§32.3.1ἐγένετο δέ τι περὶ τοὺς προειρημένους ἄξιον μνήμης.
또한 앞서 말한 인물들과 관련하여 기억할 만한 일이 일어났다.
§32.3.2ὁ μὲν γὰρ Λεπτίνης μετὰ τὸ προσενεγκεῖν Γναΐῳ τὰς χεῖρας εὐθέως ἐν τῇ Λαοδικείᾳ περιῄει φανερῶς, φάσκων δίκαια πεποιηκέναι καὶ μετὰ τῆς τῶν θεῶν γνώμης ταῦτα πεπραχέναι.
레프티네스는 그나이우스에게 손을 댄 후, 곧바로 라오디케아에서 공공연히 돌아다니며, 자신이 정의로운 일을 행했으며 신들의 뜻에 따라 이 일을 완수했다고 주장했기 때문이다.
§32.3.3τοῦ δὲ Δημητρίου παραλαβόντος τὰ πράγματα, προσεπορεύετο τῷ βασιλεῖ, παρακαλῶν αὐτὸν μὴ δεδιέναι διὰ τὸν Γναΐου φόνον μηδὲ βουλεύεσθαι μηδὲν δυσχερὲς κατὰ τῶν Λαοδικέων·
데메트리우스가 국정을 장악하자, 그는 왕에게 나아가 그나이우스의 살해에 대해 두려워하지 말며, 라오디케아인들에 대해 어떤 불리한 일도 도모하지 말라고 권했다.
§32.3.4αὐτὸς γὰρ εἰς τὴν Ῥώμην πορεύσεσθαι καὶ διδάξειν τὴν σύγκλητον ὅτι μετὰ τῆς τῶν θεῶν γνώμης ταῦτα πεποίηκεν.
왜냐하면 자신이 직접 로마로 가서 신들의 뜻에 따라 이 일을 행했음을 원로원에 설명하겠다는 것이었다.
§32.3.5καὶ πέρας διὰ τὴν ἑτοιμότητα καὶ προθυμίαν οὗτος μὲν ἄνευ δεσμῶν ἤχθη καὶ φυλακῆς, §32.3.6ὁ δʼ Ἰσοκράτης ἐμπεσὼν εἰς τὴν αἰτίαν ὁλοσχερῶς παρεξέστη τῇ διανοίᾳ.
그리하여 마침내 그의 자발적인 자세와 열의 덕분에 그는 결박되지도 감시를 받지도 않은 채 압송되었으나, 반면 이소크라테스는 혐의를 받게 되자 정신이 완전히 나가버렸다.
τοῦ κλοιοῦ δʼ αὐτῷ περὶ τὸν τράχηλον περιτεθέντος καὶ τῆς ἁλύσεως, σπανίως μὲν καὶ τὴν τροφὴν προσίετο, τῆς δὲ τοῦ σώματος θεραπείας εἰς τέλος ἀπέστη.
그의 목에 목칼과 쇠사슬이 채워지자, 그는 음식도 거의 입에 대지 않았고 마침내 몸을 돌보는 일을 완전히 포기했다.
§32.3.7διὸ καὶ παρεγένετʼ εἰς τὴν Ῥώμην θέαμα θαυμάσιον, εἰς ὃν ἀποβλέψας ἄν τις ὁμολογήσειεν διότι καὶ κατὰ σῶμα καὶ κατὰ ψυχὴν οὐδέν ἐστιν ἀνθρώπου φοβερώτερον, ὅταν ἅπαξ ἀποθηριωθῇ.
이 때문에 그는 놀라운 구경거리가 되어 로마에 도착했는데, 그를 바라보는 사람이라면 누구라도 인간이 일단 야수처럼 변해버리면 육체로 보나 정신으로 보나 인간보다 더 무서운 존재는 없다는 것을 인정하지 않을 수 없었을 것이다.
§32.3.8ἥ τε γὰρ ὄψις ἐκτόπως ἦν αὐτοῦ φοβερὰ καὶ θηριώδης, ὡς ἂν πλεῖον ἐνιαυτοῦ μὴ τὸν ῥύπον, μὴ τοὺς ὄνυχας, μὴ τὰς τρίχας ἀφῃρημένου,
그의 용모는 심하게 기괴하고 야수 같았는데, 일 년이 넘도록 때를 벗기지도 않고 손톱을 깎지도 않았으며 머리털과 수염도 깎지 않았기 때문이었다.
§32.3.9τά τε κατὰ τὴν διάνοιαν ἐκ τῆς τῶν ὀμμάτων ἐμφάσεως καὶ κινήσεως τοιαύτην ἐποιεῖτο τὴν φαντασίαν ὥστε τὸν θεασάμενον πρὸς πᾶν ζῷον ἑτοιμότερον ἂν προσελθεῖν ἢ πρὸς ἐκεῖνον.
