§30.3.1διόπερ εἰσελθὼν εἰς τὴν σύγκλητον ὁ προειρημένος συνεχάρη μὲν ἐπὶ τοῖς γεγονόσιν καὶ περὶ τῆς καθʼ αὑτὸν εὐνοίας καὶ προθυμίας, ἣν παρέσχετο κατὰ τὸν πρὸς Περσέα πόλεμον, ἀπελογίσατο·
그리하여 앞서 언급한 아탈로스는 원로원에 들어가 일어난 일들에 대해 축하의 뜻을 전하고, 페르세우스와의 전쟁 중에 자신이 보여준 호의와 열성에 대해 해명했다.
§30.3.2παραπλησίως δὲ καὶ περὶ τοῦ πέμψαι πρεσβευτὰς τοὺς παρακαθέξοντας τὴν τῶν Γαλατῶν ἀπόνοιαν καὶ πάλιν εἰς τὴν ἐξ ἀρχῆς αὐτοὺς ἀποκαταστήσοντας διάθεσιν παρεκάλεσε διὰ πλειόνων.
또한 마찬가지로, 갈라티아인들의 광포한 행동을 억제하고 그들을 다시 원래의 상태로 돌려놓기 위한 사절단을 파견해 줄 것을 긴 대화를 통해 요청했다.
§30.3.3ἐποιήσατο δὲ λόγους καὶ περὶ τῆς Αἰνίων καὶ τῆς Μαρωνειτῶν πόλεως, ἀξιῶν αὑτῷ δοθῆναι ταύτας ἐν δωρεᾷ.
그는 또한 아이노스와 마로네이아 시에 대해서도 언급하며, 이 도시들을 자신에게 선물로 줄 것을 요구했다.
§30.3.4τὸν δὲ κατὰ τοῦ βασιλέως λόγον καὶ τὸν περὶ τοῦ μερισμοῦ τῆς ἀρχῆς εἰς τέλος παρεσιώπησεν.
그러나 왕에 대항하는 부류의 발언이나 지배권 분할에 관한 이야기는 끝내 완전히 침묵으로 일관했다.
§30.3.5ἡ δὲ σύγκλητος ὑπολαμβάνουσα πάλιν αὐτὸν ἰδίᾳ περὶ τούτων εἰσπορεύσεσθαι, τούς τε πρεσβευτὰς συμπέμψειν ὑπέσχετο καὶ τοῖς εἰθισμένοις δώροις ἐτίμησεν αὐτὸν μεγαλομερῶς·
원로원은 그가 다시 사적으로 이 일들에 대해 청원하러 올 것이라 짐작하고 사절을 동반 파견하겠다고 약속했으며, 관례적인 선물로 그를 후하게 대접했다.
ἐπηγγείλατο δὲ καὶ τὰς προειρημένας πόλεις δώσειν.
또한 앞서 언급한 도시들을 주겠다는 약속도 덧붙였다.
§30.3.6ἐπειδὴ δὲ παραυτὰ τυχὼν τῶν φιλανθρώπων ὥρμησεν ἐκ τῆς Ῥώμης οὐδὲν ποιήσας τῶν προσδοκωμένων, διαψευσθεῖσα τῶν ἐλπίδων ἡ σύγκλητος ἄλλο μὲν οὐδὲν εἶχε ποιεῖν, §30.3.7ἔτι δὲ κατὰ τὴν Ἰταλίαν ὄντος αὐτοῦ τὴν μὲν Αἶνον καὶ τὴν Μαρώνειαν ἠλευθέρωσεν, ἀθετήσασα τὴν ἐπαγγελίαν, τοὺς δὲ περὶ τὸν Πόπλιον Λικίννιον ἔπεμψε πρεσβευτὰς πρὸς τοὺς Γαλάτας.
하지만 아탈로스가 호의적인 대접을 받자마자 기대했던 일은 아무것도 하지 않은 채 로마를 떠나버리자, 기대가 어긋난 원로원은 달리 방도가 없었기에, 그가 아직 이탈리아에 머물고 있는 동안 약속을 파기하고 아이노스와 마로네이아를 자유 도시로 선포했으며, 푸블리우스 리키니우스 일행을 갈라티아인들에게 사절로 파견했다.
§30.3.8οἷς ποίας μὲν ἔδωκεν ἐντολὰς εἰπεῖν οὐ ῥᾴδιον, στοχάζεσθαι δʼ ἐκ τῶν μετὰ ταῦτα συμβάντων οὐ δυσχερές.
원로원이 이 사절들에게 어떤 지시를 내렸는지 말하기는 쉽지 않으나, 그 후에 일어난 일들로 미루어 짐작하기는 어렵지 않다.
§30.3.9τοῦτο δʼ ἔσται δῆλον ἐκ τῶν πράξεων αὐτῶν.
그리고 이 사실은 사건 자체를 통해 분명해질 것이다.