§3.86.1κατὰ δὲ τοὺς τῆς μάχης καιροὺς Γνάιος Σερουίλιος ὁ προκαθήμενος ὕπατος ἐπὶ τῶν κατʼ Ἀρίμινον τόπων — §3.86.2οὗτοι δʼ εἰσὶν ἐπὶ τῆς παρὰ τὸν Ἀδρίαν πλευρᾶς, οὗ συνάπτει τὰ Γαλατικὰ πεδία πρὸς τὴν ἄλλην Ἰταλίαν, οὐ μακρὰν τῆς εἰς θάλατταν ἐκβολῆς τῶν τοῦ Πάδου στομάτων — §3.86.3ἀκούσας εἰσβεβληκότα τὸν Ἀννίβαν εἰς Τυρρηνίαν ἀντιστρατοπεδεύειν τῷ Φλαμινίῳ, πᾶσι μὲν ἐπεβάλετο τοῖς στρατοπέδοις αὐτὸς συνάπτειν, ἀδυνατῶν δὲ διὰ τὸ τῆς στρατιᾶς βάρος Γάιον Κεντήνιον κατὰ σπουδὴν δοὺς τετρακισχιλίους ἱππεῖς προεξαπέστειλε, βουλόμενος, εἰ δέοινθʼ οἱ καιροί, πρὸ τῆς αὑτοῦ παρουσίας τούτους καταταχεῖν. §3.86.4Ἀννίβας δέ, μετὰ τὴν μάχην προσαγγελθείσης αὐτῷ τῆς τῶν ὑπεναντίων βοηθείας, ἐξαποστέλλει Μαάρβαν ἔχοντα τοὺς λογχοφόρους καί τι μέρος τῶν ἱππέων. §3.86.5οἳ καὶ συμπεσόντες τοῖς περὶ τὸν Γάιον ἐν αὐτῇ μὲν τῇ πρώτῃ συμπλοκῇ σχεδὸν τοὺς ἡμίσεις αὐτῶν διέφθειραν, τοὺς δὲ λοιποὺς εἴς τινα λόφον συνδιώξαντες τῇ κατὰ πόδας ἡμέρᾳ πάντας ἔλαβον ὑποχειρίους. §3.86.6ἐν δὲ τῇ Ῥώμῃ, τριταίας οὔσης τῆς κατὰ τὴν μάχην προσαγγελίας, καὶ μάλιστα τότε τοῦ πάθους κατὰ τὴν πόλιν ὡσανεὶ φλεγμαίνοντος, ἐπιγενομένης καὶ ταύτης τῆς περιπετείας οὐ μόνον τὸ πλῆθος, ἀλλὰ καὶ τὴν σύγκλητον αὐτὴν συνέβη διατραπῆναι.
전투가 치러지던 시기에, 아리미눔 지역을 수비하던 집정관 그나이우스 세르윌리우스는— 이곳은 아드리아해 연안에 있으며, 갈리아 평원이 이탈리아의 나머지 부분과 접하는 곳으로, 파두스강의 하구가 바다로 흘러드는 곳에서 멀지 않은데— 한니발이 에투리아에 침입하여 플라미니우스와 대치하여 진을 치고 있다는 소식을 듣고, 스스로 온 군대를 이끌고 합류하고자 시도했다. 그러나 군대의 이동 속도가 느려 그것이 불가능했기에, 가이우스 켄테니우스에게 4,000명의 기병을 주어 급히 선발대로 파견했다. 상황이 요구한다면 자신의 도착에 앞서 이들이 먼저 급행하기를 바랐기 때문이다. 한편 한니발은 전투가 끝난 후 적의 원군이 오고 있다는 소식을 전해 듣고, 창병들과 기병의 일부를 거느린 마하르발을 파견했다. 이들은 가이우스의 군대와 충돌하여 첫 번째 교전에서 그들 중 거의 절반을 전멸시켰고, 나머지 군사들을 어떤 언덕으로 몰아넣은 뒤 이튿날 모두 포로로 잡았다. 로마에서는 전투에 대한 비보가 전해진 지 사흘째 되는 날이었고, 특히 그때 도성 안에는 그 타격으로 인해 마치 염증이 생긴 것처럼 상처가 생생했는데, 이 또 다른 역경이 덮치자 민중뿐만 아니라 원로원 자체도 크게 동요하게 되었다. 그리하여 그들은 연례적인 국정 운영과 정무관 선출을 제쳐두고, 현재의 위기 상황에 대해 더 중대하게 논의하기 시작했다.
§3.86.7διὸ καὶ παρέντες τὴν κατʼ ἐνιαυτὸν ἀγωγὴν τῶν πραγμάτων καὶ τὴν αἵρεσιν τῶν ἀρχόντων μειζόνως ἐπεβάλοντο βουλεύεσθαι περὶ τῶν ἐνεστώτων, νομίζοντες αὐτοκράτορος δεῖσθαι στρατηγοῦ τὰ πράγματα καὶ τοὺς περιεστῶτας καιρούς. §3.86.8Ἀννίβας δὲ κατατεθαρρηκὼς τοῖς ὅλοις ἤδη τὸ μὲν συνεγγίζειν τῇ Ῥώμῃ κατὰ τὸ παρὸν ἀπεδοκίμασεν, τὴν δὲ χώραν ἐπιπορευόμενος ἀδεῶς ἐπόρθει, ποιούμενος τὴν πορείαν ὡς ἐπὶ τὸν Ἀδρίαν. §3.86.9διανύσας τε τήν τε τῶν Ὄμβρων καλουμένην χώραν καὶ τὴν τῶν Πικέντων ἧκεν δεκαταῖος πρὸς τοὺς κατὰ τὸν Ἀδρίαν τόπους, §3.86.10πολλῆς μὲν λείας γεγονὼς ἐγκρατής, ὥστε μήτʼ ἄγειν μήτε φέρειν δύνασθαι τὸ στρατόπεδον τὰς ὠφελείας, πολὺ δὲ πλῆθος ἀνθρώπων ἀπεκταγκὼς κατὰ τὴν δίοδον· §3.86.11καθάπερ γὰρ ἐν ταῖς τῶν πόλεων καταλήψεσι, καὶ τότε παράγγελμά τι δεδομένον ἦν φονεύειν τοὺς ὑποπίπτοντας τῶν ἐν ταῖς ἡλικίαις.
사태와 당면한 상황이 전권을 지닌 장군을 필요로 한다고 생각했기 때문이다. 한편 한니발은 이제 전반적인 전황에 완전히 자신감을 얻었으나, 현재로서는 로마에 접근하는 것을 피하고, 두려움 없이 그 지역을 종횡무진하며 약탈하고 아드리아해를 향해 행군을 이어갔다. 그리하여 움브리아라 불리는 지역과 피케눔 지역을 통과하여, 열흘 만에 아드리아해 연안 지역에 도착했다. 그는 수많은 전리품을 손에 넣었는데, 군대가 그 획득한 물자들을 몰고 갈 수도 실어 나를 수도 없을 정도였다. 또한 행군 경로에서 수많은 사람들을 죽였다. 도시가 점령되었을 때와 마찬가지로, 그때도 손에 잡히는 병역 적령기의 남성들을 살해하라는 명령이 내려져 있었기 때문이다.
ταῦτα δʼ ἐποίει διὰ τὸ προ
그가 이렇게 행동한 것은...