§5.29.1εἰς Ἄρατον γενομένην ἐξ αὐτῶν ἀσέλγειαν·
그들이 아라토스에게 저지른 오만한 행위 때문이었다.
οἱ δʼ Αἰτωλοὶ τὰ μὲν ἔσπευδον ποιήσασθαι τὴν εἰρήνην, πιεζόμενοι τῷ πολέμῳ, καὶ παρὰ δόξαν αὐτοῖς προχωρούντων τῶν πραγμάτων —
한편, 아이톨리아인들은 전쟁으로 압박을 받고 사태가 자신들의 예상과 다르게 흘러갔기 때문에, 한편으로는 평화를 맺는 것을 서둘렀다.
§5.29.2ἐλπίσαντες γὰρ ὡς παιδίῳ νηπίῳ χρήσασθαι τῷ Φιλίππῳ διά τε τὴν ἡλικίαν καὶ τὴν ἀπειρίαν, τὸν μὲν Φίλιππον εὗρον τέλειον ἄνδρα καὶ κατὰ τὰς ἐπιβολὰς καὶ κατὰ τὰς πράξεις, αὐτοὶ δʼ ἐφάνησαν εὐκαταφρόνητοι καὶ παιδαριώδεις ἔν τε τοῖς κατὰ μέρος καὶ τοῖς καθόλου πράγμασιν — §5.29.3ἅμα δὲ προσπιπτούσης αὐτοῖς τῆς τε περὶ τοὺς πελταστὰς γενομένης ταραχῆς καὶ τῆς τῶν περὶ τὸν Ἀπελλῆν καὶ Λεόντιον ἀπωλείας ἐλπίσαντες μέγα τι καὶ δυσχερὲς κίνημα περὶ τὴν αὐλὴν εἶναι, παρεῖλκον ὑπερτιθέμενοι τὴν ἐπὶ τὸ Ῥίον ταχθεῖσαν ἡμέραν.
ㅡ 그들은 필리포스의 젊음과 미숙함 때문에 그를 어린아이처럼 다룰 수 있으리라 기대했으나, 필리포스가 계획과 실행 모두에서 완성된 성인임을 알게 되었고, 자신들이 개별적인 일에서나 전체적인 일에서나 비웃음을 살 만하고 어린아이 같은 자들임이 드러났기 때문이다 ㅡ 그러나 동시에, 펠타스타이들 사이에서 발생한 소요와 아펠레스 및 레온티오스 일당의 파멸 소식을 접하게 되자, 왕실에 크고 까다로운 동요가 있을 것이라 기대하며 리온에서 만나기로 정해진 기일을 미루고 지체했다.
§5.29.4ὁ δὲ Φίλιππος, ἀσμένως ἐπιλαβόμενος τῆς προφάσεως ταύτης διὰ τὸ θαρρεῖν ἐπὶ τῷ πολέμῳ, καὶ προδιειληφὼς ἀποτρίβεσθαι τὰς διαλύσεις, τότε παρακαλέσας τοὺς ἀπηντηκότας τῶν συμμάχων οὐ τὰ πρὸς διαλύσεις πράττειν, ἀλλὰ τὰ πρὸς τὸν πόλεμον, ἀναχθεὶς αὖτις ἀπέπλευσεν εἰς τὸν Κόρινθον.
필리포스는 전쟁에 자신감을 가지고 있었고 화해를 거부하기로 이미 결심했기 때문에 이 빌미를 기꺼이 붙잡았고, 당시 모여 있던 동합국 사람들에게 화해가 아니라 전쟁을 준비할 것을 촉구한 뒤 다시 배를 타고 코린토스로 돌아갔다.
§5.29.5καὶ τοὺς μὲν Μακεδόνας διὰ Θετταλίας ἀπέλυσε πάντας εἰς τὴν οἰκείαν παραχειμάσοντας, αὐτὸς δʼ ἀναχθεὶς ἐκ Κεγχρεῶν, καὶ παρὰ τὴν Ἀττικὴν κομισθεὶς διʼ Εὐρίπου, κατέπλευσεν εἰς Δημητριάδα·
그리고 마케도니아인들을 모두 테살리아를 거쳐 겨울을 보내기 위해 본국으로 돌려보냈고, 자신은 켄크레아이에서 출항하여 아티카 연안을 따라 에우리포스 해협을 거쳐 데메트리아스로 입항했다.
§5.29.6κἀκεῖ Πτολεμαῖον, ὃς ἦν ἔτι λοιπὸς τῆς τῶν περὶ τὸν Λεόντιον ἑταιρείας, κρίνας ἐν τοῖς Μακεδόσιν ἀπέκτεινε.
그리고 그곳에서 레온티오스 일당 중 유일하게 살아남은 프톨레마이오스를 마케도니아인들 사이에서 재판하여 처형했다.
§5.29.7κατὰ δὲ τοὺς καιροὺς τούτους Ἀννίβας μὲν εἰς Ἰταλίαν ἐμβεβληκὼς ἀντεστρατοπέδευε ταῖς τῶν Ῥωμαίων δυνάμεσι περὶ τὸν Πάδον καλούμενον ποταμόν, §5.29.8Ἀντίοχος δὲ τὰ πλεῖστα μέρη Κοίλης Συρίας κατεστραμμένος αὖτις εἰς παραχειμασίαν ἀνέλυσε, Λυκοῦργος δʼ ὁ βασιλεὺς τῶν Λακεδαιμονίων εἰς Αἰτωλίαν ἔφυγε, καταπλαγεὶς τοὺς ἐφόρους.
이 시기에 한니발은 이탈리아로 침공하여 파도스라고 불리는 강 근처에서 로마군과 대치하여 진을 치고 있었고, 안티오코스는 코일레 시리아의 대부분 지역을 정복한 뒤 다시 겨울을 보내기 위해 철수했으며, 라케다이몬의 왕 리쿠르고스는 에포로스들을 두려워하여 아이톨리아로 도망쳤다.
§5.29.9οἱ γὰρ ἔφοροι, προσπεσούσης αὐτοῖς ψευδοῦς διαβολῆς, ὡς μέλλοντος αὐτοῦ νεωτερίζειν, ἁθροίσαντες τοὺς νέους νυκτὸς ἦλθον ἐπὶ τὴν οἰκίαν· ὁ δὲ προαισθόμενος ἐξεχώρησε μετὰ τῶν ἰδίων οἰκετῶν.
에포로스들은 그가 정변을 꾀하려 한다는 거짓 모함을 접하자, 젊은이들을 모아 밤에 그의 집으로 들이닥쳤으나, 그는 이를 미리 알아채고 가신들을 데리고 빠져나갔기 때문이다.