§4.5.1στρατηγὸς μὲν οὖν ὑπῆρχε τῶν Αἰτωλῶν Ἀρίστων·
당시 아이톨리아인의 장군은 아리스톤이었다.
οὗτος δὲ διά τινας σωματικὰς ἀσθενείας ἀδύνατος ὢν πρὸς πολεμικὴν χρείαν, ἅμα δὲ καὶ συγγενὴς ὑπάρχων Δωριμάχου καὶ Σκόπα, τρόπον τινὰ παρακεχωρήκει τούτῳ τῆς ὅλης ἀρχῆς.
그러나 그는 신체적 허약함으로 인해 군사적 임무를 수행할 수 없었고, 동시에 도리마코스와 스코파스의 친척이었기 때문에, 어떤 의미에서는 그에게 전권을 넘겨준 상태였다.
§4.5.2ὁ δὲ Δωρίμαχος κατὰ κοινὸν μὲν οὐκ ἐτόλμα παρακαλεῖν τοὺς Αἰτωλοὺς εἰς τὸν κατὰ τῶν Μεσσηνίων πόλεμον διὰ τὸ μηδεμίαν ἔχειν ἀξίαν λόγου πρόφασιν, ἀλλʼ ὁμολογουμένως ἐκ παρανομίας καὶ σκώμματος γεγονέναι τὴν ὁρμήν·
도리마코스는 내세울 만한 그럴듯한 핑계가 전혀 없었고, 그 충동이 명백히 불법 행위와 조롱에서 비롯되었다는 점이 분명했기 때문에, 공식적으로 아이톨리아인들을 메세니아인들과의 전쟁으로 소집할 용기를 내지 못했다.
§4.5.3ἀφέμενος δὲ τῆς ἐπινοίας ταύτης ἰδίᾳ προετρέπετο τὸν Σκόπαν κοινωνῆσαι τῆς ἐπιβολῆς αὐτῷ τῆς κατὰ τῶν Μεσσηνίων, ὑποδεικνύων μὲν τὴν ἀπὸ Μακεδόνων ἀσφάλειαν διὰ τὴν ἡλικίαν τοῦ προεστῶτος — οὐ γὰρ εἶχε πλεῖον ἐτῶν τότε Φίλιππος ἑπτακαίδεκα —
그리하여 그는 이 계획을 접고 사적으로 스코파스를 설득하여 메세니아인들에 대한 계획에 동참하도록 부추겼는데, 당시 마케도니아 지배자의 나이가 어려 마케도니아로부터 안전할 것임을 지적했다. 당시 필리포스는 열일곱 살이 채 되지 않았기 때문이다.
§4.5.4παρατιθεὶς δὲ τὴν Λακεδαιμονίων ἀλλοτριότητα πρὸς τοὺς Μεσσηνίους, ἀναμιμνήσκων δὲ τῆς Ἠλείων πρὸς σφᾶς εὐνοίας καὶ συμμαχίας·
또한 그는 스파르타인들이 메세니아인들에 대해 품고 있는 적대감을 제시하는 한편, 엘리스인들이 자신들에게 보여준 우호와 동맹을 상기시켰다.
ἐξ ὧν ἀσφαλῆ τὴν εἰσβολὴν τὴν εἰς τὴν Μεσσηνίαν ἐσομένην αὐτοῖς ἀπέφαινεν.
이러한 점들을 근거로 그는 메세니아로의 침입이 자신들에게 안전할 것임을 입증해 보였다.
§4.5.5τὸ δὲ συνέχον τῆς Αἰτωλικῆς προτροπῆς, ὑπὸ τὴν ὄψιν ἐτίθει τὰς ἐσομένας ὠφελείας ἐκ τῆς τῶν Μεσσηνίων χώρας, οὔσης ἀπρονοήτου καὶ διαμεμενηκυίας ἀκεραίου μόνης τῶν ἐν Πελοποννήσῳ κατὰ τὸν Κλεομενικὸν πόλεμον.
그리고 아이톨리아인을 설득하는 가장 중요한 핵심으로서, 그는 메세니아 영토에서 얻을 수 있는 이익을 그의 눈앞에 제시했는데, 메세니아는 무방비 상태였고 클레오메네스 전쟁 동안 펠로폰네소스에서 유일하게 피해를 입지 않고 고스란히 남아 있었기 때문이다.
§4.5.6ἐπὶ δὲ πᾶσι τούτοις συνίστανε τὴν ἐξακολουθήσουσαν εὔνοιαν σφίσι παρὰ τοῦ τῶν Αἰτωλῶν πλήθους.
이 모든 것에 더해, 그는 아이톨리아 대중들이 자신들에게 보내줄 지지를 강조했다.
§4.5.7Ἀχαιοὺς δʼ, ἂν μὲν κωλύσωσι τὴν δίοδον, οὐκ ἐρεῖν ἐγκλήματα τοῖς ἀμυνομένοις· ἐὰν δʼ ἀγάγωσι τὴν ἡσυχίαν, οὐκ ἐμποδιεῖν αὐτοῖς πρὸς τὴν ἐπιβολήν.
또한 아카이아인들에 관해서는, 만약 그들이 통과를 가로막는다면 자위하는 자들에 대해 불만을 제기하지 못할 것이며, 만약 그들이 잠자코 있는다면 자신들의 계획을 방해하지 않을 것이라고 말했다.
§4.5.8πρὸς δὲ Μεσσηνίους προφάσεως οὐκ ἀπορήσειν ἔφη· πάλαι γὰρ αὐτοὺς ἀδικεῖν Ἀχαιοῖς καὶ Μακεδόσιν ἐπηγγελμένους κοινωνήσειν τῆς συμμαχίας.
메세니아인들에 대해서도 핑계가 부족하지 않을 것이라고 주장했는데, 그들이 아카이아인 및 마케도니아인과 동맹을 맺고 이에 참여할 것을 약속함으로써 오래전부터 아이톨리아인들을 해치고 있었다는 것이었다.
§4.5.9ταῦτα δʼ εἰπὼν καὶ παραπλήσια τούτοις ἕτερα πρὸς τὴν αὐτὴν ὑπόθεσιν, τοιαύτην ὁρμὴν παρέστησε τῷ Σκόπᾳ καὶ τοῖς τούτου φίλοις ὥστʼ οὔτε κοινὴν τῶν Αἰτωλῶν προσδεξάμενοι σύνοδον οὔτε τοῖς ἀποκλήτοις συμμεταδόντες, οὐδὲ μὴν ἄλλο τῶν καθηκόντων οὐδὲν πράξαντες, §4.5.10κατὰ δὲ τὰς αὑτῶν ὁρμὰς καὶ κρίσεις διαλαβόντες ἅμα Μεσσηνίοις, Ἠπειρώταις, Ἀχαιοῖς, Ἀκαρνᾶσι, Μακεδόσι πόλεμον ἐξήνεγκαν.
그는 이러한 말들과 동일한 취지의 다른 유사한 논거들을 제시하여 스코파스와 그의 친구들에게 엄청난 충동을 불러일으켰고, 그 결과 그들은 아이톨리아인의 공동 집회를 기다리지도 않고, 특별 자문위원회와 상의하지도 않았으며, 다른 어떤 정당한 절차도 밟지 않고, 그들 자신의 충동과 판단에 따라 메세니아인, 에페이로스인, 아카이아인, 아카르나니아인, 마케도니아인을 상대로 동시에 전쟁을 선포했다.