§4.29.1Φίλιππος δὲ παραχειμάζων ἐν Μακεδονίᾳ κατέγραφε τὰς δυνάμεις πρὸς τὴν μέλλουσαν χρείαν ἐπιμελῶς, ἅμα δὲ τούτοις ἠσφαλίζετο τὰ πρὸς τοὺς ὑπερκειμένους τῆς Μακεδονίας βαρβάρους.
필리포스는 마케도니아에서 겨울을 보내는 동안 장차 다가올 필요에 대비하여 정성껏 병력을 소집하였고, 이와 동시에 마케도니아 북방에 위치한 바르바로이들에 대한 방비를 공고히 하였다.
§4.29.2μετὰ δὲ ταῦτα συνελθὼν πρὸς Σκερδιλαΐδαν καὶ τολμηρῶς δοὺς αὑτὸν εἰς τὰς χεῖρας, διελέγετο περὶ φιλίας καὶ συμμαχίας,
이 일이 있은 후, 그는 스케르딜라이다스를 만나러 가서 대담하게도 몸을 그의 손에 내맡기고 우호와 동맹에 관해 대화하였다.
§4.29.3καὶ τὰ μὲν ὑπισχνούμενος αὐτῷ συγκατασκευάσειν τῶν κατὰ τὴν Ἰλλυρίδα πραγμάτων, τὰ δὲ κατηγορῶν τῶν Αἰτωλῶν, ὄντων εὐκατηγορήτων, ῥᾳδίως ἔπεισε συγχωρεῖν τοῖς παρακαλουμένοις.
그리고 한편으로는 일리리아의 일들에 대해 그의 기반을 확립하도록 돕겠다고 약속하고, 다른 한편으로는 비난받아 마땅했던 아이톨리아인들을 규탄함으로써, 그를 쉽게 설득하여 제안에 동의하도록 만들었다.
§4.29.4μήποτε γὰρ οὐδὲν διαφέρει τὰ κατʼ ἰδίαν ἀδικήματα τῶν κοινῶν, ἀλλὰ πλήθει μόνον καὶ μεγέθει τῶν συμβαινόντων.
왜냐하면 사적인 불의는 일어나는 일들의 수와 크기에서만 공적인 불의와 다를 뿐, 어쩌면 아무런 차이가 없을지도 모르기 때문이다.
καὶ γὰρ κατʼ ἰδίαν τὸ τῶν ῥᾳδιουργῶν καὶ κλεπτῶν φῦλον τούτῳ μάλιστα τῷ τρόπῳ σφάλλεται, τῷ μὴ ποιεῖν ἀλλήλοις τὰ δίκαια καὶ συλλήβδην διὰ τὰς εἰς αὑτοὺς ἀθεσίας.
실제로 사적인 삶에서도 악당과 도둑들의 무리가 파멸하는 것은 주로 이런 방식, 즉 서로에게 정의를 행하지 않고 요컨대 서로에 대한 배신을 일삼기 때문이다.
ὃ καὶ τότε συνέβη γενέσθαι περὶ τοὺς Αἰτωλούς.
그리고 이 일이 바로 당시 아이톨리아인들의 신상에 일어났던 것이다.
§4.29.5συνθέμενοι γὰρ τῷ Σκερδιλαΐδᾳ δώσειν μέρος τι τῆς λείας, ἐὰν συνεισβάλῃ μετʼ αὐτῶν εἰς τὴν Ἀχαΐαν, πεισθέντος καὶ ποιήσαντος τοῦτο, §4.29.6διαρπάσαντες τὴν τῶν Κυναιθέων πόλιν, καὶ πολλὰ περιελασάμενοι σώματα καὶ θρέμματα, τὸν Σκερδιλαΐδαν οὐδενὸς μερίτην ἐποίησαν τῶν ἁλόντων.
왜냐하면 그들은 스케르딜라이다스에게 만약 그가 자신들과 함께 아카이아를 공동 침공한다면 전리품의 일부를 주겠다고 약속했고, 그가 설득되어 이를 실행했음에도 불구하고, 키나이타인들의 도시를 약탈하고 많은 사람과 가축을 몰고 간 뒤에, 스케르딜라이다스에게 획득한 것 중 아무런 몫도 나누어 주지 않았기 때문이다.
§4.29.7διόπερ ὑποκαθημένης ἐκ τούτων αὐτῷ τῆς ὀργῆς, βραχέα προσαναμνήσαντος τοῦ Φιλίππου, ταχέως ὑπήκουσε καὶ συνέθετο μεθέξειν τῆς κοινῆς συμμαχίας, ἐφʼ ᾧ λαμβάνειν μὲν εἴκοσι τάλαντα κατʼ ἐνιαυτόν, πλεῖν δὲ λέμβοις τριάκοντα καὶ πολεμεῖν τοῖς Αἰτωλοῖς κατὰ θάλατταν.
그리하여 이 일로 인해 그의 마음속에 분노가 도사리고 있었는데, 필리포스가 그 사실을 가볍게 상기시키자 그는 신속히 이에 응하여, 매년 20탈란톤을 받는 대신 렘보스선 30척을 몰고 출항하여 바다에서 아이톨리아인들과 싸운다는 조건으로 공동 동맹에 참여할 것을 약속했다.