또한 눈빛의 표정과 움직임에서 드러나는 그의 정신 상태는, 그를 본 사람이라면 그에게 다가가느니 차라리 어떤 맹수에게라도 기꺼이 다가갔을 법한 인상을 풍겼다.
§32.3.10ὁ δὲ Λεπτίνης μένων ἐπὶ τῆς ἐξ ἀρχῆς προαιρέσεως εἴς τε τὴν σύγκλητον ἕτοιμος ἦν εἰσπορεύεσθαι πρός τε τοὺς ἐντυγχάνοντας ἁπλῶς ἀνθωμολογεῖτο περὶ τῆς πράξεως, καὶ προσδιωρίζετο μηδὲν αὑτῷ δυσχερὲς ἀπαντήσειν ὑπὸ Ῥωμαίων.
반면 레프티네스는 당초의 결심을 고수하며 원로원에 출두할 준비가 되어 있었고, 만나는 사람들에게 자신의 행위를 솔직하게 털어놓았으며, 로마인들로부터 자신에게 어떤 불행도 닥치지 않을 것이라고 덧붙여 장담했다.
καὶ τέλος εὐστόχησε τῆς ἐλπίδος·
그리고 마침내 그의 기대는 맞아떨어졌다.
§32.3.11ἡ γὰρ σύγκλητος, ὡς ἐμοὶ δοκεῖν, ὑπολαβοῦσα διότι δόξει τοῖς πολλοῖς ἔχειν τοῦ φόνου δίκην, ἐὰν τοὺς αἰτίους παραλαβοῦσα τιμωρήσηται, τούτους μὲν οὐ προσεδέξατο μικροῦ δεῖν, ἐτήρει δὲ τὴν αἰτίαν ἀκέραιον,
원로원은, 내 생각에는, 만약 주동자들을 인도받아 처벌한다면 대중은 살인에 대한 대가를 치렀다고 여길 것이라 생각하여, 이들을 거의 받아들이지 않고 혐의를 온전하게 보존했기 때문이다.
§32.3.12ὥστʼ ἔχειν ἐξουσίαν, ὅτε βουληθείη, χρήσασθαι τοῖς ἐγκλήμασι.
이는 원할 때 언제든지 그 혐의를 행사할 수 있는 권한을 가지기 위함이었다.
§32.3.13διὸ καὶ τὴν ἀπόκρισιν ἔδωκε τοιαύτην τῷ Δημητρίῳ, διότι τεύξεται τῶν φιλανθρώπων, ἐὰν τὸ ἱκανὸν ποιῇ τῇ συγκλήτῳ κατὰ τὴν τῆς ἀρχῆς ἐξουσίαν. —
그리하여 데메트리우스에게도, 만약 그가 왕권의 권력에 따라 원로원을 만족시킨다면 호의적인 대우를 받게 될 것이라는 취지의 답변을 보냈다.
§32.3.14ἧκον δὲ καὶ παρὰ τῶν Ἀχαιῶν πρέσβεις οἱ περὶ Ξένωνα καὶ Τηλεκλῆν ὑπὲρ τῶν κατῃτιαμένων, καὶ μάλιστα τοῦ Πολυβίου καὶ τοῦ Στρατίου χάριν·
아카이아인들로부터도 고발당한 자들을 위해, 특히 폴리비오스와 스트라티오스를 위해 크세논과 텔레클레스를 우두머리로 하는 사절들이 도착했다.
§32.3.15τοὺς μὲν γὰρ λοιποὺς σχεδὸν ἅπαντας ὁ χρόνος ἤδη καταναλώκει, τούς γε δὴ καὶ μνήμης ἀξίους.
다른 이들, 적어도 기억할 만한 가치가 있는 자들은 거의 모두 이미 오랜 세월이 흐르며 세상을 떠났기 때문이다.
§32.3.16παρῆσαν δʼ οἱ πρέσβεις ἐντολὰς ἔχοντες ἁπλῶς ἀξιωματικὰς χάριν τοῦ πρὸς μηδὲν ἀντιφιλονικεῖν τῇ συγκλήτῳ.
사절들은 원로원과 어떤 일로도 맞서지 않기 위해 단지 청원하는 형식의 지침만을 가지고 와 있었다.
§32.3.17εἰσπορευθέντων δὲ καὶ ποιησαμένων τοὺς ἁρμόζοντας λόγους, οὐδʼ ὣς οὐδὲν ἠνύσθη, τὸ δʼ ἐναντίον ἔδοξε τῇ συγκλήτῳ μένειν ἐπὶ τῶν ὑποκειμένων.
그러나 그들이 들어가 적절한 발언을 했음에도 불구하고 역시 아무런 소득이 없었고, 오히려 원로원은 기존의 결정을 고수하기로 의결했다.