§30.9.1πολὺ δὲ κατὰ τὴν ἀβουλίαν καὶ κατὰ τὴν ἀγεννίαν ὁ Πολυάρατος ὑπερέθετο τὸν Δείνωνα.
그러나 어리석음과 비열함에 있어서 폴리아라토스는 데이논을 훨씬 능가했다。
§30.9.2τοῦ γὰρ Ποπιλίου προστάξαντος Πτολεμαίῳ τῷ βασιλεῖ τὸν Πολυάρατον ἀναπέμπειν εἰς τὴν Ῥώμην, ὁ βασιλεὺς εἰς μὲν τὴν Ῥώμην οὐκ ἔκρινε πέμπειν, ἐντρεπόμενος τὴν πατρίδα καὶ τὸν Πολυάρατον, εἰς δὲ τὴν Ῥόδον ἀποστέλλειν διέλαβε, κἀκείνου τοῦτο παρακαλοῦντος.
포필리우스가 프톨레마이오스 왕에게 폴리아라토스를 로마로 압송하라고 명령했을 때, 왕은 로마로 보내지는 않기로 결정하고, 그의 조국과 폴리아라토스 자신을 배려하여 로도스로 보내기로 결정했는데, 폴리아라토스 역시 이를 간청하고 있었기 때문이다。
§30.9.3παραστήσας οὖν λέμβον καὶ παραδοὺς αὐτὸν Δημητρίῳ τινὶ τῶν φίλων ἐξαπέστειλεν.
그리하여 왕은 쾌속선을 준비해 그를 자신의 친구 중 한 명인 데메트리오스에게 넘겨주어 떠나보냈다.
ἔγραφε δὲ καὶ τοῖς Ῥοδίοις ὑπὲρ τῆς ἐκπομπῆς.
또한 그 송환에 대해 로도스인들에게도 서한을 보냈다。
§30.9.4ὁ δὲ Πολυάρατος προσσχὼν Φασηλίδι κατὰ πλοῦν καὶ διανοηθεὶς ἅττα δή ποτʼ οὖν, λαβὼν θαλλοὺς κατέφυγεν ἐπὶ τὴν κοινὴν ἑστίαν.
그러나 폴리아라토스는 항해 도중 파셀리스에 기항했을 때, 무슨 생각에서였는지 탄원의 가지를 손에 들고 공동의 제단으로 도망쳤다。
§30.9.5ὃν εἴ τις ἤρετο τί βούλεται, πέπεισμαι μηδʼ ἂν αὐτὸν ἔχειν εἰπεῖν.
만일 누군가 그에게 무엇을 원하는지 물었다 하더라도, 그 자신도 대답하지 못했을 것이라고 나는 확신한다.
εἰ μὲν γὰρ εἰς τὴν πατρίδα μολεῖν ἐπεθύμει, τί θαλλῶν ἔδει;
만약 그가 조국으로 돌아가기를 원했다면 왜 탄원의 가지가 필요했겠는가?
τοῦτο γὰρ προύκειτό που τοῖς ἄγουσιν αὐτόν.
그것이야말로 그를 연행하던 자들의 목적이었을 것이기 때문이다。
§30.9.6εἰ δʼ εἰς τὴν Ῥώμην, καὶ μὴ βουλομένου ʼκείνου τοῦτʼ ἔδει γενέσθαι κατʼ ἀνάγκην.
만일 로마로 가기 위해서였다면, 그가 원치 않더라도 그것은 필연적으로 일어날 일이었다.
τί οὖν κατελείπεθʼ ἕτερον;
그렇다면 달리 무슨 대안이 남아 있었겠는가?
ἄλλος γὰρ τόπος ὁ δεξόμενος αὐτὸν μετʼ ἀσφαλείας οὐκ ἦν.
그를 안전하게 받아줄 다른 장소는 없었기 때문이다。
§30.9.7οὐ μὴν ἀλλὰ τῶν Φασηλιτῶν πεμψάντων εἰς τὴν Ῥόδον καὶ παρακαλούντων κομίζεσθαι καὶ παραλαμβάνειν τὸν Πολυάρατον, νουνεχῶς οἱ Ῥόδιοι διαλαβόντες ἄφρακτον μὲν ἐξαπέστειλαν τὸ παραπέμψον,
그렇기는 하지만, 파셀리스인들이 로도스에 전령을 보내 폴리아라토스를 데려가 인도받을 것을 간청하자, 로도스인들은 현명하게 판단하여 호송을 위한 무갑판선 한 척을 파견했다。
§30.9.8ἀναλαβεῖν δʼ εἰς τὴν ναῦν ἐκώλυσαν τὸν ἄρχοντα διὰ τὸ προστετάχθαι τοῖς ἐκ τῆς Ἀλεξανδρείας εἰς Ῥώμην ἀποκαταστῆσαι τὸν ἄνθρωπον.
