§5.20.1οἱ δὲ Μεσσήνιοι, κομισάμενοι τὰ γράμματα τὰ παρὰ τοῦ Φιλππίου τὰ περὶ τῆς στρατείας, τῇ μὲν ὁρμῇ τῶν ἄλλων οὐκ ἐλείποντο συμμάχων, ἀλλὰ τὴν ἔξοδον ἐποιήσαντο μετὰ σπουδῆς καὶ τοὺς ἀκμαιοτάτους ἄνδρας ἐξέπεμψαν, πεζοὺς μὲν δισχιλίους, ἱππεῖς δὲ διακοσίους.
메세니아인들은 원정에 관한 필리포스의 서한을 받은 후, 다른 동맹국들의 열의에 뒤지지 않고 서둘러 출정하여 가장 정예한 남성들인 보병 이천 명과 기병 이백 명을 파견했다.
§5.20.2τῷ δὲ μήκει τῆς ὁδοῦ καθυστερήσαντες τῆς εἰς τὴν Τεγέαν παρουσίας τοῦ Φιλίππου, τὸ μὲν πρῶτον ἠπόρουν τί δέον εἴη ποιεῖν·
그러나 길의 길이 때문에 테게아에 필리포스가 도착하는 것보다 늦어지자, 그들은 처음에 무엇을 해야 할지 갈피를 잡지 못했다.
§5.20.3ἀγωνιῶντες δὲ μὴ δόξαιεν ἐθελοκακεῖν διὰ τὰς προγεγενημένας περὶ αὐτοὺς ὑποψίας, ὥρμησαν διὰ τῆς Ἀργείας εἰς τὴν Λακωνικήν, βουλόμενοι συνάψαι τοῖς περὶ τὸν Φίλιππον.
이전에 자신들에게 제기되었던 의혹 때문에 고의로 협조하지 않는 것처럼 보일까 걱정하며, 그들은 아르고스 지방을 거쳐 라코니아로 향했고, 필리포스의 군세와 합류하고자 했다.
§5.20.4παραγενόμενοι δὲ πρὸς Γλυμπεῖς χωρίον, ὃ κεῖται περὶ τοὺς ὅρους τῆς Ἀργείας καὶ Λακωνικῆς, πρὸς τοῦτο κατεστρατοπέδευσαν ἀπείρως ἅμα καὶ ῥᾳθύμως·
아르고스와 라코니아의 국경에 위치한 요새 글림페이스에 도착하여, 그들은 숙련되지 못하고 태만하게 그 요새 근처에 진을 쳤다.
§5.20.5οὔτε γὰρ τάφρον οὔτε χάρακα τῇ παρεμβολῇ περιέβαλον οὔτε τόπον εὐφυῆ περιέβλεψαν, ἀλλὰ τῇ τῶν κατοικούντων τὸ χωρίον εὐνοίᾳ πιστεύοντες ἀκάκως πρὸ τοῦ τείχους αὐτοῦ παρενέβαλον.
그들은 진영 주변에 참호나 울타리를 두르지 않았고, 유리한 지형을 찾아보지도 않은 채, 그곳에 사는 사람들의 호의를 무구하게 믿고 바로 그 성벽 앞에 진을 쳤다.
§5.20.6ὁ δὲ Λυκοῦργος, προσαγγελθείσης αὐτῷ τῆς τῶν Μεσσηνίων παρουσίας, ἀναλαβὼν τοὺς μισθοφόρους καί τινας τῶν Λακεδαιμονίων προῆγε, καὶ συνάψας τοῖς τόποις ὑπὸ τὴν ἑωθινὴν ἐπέθετο τῇ στρατοπεδείᾳ τολμηρῶς.
한편 리쿠르고스는 메세니아인들이 도착했다는 소식을 전해 듣고 용병들과 라케다이몬인 일부를 거느리고 나아갔으며, 새벽녘에 그 장소에 도달하여 대담하게 진영을 습격했다.
οἱ δὲ Μεσσήνιοι, §5.20.7τἄλλα πάντα κακῶς βουλευσάμενοι, καὶ μάλιστα προελθεῖν ἐκ τῆς Τεγέας, μὴ κατὰ τὸ πλῆθος ἀξιόχρεως ὑπάρχοντες μήτε πιστεύοντες ἐμπείροις, παρʼ αὐτόν γε τὸν κίνδυνον κατὰ τὴν ἐπίθεσιν ὅμως τὸ δυνατὸν ἐκ τῶν πραγμάτων ἔλαβον πρὸς τὴν ἑαυτῶν σωτηρίαν·
메세니아인들은, 다른 모든 면에서 형편없이 계획을 세웠고, 특히 인원도 충분치 않고 경험 많은 인도자들을 신뢰하지도 않은 채 테게아에서 전진해 왔음에도 불구하고, 습격을 당한 바로 그 위기 속에서 그래도 상황이 허락하는 한 자신들의 생존을 위한 최선의 방책을 취했다.
§5.20.8ἅμα γὰρ τῷ συνιδεῖν ἐπιφαινομένους τοὺς πολεμίους ἀφέμενοι πάντων σπουδῇ πρὸς τὸ χωρίον προσέφυγον.
적들이 나타나는 것을 보자마자 그들은 모든 것을 버려두고 급히 요새로 도망쳤다.
§5.20.9διόπερ Λυκοῦργος τῶν μὲν ἵππων ἐγκρατὴς ἐγένετο τῶν πλείστων καὶ τῆς ἀποσκευῆς, τῶν δʼ ἀνδρῶν ζωγρίᾳ μὲν οὐδενὸς ἐκυρίευσε, τῶν δʼ ἱππέων ὀκτὼ μόνον ἀπέκτεινε.
그리하여 리쿠르고스는 대다수의 말과 수하물을 손에 넣었으나, 포로로는 한 사람도 사로잡지 못했고, 기병 중에서 단 여덟 명만을 죽였다.
§5.20.10Μεσσήνιοι μὲν οὖν τοιαύτῃ περιπετείᾳ χρησάμενοι πάλιν διʼ Ἄργους εἰς τὴν οἰκείαν ἀνεκομίσθησαν.
메세니아인들은 이처럼 불행한 일을 겪고 나서 다시 아르고스를 거쳐 본국으로 돌아갔다.
§5.20.11ὁ δὲ Λυκοῦργος μετεωρισθεὶς ἐπὶ τῷ γεγονότι, παραγενόμενος εἰς τὴν Λακεδαίμονα περὶ παρασκευὴν ἐγίνετο καὶ συνήδρευε μετὰ τῶν φίλων, ὡς οὐκ ἐάσων τὸν Φίλιππον ἐπανελθεῖν ἐκ τῆς χώρας ἄνευ κινδύνου καὶ συμπλοκῆς.
한편 리쿠르고스는 이 성과에 고무되어 라케다이몬으로 돌아가 준비에 착수했고, 필리포스가 아무런 위험과 교전 없이 영토에서 빠져나가도록 내버려 두지 않으려 친구들과 모의했다.
§5.20.12ὁ δὲ βασιλεὺς ἐκ τῆς Ἑλείας ἀναζεύξας προῆγε, πορθῶν ἅμα τὴν χώραν, καὶ τεταρταῖος αὖθις εἰς τὰς Ἀμύκλας κατῆρε παντὶ τῷ στρατεύματι περὶ μέσον ἡμέρας.
한편 왕은 헤레이아에서 철수하여 행군하며 지방을 약탈했고, 나흘째 되는 날 전군을 이끌고 정오 무렵 다시 아미클라이에 도착했다.