§4.82.1ὁ δὲ Φίλιππος ἀναζεύξας ἐκ τῆς Μεγάλης πόλεως καὶ πορευθεὶς διὰ τῆς Τεγέας παρῆν εἰς Ἄργος, κἀκεῖ τὸ λοιπὸν μέρος τοῦ χειμῶνος διέτριβε, κατά τε τὴν λοιπὴν ἀναστροφὴν καὶ κατὰ τὰς πράξεις τεθαυμασμένος ὑπὲρ τὴν ἡλικίαν ἐν ταῖς προειρημέναις στρατείαις.
한편 필리포스는 메갈로폴리스에서 군을 이끌고 출발하여 테게아를 거쳐 아르고스에 도착했고, 그곳에서 겨울의 남은 기간을 보냈다. 그는 일상적인 품행과 앞서 언급한 원정에서의 행동 모두에서 그의 나이에 걸맞지 않게 찬사를 받았다.
§4.82.2ὁ δʼ Ἀπελλῆς οὐδʼ ὣς ἔληγε τῆς ἐπιβολῆς, ἀλλʼ οἷός τʼ ἦν ἄγειν ὑπὸ τὸν ζυγὸν τῷ κατὰ βραχὺ τοὺς Ἀχαιούς.
그러나 아펠레스는 그럼에도 불구하고 기도를 단념하지 않고, 아카이아인들을 서서히 멍에 아래로 끌어들이려 하고 있었다.
§4.82.3ὁρῶν δὲ τῇ τοιαύτῃ προθέσει τοὺς περὶ τὸν Ἄρατον ἐμποδὼν ἱσταμένους, καὶ τὸν Φίλιππον αὐτοῖς προσέχοντα, καὶ μᾶλλον τῷ πρεσβυτέρῳ διά τε τὴν πρὸς Ἀντίγονον σύστασιν καὶ διὰ τὸ πλεῖστον ἐν τοῖς Ἀχαιοῖς ἰσχύειν, καὶ μάλιστα διὰ τὴν ἐπιδεξιότητα καὶ νουνέχειαν τἀνδρός, περὶ τούτους ἐπεβάλετο γίνεσθαι καὶ κακοπραγμονεῖν τοιῷδέ τινι τρόπῳ.
그는 자신의 그러한 의도에 아라토스와 그의 일파가 장애물로 가로막고 있는 것을 보고, 또한 필리포스가 그들에게, 특히 연장자 아라토스에게 안티고노스에 대한 천거와 아카이아인들 사이에서 가장 큰 세력을 가지고 있다는 점, 그리고 무엇보다도 그의 수완과 현명함 때문에 귀를 기울이고 있는 것을 보고, 이들을 표적으로 삼아 다음과 같은 방식으로 음모를 꾸미기 시작했다.
§4.82.4ἐξετάζων τοὺς ἀντιπολιτευομένους τοῖς περὶ τὸν Ἄρατον, τίνες εἰσίν, ἑκάστους ἐκ τῶν πόλεων ἐπεσπάσατο, καὶ λαμβάνων εἰς τὰς χεῖρας ἐψυχαγώγει καὶ παρεκάλει πρὸς τὴν ἑαυτοῦ φιλίαν.
그는 아라토스 일파에 대립하는 정치가들이 누구인지를 각 도시에서 조사하여 그들을 불러들였고, 손아귀에 넣고 달래며 자신과의 우호 관계로 끌어들였다.
§4.82.5συνίστανε δὲ καὶ τῷ Φιλίππῳ, προσεπιδεικνύων αὐτῷ παρʼ ἕκαστον ὡς ἐὰν μὲν Ἀράτῳ προσέχῃ, χρήσεται τοῖς Ἀχαιοῖς κατὰ τὴν ἔγγραπτον συμμαχίαν, ἐὰν δʼ αὐτῷ πείθηται καὶ τοιούτους προσλαμβάνῃ φίλους, χρήσεται πᾶσι Πελοποννησίοις κατὰ τὴν αὑτοῦ βούλησιν.
그는 이들을 필리포스에게도 소개해 주면서, 그때마다 왕에게 다음과 같이 설명했다. 만일 아라토스의 말을 따른다면 성문화된 동맹 조약에 따라 아카이아인들을 대우해야 하겠지만, 만일 자신을 따르고 이러한 이들을 친구로 삼는다면 모든 펠로폰네소스인들을 자신의 뜻대로 다룰 수 있을 것이라고 말이다.
§4.82.6περί τε τῶν ἀρχαιρεσίων εὐθὺς ἐσπούδαζε, βουλόμενος τούτων τινὶ περιποιῆσαι τὴν στρατηγίαν, τοὺς δὲ περὶ τὸν Ἄρατον ἐκβαλεῖν ἐκ τῆς ὑποθέσεως.
그리고 그는 즉시 선거에 열을 올리기 시작했는데, 이들 중 한 사람에게 장군직을 차지하게 하고 아라토스 일파를 국정의 주도권에서 배제하려는 목적이었다.
§4.82.7διʼ ἃ δὴ καὶ πείθει Φίλιππον παραγενέσθαι πρὸς τὰς τῶν Ἀχαιῶν ἀρχαιρεσίας εἰς Αἴγιον, ὡς εἰς τὴν Ἠλείαν ἅμα ποιούμενον τὴν πορείαν.
이 때문에 그는 필리포스를 설득하여 엘리스 지방으로의 행군을 동시에 한다는 구실로, 아이기온에서 열리는 아카이아인의 선거에 임석하도록 만들었다.
§4.82.8πεισθέντος δʼ αὐτῷ τοῦ βασιλέως, παρὼν αὐτὸς ἐπὶ τοῦ καιροῦ, καὶ τοὺς μὲν παρακαλῶν, οἷς δʼ ἀνατεινόμενος, μόλις μὲν ἤνυσε, κατεκράτησε δʼ οὖν ὅμως τοῦ γενέσθαι στρατηγὸν Ἐπήρατον Φαραιέα, τὸν δὲ Τιμόξενον ἐκπεσεῖν, τὸν ὑπὸ τῶν περὶ τὸν Ἄρατον εἰσαγόμενον.
왕이 그의 말을 따르자, 아펠레스는 스스로 제때에 현장에 임하여 어떤 이들은 설득하고 어떤 이들은 위협함으로써, 비록 간신히였으나 결국 목적을 달성하여, 아라토스 일파가 천거한 티모크세노스를 낙선시키고 파라이 출신의 에페라토스를 장군으로 임명되게 하는 데 성공했다.