§5.108.1ὁ δὲ βασιλεὺς Φίλιππος, ἀνακομισθεὶς κατὰ θάλατταν ἀπὸ τῶν διαλύσεων εἰς Μακεδονίαν, καὶ καταλαβὼν τὸν Σκερδιλαΐδαν ἐπὶ τῇ προφάσει τῶν προσοφειλομένων χρημάτων, πρὸς ἃ καὶ τὰ περὶ τὴν Λευκάδα πλοῖα παρεσπόνδησε, καὶ τότε τῆς μὲν Πελαγονίας πόλισμα διηρπακότα τὸ προσαγορευόμενον Πισσαῖον, §5.108.2τῆς δὲ Δασσαρήτιδος προσηγμένον πόλεις, τὰς μὲν φόβῳ, τὰς δʼ ἐπαγγελίαις, Ἀντιπάτρειαν, Χρυσονδύωνα, Γερτοῦντα, πολλὴν δὲ καὶ τῆς συνορούσης τούτοις Μακεδονίας ἐπιδεδραμηκότα,
한편 필리포스 왕은 화해 협상 끝에 해로를 통해 마케도니아로 돌아왔는데, 스케르딜라이다스가 여전히 지급받아야 할 돈을 구실로 삼아(그는 이 돈을 이유로 레우카스 주변의 선박들을 조약에 반하여 강탈했었다), 당시 펠라고니아의 피사이온이라 불리는 마을을 약탈하고, 다사레티스의 도시들인 안티파트레이아, 크리손디온, 게르투스를 어떤 곳은 위협으로, 어떤 곳은 약속으로 포섭하였으며, 이들과 인접한 마케도니아의 넓은 영토까지 침입해 들어왔음을 알아차렸다.
§5.108.3παραυτίκα μὲν ὥρμησε μετὰ τῆς δυνάμεως, ὡς ἀνακτήσασθαι σπουδάζων τὰς ἀφεστηκυίας πόλεις,
이에 그는 이탈한 도시들을 되찾고자 즉시 군대를 이끌고 출발했다.
§5.108.4καθόλου δʼ ἔκρινε πολεμεῖν πρὸς τὸν Σκερδιλαΐδαν, νομίζων ἀναγκαιότατον εἶναι παρευτρεπίσασθαι τὰ κατὰ τὴν Ἰλλυρίδα πρός τε τὰς ἄλλας ἐπιβολὰς καὶ μάλιστα πρὸς τὴν εἰς Ἰταλίαν διάβασιν.
그리고 전반적으로 그는 스케르딜라이다에 대항하여 전쟁을 치르기로 결정했는데, 다른 계획들을 위해서나 특히 이탈리아로의 도하를 위해서 일리리아 지역의 정세를 미리 정리해 두는 것이 가장 필수적이라고 생각했기 때문이다.
§5.108.5ὁ γὰρ Δημήτριος οὕτως ἐξέκαιε τὴν ἐλπίδα καὶ τὴν ἐπιβολὴν τῷ βασιλεῖ ταύτην συνεχῶς, ὥστε κατὰ τοὺς ὕπνους τὸν Φίλιππον ταῦτʼ ὀνειρώττειν καὶ περὶ ταύτας εἶναι τὰς πράξεις.
왜냐하면 데메트리오스가 왕에게 이러한 희망과 계획을 끊임없이 불어넣었기 때문에, 필리포스는 잠을 잘 때조차 이 일들을 꿈속에서 꾸고 이 행동들에 몰두해 있을 정도였다.
§5.108.6ἐποίει δὲ ταῦτα Δημήτριος οὐ Φιλίππου χάριν — τούτῳ μὲν γὰρ τρίτην ἴσως ἐν τούτοις ἔνεμε μερίδα — μᾶλλον δὲ τῆς πρὸς Ῥωμαίους δυσμενείας, τὸ δὲ πλεῖστον ἕνεκεν αὑτοῦ καὶ τῶν ἰδίων ἐλπίδων·
데메트리오스가 이와 같이 행동한 것은 필리포스를 위해서가 아니었으며 — 왜냐하면 이 계획에서 필리포스에게는 아마도 3분의 1 정도의 몫만을 할당해 두었기 때문이다 — 오히려 로마인들에 대한 적대감 때문이었고, 가장 크게는 자기 자신과 자신의 희망 때문이었다.
§5.108.7μόνως γὰρ οὕτως ἐπέπειστο τὴν ἐν τῷ Φάρῳ δυναστείαν κατακτήσασθαι πάλιν.
오직 이 방법으로만 그가 파로스에서의 지배권을 다시 되찾을 수 있다고 확신했기 때문이다.
§5.108.8πλὴν ὅ γε Φίλιππος στρατεύσας ἀνεκτήσατο μὲν τὰς προειρημένας πόλεις, κατελάβετο δὲ τῆς μὲν Δασσαρήτιδος Κρεώνιον καὶ Γεροῦντα, τῶν δὲ περὶ τὴν Λυχνιδίαν λίμνην Ἐγχελᾶνας, Κέρακα, Σατίωνα, Βοιούς, τῆς δὲ Καλοικίνων χώρας Βαντίαν, ἔτι δὲ τῶν καλουμένων Πισαντίνων Ὀργησσόν.
어쨌든 필리포스는 출병하여 앞서 언급한 도시들을 되찾았고, 다사레티스의 크레오니온과 게루스를, 리크니디아 호수 주변의 엔켈라네스, 케락스, 사티온, 보이오이를, 칼로이키노이 땅의 반티아를, 그리고 소위 피산티노이라 불리는 이들의 오르게소스를 점령했다.
§5.108.9ἐπιτελεσάμενος δὲ ταῦτα διαφῆκε τὰς δυνάμεις εἰς παραχειμασίαν.
이 일들을 마치자 그는 군대를 겨울 휴양을 위해 해산했다.
ἦν δʼ ὁ χειμὼν οὗτος, καθʼ ὃν Ἀννίβας, πεπορθηκὼς τοὺς ἐπιφανεστάτους τόπους τῆς Ἰταλίας ἔμελλε περὶ τὸ Γερούνιον τῆς Δαυνίας ποιεῖσθαι τὴν παραχειμασίαν.
이 겨울은 한니발이 이탈리아의 가장 저명한 지역들을 황폐화시키고 다우니아의 게루니움 부근에서 겨울을 나려 하던 시기였다.
§5.108.10Ῥωμαῖοι δὲ τότε κατέστησαν στρατηγοὺς αὑτῶν Γάιον Τερέντιον καὶ Λεύκιον Αἰμίλιον.
당시 로마인들은 자신들의 집정관으로 가이우스 테렌티우스와 루키우스 에밀리우스를 선출했다.