그러나 선장에게는 그를 배에 태우는 것을 금지했는데, 알렉산드리아에서 온 자들에게 그를 로마로 압송하라는 명령이 내려져 있었기 때문이다。
§30.9.9παραγενομένης δὲ τῆς νεὼς εἰς τὴν Φασηλίδα, καὶ τοῦ μὲν Ἐπιχάρους, ὃς ἦν ἄρχων τῆς νεώς, οὐ βουλομένου δέχεσθαι τῷ πλοίῳ τὸν ἄνθρωπον,
그 배가 파셀리스에 도착했을 때, 선장이었던 에피카레스는 그를 배에 태우기를 원치 않았다。
§30.9.10τοῦ δὲ Δημητρίου τοῦ προχειρισθέντος ὑπὸ τοῦ βασιλέως διὰ τὴν ἀναπομπὴν κελεύοντος ἀνίστασθαι καὶ πλεῖν αὐτόν, καὶ τῶν Φασηλιτῶν συνεπισχυόντων αὐτῷ διὰ τὸ δεδιέναι μή τις ἐκ Ῥωμαίων σφίσι διὰ ταῦτα μέμψις ἐπακολουθήσῃ,
한편, 송환을 위해 왕으로부터 임명된 데메트리오스는 그에게 일어나 항해할 것을 명령했고, 파셀리스인들도 이 일로 인해 자신들에게 로마인들의 책망이 따를까 두려워하여 데메트리오스를 거들었다。
§30.9.11καταπλαγεὶς τὴν περίστασιν ἐνέβη πάλιν τὸν λέμβον πρὸς τὸν Δημήτριον.
그는 사태에 압도되어 데메트리오스가 있는 쾌속선에 다시 올라탔다.
κατὰ δὲ τὸν ἀπόπλουν ἐπιλαβόμενος ἀφορμῆς εὐκαίρου, §30.9.12προσδραμὼν κατέφυγε πάλιν εἰς Καῦνον κἀκεῖ παραπλησίως ἐδεῖτο τῶν Καυνίων βοηθεῖν.
그러나 출항할 때 적절한 기회를 틈타, 달아나 다시 카우노스로 도망쳤고, 그곳에서도 마찬가지로 카우노스인들에게 도와달라고 간청했다。
§30.9.13τούτων δὲ πάλιν ἀποτριβομένων αὐτὸν διὰ τὸ τάττεσθαι μετὰ Ῥοδίων, διεπέμπετο πρὸς Κιβυράτας, δεόμενος αὐτὸν δέξασθαι τῇ πόλει καὶ πέμψαι παραπομπήν.
이들 역시 로도스인들의 지배하에 있었기 때문에 그를 거절하자, 그는 키비라인들에게 사절을 보내 자신을 성안으로 받아들이고 호송대를 보내달라고 요청했다。
§30.9.14ἔσχε γὰρ ἀφορμὴν πρὸς τὴν πόλιν διὰ τὸ τεθράφθαι παρʼ αὐτῷ τοὺς παῖδας Παγκράτους τοῦ τυράννου.
왜냐하면 참주 판크라테스의 아이들이 그의 처소에서 양육되었기 때문에, 그는 그 도시에 연고를 가지고 있었기 때문이다。
§30.9.15τῶν δὲ πεισθέντων καὶ ποιησάντων τὰ παρακαλούμενα, παραγενόμενος εἰς τὴν Κιβύραν εἰς ἀπορίαν ἐνέβαλεν αὑτόν τε καὶ τοὺς Κιβυράτας μείζω τῆς πρότερον, ὅτε παρὰ τοῖς Φασηλίταις ἦν.
