§36.5.1ἐν δὲ τῷ καιρῷ τούτῳ φασὶ Μάγωνα τὸν Βρέττιον χρήσασθαι λόγοις ἀνδρώδεσι καὶ πραγματικοῖς.
이 시기에 브레티오스 사람 마고가 용기 있고 실질적인 연설을 했다고 전해진다.
§36.5.2δύο γάρ, ὡς ἔοικε, καιροὺς ἔφασκεν εἶναι τοῦ βουλεύσασθαι περὶ σφῶν καὶ τῆς πατρίδος, ὧν τὸν μὲν ἕνα παρεῖσθαι.
왜냐하면 그가 말하기를, 자신들과 조국에 대해 심사숙고할 기회는 두 번 있었으나, 그중 하나는 이미 흘려보냈음이 분명하기 때문이다.
§36.5.3δεῖν γὰρ οὐ μὰ Δία νῦν διαπορεῖν τί διὰ τῶν ὑπάτων αὐτοῖς παραγγελθήσεται, καὶ διὰ τί περὶ πόλεως οὐδεμίαν ἐποιήσατο μνείαν ἡ σύγκλητος, ἀλλὰ καθʼ ὃν καιρὸν ἐδίδοσαν τὴν ἐπιτροπήν·
제우스에 맹세코, 집정관들을 통해 자신들에게 무엇이 명령될지, 그리고 왜 원로원이 도시에 대해 아무런 언급도 하지 않았는지를 이제 와서 곤혹스러워할 것이 아니라, 결정권을 양도하던 바로 그 시기에 그렇게 했어야 했기 때문이다.
§36.5.4δόντας δὲ σαφῶς γινώσκειν διότι πᾶν τὸ παραγγελλόμενον ἐπιδεκτέον ἐστίν, ἐὰν μὴ τελέως ὑπερήφανον ᾖ καὶ παρὰ τὴν προσδοκίαν·
일단 인도한 이상, 명령받는 모든 것은 그것이 완전히 오만하고 예상을 벗어난 것이 아닌 한 받아들여야 함을 명백히 인식해야 했다.
§36.5.5εἰ δὲ μή, τότε πάλιν βουλεύεσθαι πότερα δεῖ προσδέχεσθαι τὸν πόλεμον εἰς τὴν χώραν καὶ πάσχειν ὅ, τι ποτʼ ἂν οὗτος ἐπιφέρῃ τῶν δεινῶν, ἢ κατορρωδήσαντας τὴν τῶν πολεμίων ἔφοδον ἐθελοντὴν ἀναδέχεσθαι πᾶν τὸ προσταττόμενον.
만일 그렇지 않다면, 그때 다시 국토 안으로 전쟁을 받아들이고 전쟁이 가져올 온갖 참상을 감내해야 할지, 아니면 적의 침공을 두려워하여 지시받는 모든 것을 자발적으로 감수해야 할지 심사숙고해야 한다는 것이었다.
§36.5.6πάντων δὲ διὰ τὸν ἐφεστῶτα πόλεμον καὶ διὰ τὸ τῆς προσδοκίας ἄδηλον φερομένων ἐπὶ τὸ πειθαρχεῖν τοῖς παραγγελλομένοις, ἔδοξεν πέμπειν τοὺς ὁμήρους εἰς τὸ Λιλύβαιον.
하지만 임박한 전쟁과 앞날의 불확실성 때문에 모두가 명령에 복종하는 쪽으로 쏠렸으므로, 인질들을 릴뤼바이온으로 보내기로 결정되었다.
§36.5.7καὶ παραυτίκα καταλέξαντες τριακοσίους τῶν νέων ἐξέπεμπον μετὰ μεγάλης οἰμωγῆς καὶ δακρύων, ἅτε προπεμπόντων ἕκαστον τῶν ἀναγκαίων καὶ συγγενῶν, καὶ μάλιστα τῶν γυναικῶν ἐκκαουσῶν τὴν τοιαύτην διάθεσιν.
그리고 즉시 청년들 중에서 300명을 선발하여 커다란 울음과 눈물 속에서 보냈는데, 친척들과 친지들이 저마다 배웅하였고 특히 여성들이 그러한 비탄의 감정을 부채질했기 때문이다.
§36.5.8ἐπεὶ δὲ κατέπλευσαν εἰς τὸ Λιλύβαιον, οἱ μὲν ἐξ αὐτῆς παρεδόθησαν διὰ τῶν ὑπάτων Κοΐντῳ Φαβίῳ Μαξίμῳ — συνέβαινε γὰρ τοῦτον ἐπὶ τῆς Σικελίας τετάχθαι στρατηγὸν τότε —
그들이 배를 타고 릴뤼바이온에 도착했을 때, 즉시 집정관들을 통해 퀸투스 파비우스 막시무스에게 인도되었다. 그가 당시 시칠리아의 장군으로 임명되어 있었기 때문이다.
§36.5.9διʼ οὗ παρακομισθέντες ἀσφαλῶς εἰς τὴν Ῥώμην συνεκλείσθησαν ὁμοῦ πάντες εἰς τὸ τῆς ἑκκαιδεκήρους νεώριον
그의 인도를 받아 안전하게 로마로 이송된 그들은 모두 함께 16단 노선의 선거에 감금되었다.