 방벽이 뚫리고 있었으므로, 가르쉬에리스는 돌아가는 상황을 지켜보고 대세에 대해 비관적인 전망을 가지면서, 경비가 허술한 곳을 통해 기병들을 내보냈다.
§5.73.11οὓς νομίσαντες οἱ Σελγεῖς καταπεπληγμένους καὶ δεδιότας τὸ μέλλον ἀποχωρήσειν οὐ προσέσχον, ἀλλʼ ἁπλῶς ὠλιγώρησαν.
셀게인들은 그 기병들이 겁에 질려 앞으로의 일이 두려워 퇴각하려는 것이라 생각하고 주의를 기울이지 않은 채 완전히 소홀히 다루었다.
§5.73.12οἱ δὲ περιιππεύσαντες καὶ γενόμενοι κατὰ νώτου τοῖς πολεμίοις ἐνέβαλον, καὶ προσέφερον τὰς χεῖρας ἐρρωμένως.
그러나 기병들은 우회하여 적의 배후에 이르러 돌격했고, 격렬하게 공격을 가했다.
§5.73.13οὗ συμβαίνοντος ἀναθαρρήσαντες οἱ τοῦ Γαρσυήριδος πεζοί, καίπερ ἤδη τετραμμένοι, πάλιν ἐκ μεταβολῆς ἠμύνοντο τοὺς εἰσπίπτοντας·
이 일이 일어나자 가르쉬에리스의 보병들은 이미 패퇴하는 중이었음에도 다시 용기를 내어 반전하여 쳐들어오는 적들을 막아냈다.
§5.73.14ἐξ οὗ περιεχόμενοι πανταχόθεν οἱ Σελγεῖς τέλος εἰς φυγὴν ὥρμησαν.
이로 인해 사방이 둘러싸인 셀게인들은 결국 패주하기 시작했다.
§5.73.15ἅμα δὲ τούτοις οἱ Πεδνηλισσεῖς ἐπιθέμενοι τοὺς ἐν τῷ χάρακι καταλειφθέντας ἐξέβαλον.
이와 동시에 페드넬리소스인들도 습격하여 진영에 남아 있던 자들을 쫓아냈다.
§5.73.16γενομένης δὲ τῆς φυγῆς ἐπὶ πολὺν τόπον, ἔπεσον μὲν οὐκ ἐλάττους μυρίων, τῶν δὲ λοιπῶν οἱ μὲν σύμμαχοι πάντες εἰς τὴν οἰκείαν, οἱ δὲ Σελγεῖς διὰ τῆς ὀρεινῆς εἰς τὴν αὑτῶν πατρίδα κατέφυγον.
패주가 넓은 지역에 걸쳐 일어나 만 명 이상이 전사했고, 남은 자들 중 동맹군은 모두 자신들의 본국으로, 셀게인들은 산악 지대를 거쳐 자신들의 조국으로 도망쳐 돌아갔다.