그들이 설득되어 간청한 대로 행하자, 그는 키비라에 도착했으나, 이로 인해 자신과 키비라인들을 이전에 파셀리스인들 사이에 있을 때보다 더 큰 궁지에 몰아넣게 되었다。
§30.9.16οὔτε γὰρ ἔχειν παρʼ αὑτοῖς ἐθάρρουν αὐτὸν διὰ τὸ δεδιέναι τὸν ἀπὸ Ῥωμαίων κίνδυνον, οὔτʼ ἀναπέμπειν εἰς τὴν Ῥώμην ἐδύναντο διὰ τὴν ἀπειρίαν τῶν κατὰ θάλατταν ἔργων, ἅτε μεσόγαιοι τελέως ὑπάρχοντες.
왜냐하면 그들은 로마인들로부터 올 위험을 두려워하여 그를 자신들 곁에 둘 엄두를 내지 못했고, 완전히 내륙 지방에 살았기에 바다의 일에 익숙하지 않아 그를 로마로 보낼 수도 없었기 때문이다。
§30.9.17λοιπὸν ἠναγκάζοντο πρεσβεύειν εἰς τὴν Ῥόδον καὶ πρὸς τὸν στρατηγὸν εἰς Μακεδονίαν, ἀξιοῦντες παραλαβεῖν τὸν ἄνθρωπον.
결국 그들은 로도스와 마케도니아에 있는 사령관에게 사절을 보내 이 사람을 인도받아 갈 것을 요청해야만 했다。
§30.9.18τοῦ δὲ Λευκίου γράψαντος τοῖς μὲν Κιβυράταις τηρεῖν ἐπιμελῶς τὸν Πολυάρατον καὶ κομίζειν εἰς τὴν Ῥόδον, τοῖς δὲ Ῥοδίοις φροντίζειν τῆς κατὰ θάλατταν παραπομπῆς, ἵνα μετʼ ἀσφαλείας εἰς τὴν Ῥωμαίων ἀνακομισθῇ, πειθαρχησάντων δʼ ἀμφοτέρων τοῖς γραφομένοις, §30.9.19τούτῳ τῷ τρόπῳ συνέβη τὸν Πολυάρατον ἐλθεῖν εἰς τὴν Ῥώμην, ἐκθεατρίσαντα μὲν τὴν ἀβουλίαν τὴν αὑτοῦ καὶ τὴν ἀγεννίαν ἐφʼ ὅσον οἷός τʼ ἦν, ἔκδοτον δὲ γενόμενον οὐ μόνον παρὰ Πτολεμαίου τοῦ βασιλέως, ἀλλὰ καὶ παρὰ Φασηλιτῶν καὶ παρὰ Κιβυρατῶν καὶ παρὰ Ῥοδίων διὰ τὴν ἰδίαν ἄνοιαν.
루키우스가 키비라인들에게는 폴리아라토스를 세심히 감시하여 로도스로 인도하라고 쓰고, 로도스인들에게는 그가 안전하게 로마인들에게로 송환될 수 있도록 해상 호송을 신경 쓰라고 서한을 보내 양쪽 모두 그 서한의 지시에 따랐기에, 이러한 방식으로 폴리아라토스는 로마에 도달하게 되었는데, 그는 가능한 한 자신의 어리석음과 비열함을 세상에 폭로했고, 그 자신의 어리석음으로 인해 프톨레마이오스 왕뿐만 아니라 파셀리스인들, 키비라인들, 로도스인들에게까지 넘겨지게 되었던 것이다。
§30.9.20τίνος οὖν χάριν τὸν πλείω λόγον πεποίημαι περὶ Πολυαράτου καὶ Δείνωνος;
그렇다면 도대체 무슨 목적으로 나는 폴리아라토스와 데이논에 관해 이토록 긴 이야기를 한 것일까?
§30.9.21οὐχ ἵνα συνεπεμβαίνειν δόξω ταῖς ἐκείνων ἀτυχίαις. καὶ γὰρ ἄτοπόν γε τοῦτο τελέως· ἀλλʼ ἵνα φανερὰν ποιήσας τὴν ἐκείνων ἀβουλίαν βέλτιον παρασκευάσω καὶ βουλεύεσθαι καὶ φρονεῖν τοὺς κατὰ τὰς περιστάσεις εἰς παραπλησίους ἐμπίπτοντας καιρούς.
그들의 불행에 가세하여 짓밟는 것처럼 보이기 위함이 아니니—그것은 실로 완전히 부적절한 일이기 때문이다—그들의 어리석음을 명백히 드러냄으로써, 위기 상황에서 유사한 국면에 빠지게 되는 이들이 더 잘 숙고하고 지혜롭게 처신하도록 준비시키기 위함이다.
—
—